Miratimi për aplikimin e dozës së tretë në Kosovë, të vaksinës për mbrojtje ndaj Covid-19, është çështje ditësh.
Kështu kanë bërë të ditur burime për Klankosova.tv, brenda Ministrisë së Shëndetësisë.
Ndryshe mësohet se doza e tretë e vaksinës ndaj Covid-19, në Shqipëri veçse është duke u aplikuar që nga fillimi i muajit nëntor.
Deputeti i Listës Guxo që vepron në Grupin Parlamentar të LVV-së, Haxhi Avdyli ka komentuar rezultatin e balotazhit në Prizren.
Avdyli thotë se në Prizren u bënë të gjithë kundër Lëvizjes Vetëvendosje.
Mirëpo i është befasuar pse Totajt iu bashkuan edhe disa rugovistë e aktivistë të dëshpëruar të LVV-së.
Postimi i Avdylit
Të nderuar qytetarë të Prizrenit,
dje procesi zgjedhor u mbyll qetë, pa incidente dhe me një kulturë e lartë demokratike. Ky proces është fitore e qytetarisë të cilët me votën e dëshirën e tyre të lirë vendosën që qyteti i tyre të udhëhiqet nga PDK.
Procesi zgjedhor i 14 nëntorit deshmoj që fitoj koalicioni i të gjithëve kundër Kryetarit Haskuka. Për çudi këtë koalicion joparimor për arsye të ndryshme u bashkuan PAN por edhe Rugovistë poashtu aktivistë të dëshpruar të VV-së. Edhe pse i papëlqyeshëm, por ky është vendim i bashkëqytetarëve tanë, vendim i sovranit dhe padyshim që do respektohet dhe urojmë fituesit.
Një jam i sigurt që pushteti në Prizren dorëzohet në gjendje shumë më të mirë si infrastruktore e çdo aspekt tjetër sesa para 4 vitesh. Në 2017 Prizreni kishte 000 m-katror për investitor, e dorëzohen me 3 zona ekonomike të gatshme me qindra hektar. Ishin ato parti që tani kanë fituar që bllokuan keto projekte zhvillimore. Shëndetesia, arsimi, bujqësia e çdo sektor tjetër është pakrahasueshëm më mirë se para 4 vite.
Tani mbetet me u pa sesi ky pushtet i ri i krijuar në bazë të pazareve se si do sillet me pushtetin e fituar. A do arrijë të punoj për qytetin dhe qytetarët apo për grupet e interesit në koalicion e jashtë koalicionit mbetet për tu parë.
Ne lutemi dhe shpresojmë për punë të mira për qytetarët.
Unë si deputet, bashkë me kolegë do mbesim gardian të interesit qytetarë dhe do vezhgojmë me kujdes punën e secilit . Nuk do hezitojmë të denoncojmë çdo dukuri devijante, çdo shkelje korruptive, çdo keqpërdorim me pronën e paranë publike që mund të bëjnë koalicioni i PAN-it në Prizren, siq ka ndodhur në të kaluarën e tyre jo të largët.
Për fund, Kryetarin Haskuka falenderoj për bashkëpunim korrekt poashtu përgëzoj për punën e ndershme dhe të përkushtuar për Prizrenin më mirë.
Të dashur miqë e aktivistë, faleminderit për besimin tuaj, për angazhimin e tuaj të pakursyer para e gjatë fushatës. Ne do jemi me ju dhe për ju, kudo që do jemi.
Nuk është fundi por fillimi i një beteje të re nga pozita të ndryshme por gjithmonë për më shumë për Prizrenin.
Në dy komunat ku rezultati preliminar ishte më i ngushti në balotazhin e 14 nëntorit, Dragash e Junik, votat me postë pritet ta vendosin çështjen e fituesve.
Në këto dy komuna ka numër më të madh të flotëvotime të aprovuara nga KQZ-ja, të ardhura nga diaspora, ka bërë të ditur zëdhënësi i KQZ-së, Valmir Elezi për KOHËN. Numri i fletëvotime të aprovuara në Junik është 670, e në Dragash 308.
Në Junik, Ruzhdi Shehu nga LDK-ja ka 1.199 vota apo 50.61 për qind, derisa Agron Kuçi i AAK-së ka 1.170 vota apo 49.39 për qind. Diferenca këtu është 29 vota.
Ndërsa, në Komunën e Dragashit, Shaban Shabani i PDK-së ka 5.648 vota apo 50.21 për qind, ndërsa Bexhet Xheladini i LDK-së ka 5.601 vota apo 49.79 për qind. Diferenca mes tyre është 47 vota.
Komisioni Qendror i Zgjedhjeve (KQZ) ka njoftuar se të martën do të fillojë procesi i numërimit të fletëvotimeve që janë dërguar jashtë Kosovës, gjatë periudhës së votimit 29 tetor-12 nëntor.
KQZ-ja bën të ditur se kanë evidentuar 1.571 pako të supozuara me fletëvotime të ardhura me postë.
“Nga procesi i vlerësimit, del se nga këto pako numri i zarfeve të individualizuara me fletëvotime është 2,658, prej të cilave janë aprovuar 2.379, ndërsa pasi nuk kanë plotësuar kriteret ligjore janë refuzuar 279 pako. Këto fletëvotime u takojnë komunave 19 komunave të ndryshme”, ka thënë Elezi.
Në Qendrën e Numërimit dhe Rezultateve (QNR) po zhvillohen procedurat e parapara, “që gjithashtu sa më shpejt që është e mundur të fillojmë me numërimin e votave me kusht dhe të personave me nevoja të veçanta”.
Kreu i Lidhjes Demokratike të Kosovës, Lumir Abdixhiku, ka deklaruar se votat e e diasporës do t’ia japin fitoren partisë së tij në Dragash. Në bazë të rezultateve preliminare, LDK-ja i ka fituar shtatë komuna.
Kryeministrja e Serbisë, Ana Bërnabiq, u bëri thirrje të gjitha vendeve në Ballkan, duke përfshirë Kosovën, që t’i bashkohen nismës “Ballkani i Hapur”.
Ajo tha se ftesa për këto vende është “gjithmonë e hapur”.
Nisma e bashkëpunimit “Ballkani i Hapur”, e cila përfshin Serbinë, Shqipërinë dhe Maqedoninë e Veriut, parashikon lirinë e lëvizjes për kapitalin, mallrat, shërbimet dhe njerëzit midis vendeve.
“Qytetarët që jetojnë në rajon do të përfitojnë jashtëzakonisht shumë nga kjo nismë”, tha Bërnabiq më 15 nëntor, duke iu përgjigjur pyetjeve gjatë një takimi të Asamblesë Parlamentare të NATO-s, i cili po mbahet në Parlamentin serb.
Kosova, Mali i Zi dhe Bosnje dhe Hercegovina kundërshtojnë pjesëmarrjen në nismën “Ballkani i Hapur”.
Qeveria aktuale e kryeministrit të Kosovës, Albin Kurti, e hedh poshtë këtë iniciativë dhe u bën thirrje vendeve të rajonit që të mbeten të përkushtuara ndaj agjendës së Bashkimit Evropian.
Në Beograd më 4 nëntor është mbajtur takimi i radhës i udhëheqësve të nismës rajonale për bashkëpunim “Ballkani i hapur”.
Në takim morën pjesë presidenti i Serbisë, Aleksandar Vuçiq, kryeministri i Shqipërisë, Edi Rama, zëvendëskryeministri për çështje evropiane i Maqedonisë së Veriut, Nikolla Dimitrov, si dhe afaristë nga rajoni.
Presidenti Vuçiq tha se do të formohet një këshill i zbatimit të marrëveshjeve të arritura.
Çfarë është arritur deri më tani?
Në kuadër të kësaj nisme, është vendosur lëvizja e lirë e qytetarëve me letërnjoftim ndërmjet Serbisë, Maqedonisë së Veriut dhe Shqipërisë, është nënshkruar marrëveshja për bashkëpunim në parandalimin dhe eliminimin e pasojave të fatkeqësive natyrore. Po ashtu, janë nënshkruar marrëveshje për bashkëpunim në lehtësimin e importit, eksportit dhe lëvizjes së mallrave në Ballkanin Perëndimor, si dhe një Memorandum mirëkuptimi dhe bashkëpunimi për qasje të lirë në tregun e punës.
Ndërmjet Serbisë, Maqedonisë së Veriut dhe Shqipërisë është rënë dakord që kontrollet kufitare të hiqen nga 1 janari i vitit 2023. Po ashtu, është planifikuar që gradualisht të krijohet një treg i përbashkët për 12 milionë banorë, aq sa kanë banorë këto tri shtete së bashku – pra, të krijohet një “zonë e vetme ekonomike”.
Profesori i shkencave ekonomike, Muhamet Mustafa, i ka thënë Radios Evropa e Lirë (REL) se nisma “Ballkani i hapur” nuk mund të jetësohet përderisa Serbia ka qasje penguese për Kosovën, Malin e Zi dhe Bosnjë e Hercegovinën.
Ndërsa njohësi i ekonomisë nga Tirana, Fatos Cocoli, i tha REL-it se Kosova duhet ta përkrahë këtë iniciativë pavarësisht problemeve politike me Serbinë. /REL
Pas deklaratave të ish-emisarit të Shtëpisë së Bardhë për dialogun Kosovë-Serbi, Richard Grenell, se Vjosa Osmani iu ka thënë SHBA-vë se nuk është dakord me politikat e Kurtit në raport me Amerikën, ka reaguar Presidenca e Kosovës.
“Si Shef i Kabinetit të Presidentes Vjosa Osmani, dua t’iu informoj se Richard Grenell po gënjen kur i referohet deklaratës së Presidentes së Republikës së Kosovës”, ka shkruar Vela në Twitter.
Ndryshe, Grenell në një postim në Twitter ka shkruar se Kurti mori këtë rezultat ngase refuzoi projektet amerikane.
“Populli i Kosovës i ka dërguar një mesazh të fortë Albin Kurtit, pasi është e papranueshme të refuzosh SHBA-në, energjinë e rinovueshme të pastër (projektin e gazit) dhe Marrëveshjet e Uashingtonit të nënshkruara në Zyrën Ovale. Vjosa Osmani ia ka bërë të qartë edhe SHBA-ve, se ajo nuk është dakord me Kurtin”, shkroi Grenell.
Ish-emisari i Shtëpisë së Bardhë për dialogun Kosovë – Serbi Richard Grenell, ka reaguar pas zgjedhjeve lokale në Kosovë.
Ai tha se këto zgjedhje i dhanë një mësim të mirë kryeministrit të Kosovs Albin Kurti, sepse i refuzoi projektet amerikane.
Ish i dërguar i presidentit të Shteteve të Bashkuara të Amerikës Donald Trump, theksoi se presidentja e Kosovës Vjosa Osmani, mendon më ndryshe se kryeministri Albin Kurti.
“Populli i Kosovës i ka dërguar një mesazh të fortë Albin Kurtit, pasi është e papranueshme të refuzosh SHBA-në, energjinë e rinovueshme të pastër (projektin e gazit) dhe Marrëveshjet e Washingtonit të nënshkruara në Zyrën Ovale. Vjosa Osmani ia ka bërë të qartë edhe SHBA-ve, se ajo nuk është dakord me Kurtin”.
https://twitter.com/RichardGrenell/status/1460247657859874825?ref_src=twsrc%5Etfw%7Ctwcamp%5Etweetembed%7Ctwterm%5E1460247657859874825%7Ctwgr%5E%7Ctwcon%5Es1_&ref_url=https%3A%2F%2Fklankosova.tv%2Fgrenell-kurti-u-ndeshkua-sepse-refuzoi-projektet-amerikane%2F
Industria e veturave në Kosovë është mjaft e zhvilluar, ku vazhdimisht është në rritje numri i veturave të reja që shiten.
Sipas informacione zyrtare, ne ju sjellim detaje se cilat vetura kanë shënuar rekord të shitjeve gjatë muajit shtator dhe tetor.
Muaji shtator
Në bazë të këtyre burimeve, brendi Renault, Dacia, Mercedes, Suzuki dhe Volkswagen janë top 5-shja e parë me më së shumti shitje.
Renault ka shitur gjithsej 29 vetura gjatë këtij muaji, prej të cilave 15 kanë qenë Renault Megane dhe 7 Talisman.
Në anën tjetër, Dacia ka arritur t’i shesë 21 vetura gjatë muajit shtator, prej të cilave prinë modeli Sandero me 12 të shitura.
Mercedes ka arritur t’i shesë 17 vetura gjatë muajit shtator, Suzuki 17 vetura dhe Volkswagen 15.
Muaji tetor
Edhe gjatë muajit tetor brendi Renault ka arritur të renditet i pari në listën e veturave me më së shumti shitje ku gjithsej ka shitur 33 veturave (21 prej të cilave janë modeli Captur), Peugeot ka shitur 21vetura, Suzuki i ka shitur 21 vetura , Skoda 16 vetura dhe Toyota e mbyllë top 5-shen me 15 vetura të shitura gjatë muajit tetor.
Siç duket, gjatë këtyre dy muajve të fundit modelet Renault Captur dhe Renault Megane prijnë me shitje, ku vazhdimisht mbesin si veturat më të kërkuara në Kosovë.
Të martën pasdite pritet të fillojë numërimi i votave të ardhura me postë në adresë të Komisionit Qendror të Zgjedhjeve për balotazhin e së dielës.
Valmir Elezi, zëdhënës i Komisionit Qendror të Zgjedhjeve ka thënë se numri i zarfeve të individualizuara me fletëvotime që do të numërohen është 2 mijë e 379.
Në bazë të listës së publikuar nga KQZ, numri më i madh i fletëvotimeve nga jashtë Kosovës i takojnë komunës së Junikut, 670 të tilla.
“Gjatë ditës së martë, 16 nëntor, Komisioni Qendror i Zgjedhjeve do të fillojë me numërimin e fletëvotimeve të cilat janë dërguar nga jashtë Kosovës gjatë periudhës së votimit, 29 tetor – 12 nëntor. Tashmë shërbimi votues i KQZ-së ka bërë vlerësimin e 1,571 pakove të supozuara me fletëvotime të ardhura përmes postës. Nga procesi i vlerësimit, del se nga këto pako numri i zarfeve të individualizuara me fletëvotime është 2,658, prej të cilave janë aprovuar 2.379, ndërsa pasi nuk kanë plotësuar kriteret ligjore janë refuzuar 279 pako. Këto fletëvotime u takojnë 19 komunave të ndryshme”, tha Elezi.
Ndërkaq, KQZ-ja akoma nuk ka bërë të ditur se sa është numri i votave me kusht dhe votave të personave me nevoja të veçanta në 21 komunat ku u mbajt raundi i dytë i zgjedhjeve për kryetarë.
“Në Qendrën e Numërimit dhe Rezultateve janë duke u zhvilluar të gjitha procedurat e parapara që gjithashtu sa më shpejt që është e mundur të fillojmë me numërimin e votave me kusht dhe të personave me nevoja të veçanta”, tha Elezi për Reporteri.net.
Të dielën, më 14 nëntor, u mbajt procesi i votimit në 21 komuna: Gjakovë, Drenas, Dragash, Istog, Kaçanik, Klinë, Fushë Kosovë, Kamenicë, Obiliq, Rahovec, Podujevë, Prishtinë, Prizren, Shtime, Viti, Vushtrri, Malishevë, Junik, Mamush dhe Kllokot.
Nga 1.058 testime, 4 qytetarë kanë rezultuar pozitiv me COVID-19.Gjatë 24 orëve të fundit, nuk është shënuar asnjë rast i vdekjes.Sot janë shëruar 8 qytetarë, derisa numri i përgjithshëm i të shëruarve është 157.548.Në total numri i rasteve aktive është 424.
Të dhënat e detajuara mund të i gjeni në linkun:
Kryetari i Kuvendit të Republikës së Kosovës, Glauk Konjufca, i shoqëruar nga këshilltarët, ka pritur sot në takim kryeministrin e Republikës së Kroacisë, Andrej Plenković, me të cilin diskutoi për marrëdhëniet bilaterale, liberalizimin e vizave, integrimin evropian, shkëmbimet ekonomike, zhvillimet politike në rajon dhe tema të tjera me interes të përbashkët.
Gjatë takimit, i cili u karakterizua nga një frymë shumë miqësore dhe e pajtimit të plotë rreth interesave reciproke të bashkëpunimit, kryetari Glauk Konjufca vlerësoi lart marrëdhëniet e shkëlqyera bilaterale dhe falënderoi kryeministrin Plenković për përkrahjen që shteti kroat i ka dhënë ndër vite Kosovës në të gjitha proceset e shtetndërtimit. Kryetari Konjufca po ashtu i shprehu mirënjohje të veçantë kryeministrit kroat për kujdesin dhe ndihmën e ofruar me rastin e aksidentit tragjik të autobusit me bashkatdhetarët tanë në Slavonski Brod.
Duke e konsideruar Kroacinë si partner strategjik të vendit tonë, i pari i Kuvendit ritheksoi se fati i popujve të rajonit tonë është i përbashkët dhe se të tilla duhet të jenë edhe qëllimet, prandaj shteti ynë është i përkushtuar për forcimin e mëtejmë të marrëdhënieve ndërmjet dy vendeve. Kryetari Konjufca nënvizoi se orientim afatgjatë i Republikës së Kosovës mbetet perspektiva evropiane dhe anëtarësimi në NATO e organizata tjera ndërkombëtare.
Kryeministri kroat, Andrej Plenković konfirmoi mbështetjen e palëkundur të Kroacisë në rrugën e integrimit euro-atlantik të Kosovës, si dhe përkrahjen për liberalizimin e vizave dhe anëtarësimin e shtetit tonë në organizata ndërkombëtare.
