Punëtorët e Sindikatës së Re të Korporatës Energjetike të Kosovës po protestojnë sot para Divizionit të Termocentralit “Kosova B”. Ata kërkojnë që të zbatohet marrëveshja kolektive, të kenë sigurime shëndetësore në afate njëvjeçare, e të marrin edhe rrogën e 13’të.

Me këtë rast, njëri nga organizatorët e protestës, Nexhat Llumnica, nënkryetar i sindikatës së re të korporatës energjetike të Kosovës, ka thënë se i kanë adresuar kërkesat e tyre, por që deri më tani nuk janë marrë parasysh.

Ai ka deklaruar se ata kanë realizuar planin e punës mbi 100 për qind, por që nuk ju njihen as pushimet vjetore e as paga e 13’të.

“Ne kemi adresuar disa kërkesa që dy vjet, që të respektohet Ligji i Punës ashtu siç është i përcaktuar. Ne kemi realizuar planin mbi 100 për qind. Në marrëveshjen e përgjithshme kolektive neve na takon edhe paga e 13-të. Nuk njihen pushimet vjetore me vende me rrezikshmëri, që duhet të jenë 30 ditë pushim vjetor. Nuk bëhet marrëveshja kolektive, e vetmja ndërmarrje publike që ka marrëveshje kolektive në nivel të ndërmarrjeve është KEK-u edhe pse KEK është ndërmarrja më gjigante në Kosovë, ma e fuqishmja edhe financiarisht edhe me prodhim”, u shpreh Llumnica.

Mungesa pagës së dinjitetshme ka bërë që punëtorët e sektorit privat në Kosovë, të konsiderohen të skllavëruar dhe të cilët po punojnë veç për të siguruar bukën e gojës.
Paga minimale në sektorin privat – Sindikata thotë se të rinjtë po e braktisin vendinFoto: Ilustrim
Këtë e thotë, kryetari i Sindikate së Sektorit Privat në Kosovë, Jusuf Azemi.

Azemi shtoi se deri me 31 dhjetor do t’i propozojnë kryeministrit pagën minimale, duke apeluar që Qeveria të diskutojë me ta ngase të rinjtë po ikin nga Kosova
“Paga minimale kam kërkuar aq sa ka deklaruar kryeministri. Me 31 dhjetor duhet t’i propozojmë pagë minimale. Punëtorët e sektorit privat janë të skllavëruar, po punojnë për bukën e gojës. Çmimet kanë lëvizur diku 20 e diku 30%”.

Rritja e çmimeve e obligon Qeverinë që të rrit pagën minimale, por ende nuk ka lëvizje. Apeloj Qeverisë të ulemi në tavolinë t’i zgjidhim këto probleme. Viti 2022 këta punëtorë të kësaj kategorie duhet ndryshuar përndryshe këta ikën”, tha Azemi.
Ragip Muli thotë se nuk ka parë asnjë zgjidhje nga Qeveria Kurti. Ai ka përmendur ngritjen e çmimeve duke e cilësuar si të papërballueshme.

“Sindikata e ka shumë mirë. Prej Kurtit s’ka mirë kurgjo hiq. Këta janë veç për veti tu punuar e jo për popull. Kurti ka premtuar derisa i ka marrë votat”.

“Për popull 5 cent me shtrenjtuar çmimet është boll e për ata nuk është kurgjo se kanë pare boll. Duhet ti heqë lypsët nga sheshi. Premtime të kota. Mos e pafsha kurrë më Kurtin”.

Kurse Ali Latifi thotë se edhe pse çdo ditë po ikin nga të rinjtë nga Kosova për jetë më të mirë në shtet perëndimorë, duhet të lihet Qeveria ta zbatojë planin e saj e më pas të kërkohet llogari.

“Koka e kombit po na ikë nga Kosova dhe këtë e kanë bërë pikërisht këta të cilët janë duke sulmuar votën e popullit të cilët e rrëzuan me ndihmën e Beogradit me 25 mars 2020 ku votën e popullit këta e rrëzuan dhe e sollën krimin”.

“Pritini të realizojë programin të cilin e ka premtuar dhe kur t’i largojmë hajnat qeveria do t’i realizojë qëllimet e veta”, tha Latifi.

Hilmi Grajqevci theksoi se me të gjitha problemet që po ballafaqohet Kosova vijnë shkaku i pandemisë dhe kriza globale, ndonëse pret që Qeveria të intervenojë, raporton EO.

“Kish me qenë mirë me prit sindikatat se këto probleme kanë qenë shumë më të theksuara edhe më herët. Por tash le ta lënë Qeverinë të punojë sepse janë rezultat i krizës globale dhe krizës për shkak të pandemisë”.

“Ajo pagë minimale është e lidhur me 60 mijë veteran të luftës të cilët e përfitojnë atë pensionin e veteranit. Nuk janë pagat e mira në Kosovë. Sa më shumë duhet të punojë Qeveria”, tha Grajqevci”.

Banorët e lagjes “Bajram Curri” në Prizren janë në hall me hajnat.

Vetëm gjatë të shtunës u plaçkitën dy shtëpi teksa banorët thonë se ky fenomen së fundi ka filluar të shtohet në lagjen në periferi të Prizrenit, njofton Klan Kosova.

“Është shumë shqetësuese fakti që nuk të lëjnë rehat as në shtëpi”, tha Berat Baxhaku, shtëpia e të cilit u grabit të shtunën.

Probleme me hajnat sipas banorëve brenda këtij muajit patën edhe mbi 10 shtëpi për rreth.

Ndërsa, rastet e fundit Klan Kosovës i’u konfirmuan edhe nga Policia, por që shtuan se deri më tani për këto vepra nuk ka të arrestuar.

Presidentja e vendit, Vjosa Osmani, ka thënë se duhet të rritet numri i grave që punojnë në sektorin e sigurisë që të ketë barazi gjinore.

Ajo, në konferencën ku u lansua “Agjenda për Barazi Gjinore në Policinë e Kosovës”, ka theksuar se gratë kanë dhënë kontribut të jashtëzakonshëm edhe në kohën e luftës për Kosovën.

“Gratë në uniformë ishin pjesë e gjeneratave të para të Policisë së Kosovës. Ky synim ka nisur atë kohë dhe duhet të vazhdojë edhe më fuqishëm. E para tyre kishte shumë gra që me rezistenën e tyre në luftë mbrojtën atdheun e tyre, që dhanë kontribut të jashtëzakonshëm në lirinë tonë, që sot injorohet disa herë. Ato gra janë inspirim për rrugën që kemi përpara”.

“Nuk ka shoqëri në qoftë se barazia nuk i prek krejt sektorët, duke përfshirë edhe sektorët e sigurisë që janë boshti i shtetit, ne duhet t’i inkurajojmë gratë që të bëhen pjesë e këtij sektori. Duke siguruar mekanizma adekuat që të mënjanohen pabarazitë gjinore”.

“Duhet t’i shmangim stereotipet e betonuara se sektori i sigurisë është një sektor i burrave. Nuk ka sektor të burrave, ka sektor të sigurisë me burra dhe gra që krahas njëri-tjetrit kujdesën për të gjithë sigurinë e qytetarëve tanë pa dallim”.

“Shifrat e grave të punësuara në shumicën e institucioneve të sigurisë nuk janë inkurajuese, të gjithëve na mbetet shumë punë dhe duhet të rrisim përkushtimin tonë, që statistikat të pësojnë ndryshim të ndjeshëm dhe jo vetëm ne numra, por edhe në përfaqësim dhe në vendimmarrje të grave”, ka thënë Osmani.

Qeveria e Kosovës është pro bërjes së qeseve të plastikës me pagesë, veçse janë në pritje të hulumtimit që Ministria e Mjedisit me ndihmën e GIZ-it kanë angazhuar një ekspert i cili do të bëjë një hulumtim për ndikimin e qeseve në mjedis.

“Aktualisht, jemi duke pritur rekomandimet nga hulumtimi, mirëpo në parim jemi që qeset e plastikës të bëhen me pagesë (çmim ky i cili do të përcaktohet nga hulumtimi). Opsion tjetër kemi edhe futjen në treg të qeseve të letrës dhe qeseve të materialit (tekstil) për përdorim, me ç’rast qytetari do ketë mundësi të zgjedh se cilën nga to dëshiron ta përdorë. Kështu qytetarët do të fillojnë të mendojnë më shumë për mbrojtjen e mjedisit dhe shpresoj shumë që zgjedhjet e tyre do jenë sa më miqësore me mjedisin”, ka thënë Zëvendësministrja e Mjedisit, Linda Çavdarbasha, për Klankosova.tv.

MMPHI me qëllim të menaxhimit të drejtë të mbeturinave sidomos për reduktimin e qeseve të plastikës një përdorimeshe dhe përfitimit të materialeve ricikluese nga qeset e plastikës ka formuar një grup punues ku janë të përfshirë të gjitha palët e interesit.

Çavdarbasha thotë se pavarësisht prej studimit/hulumtimit dhe rekomandimeve të dala nga grupi punues do të ndryshohet dhe plotësohet legjislacioni sekondar që ka të bëjë me reduktimin e qeseve plastike një përdorimëshe.

Zëvendësministrja po ashtu pohon se paraprakisht, janë mbajtur takime me palët e interesit dhe kanë arritur në konkluzion se formimi i këtij grupi gjithëpërfshirës do të ndihmojë në gjetjen e një zgjidhje të përshtatshme dhe të qëndrueshme sa i përket reduktimit të qeseve të plastikës.

“Me miratimin e Plotësim ndryshimit të ligjit për mbeturina, Udhëzimi Administrativ për përcaktimin e kërkesave teknike dhe kërkesave tjera për qeset e plastikës do të shfuqizohet, për shkak se në bazë të praktikave të deritanishme nuk ka qenë i zbatueshëm dhe nuk ka sjell ndonjë rezultat”.

“Më nuk është e nevojshme për importuesit dhe prodhuesit e qeseve të plastikës të përdorin aditiv për t’i bërë qeset e biodegradueshme, sepse sipas studimeve të fundit dhe rekomandimeve nga BE, shndërrimi i tyre në mikroplastikë është edhe më i dëmshëm për tokën dhe biodiversitetin”, tha Çavdarbasha.

Policia Rajonale e Prizrenit në një komunikatë për media ka njoftuar se gjatë ditëve të uikendit në datat 17/18 dhe 19 dhjetor 2021, duke u bazuar ne Vendimet e Qeverise së Republikës së Kosovës (masat mbrojtëse kundër Virusit Covid 19), Drejtoria rajonale e policisë në Prizren, ka zhvilluar aktivitete në parandalimin dhe respektimin e masave kundër Covid-19.

Gjate kryerjes se detyrës zyrtare, angazhimet policore në zbatim të masave anti covid-19 në qendrat  tregtare, sheshe dhe lokacionet tjera në komunën e Prizrenit, policia ka shqiptuar 131 tiketa për personat të cilët nuk i kanë respektuar keto masa në bazë të ligjit 07/L-006.

Jo vetëm këto, por janë shtuar aktivitetet në parandalim të aksidenteve dhe kontrollimin e rrjedhës së trafikut, ku në pasqyrimin e aktiviteteve tjera dhe kontrollimin e komunikacionit policia ka shqiptuar gjithsej 535 tiketa të kundërvajtjeve në komunikacion.

Aktiviteti i policisë ishte përkushtuar në realizimin dhe zbatimin e urdhëresave nga gjykata, vetëm gjatë javës së kaluar janë realizuar gjithsej 47 urdhëresa, ku 47 persona të dënuar apo të ftuar për intervista janë ndaluar sipas vendimeve të gjykatës themelore në Prizren dhe Suharekë. Aktivitete të tilla do të jene në vazhdimësi, thuhet në njoftim .