Profesori Milazim Krasniqi, ka vlerësuar se afrimi i Shqipërisë me Serbinë e dëmton shumë Republikën e Kosovës, në këtë rast procesi i “Ballkanit të Hapur”, direkt e dëmton rrugën e Kosovës në proces të zhvillimit dhe integrimit në strukturat euroatlantike.

Qeveria e Kosovës duhet të tregojë se cilat janë interesat e Kosovës, e që në fakt ato janë integrimi në BE dhe NATO. Nuk ka nevojë të fyhet askush, por ka njëfarë kompleksi dhe frike që po ndodh në qeverinë e Kosovës, ajo duhet të mbrojë interesat e Kosovës”, tha Krasniqi për lajmet e orës 13:00 në Radio Televizion e Kosovës (RTK).

Krasniqi ka folur edhe për influencën ruse në Ballkan. “Rusia po luan një lojë në Ballkan, ajo ka imponuar rrënjë dhe lojë gjeopolitike në Ballkan”, tha ai.

Për mundësinë e arritjes së një marrëveshje mes Kosovës dhe Serbisë, Profesori Milazim Kransiqi, vlerësoi se është vështirë të arrihet ajo, për shkak se nëse rast se përsëri fiton Vuçiqi nuk do të ketë kurrfarë rezultati për shkak se ai është pas ardhës i Millosheviqit. Serbia deri në fund do ta luaj lojën e dyfishtë”, tha ai.

Rregullatori i barnave i Bashkimit Evropian do të vendosë të hënën nëse do të autorizojë përdorimin e vaksinës Novavax kundër COVID-19, e cila pretendon se prodhuesi i saj mund të ndihmojë të fitojë mbi skeptikët e vaksinës.

Sipas mediave të huaja, përcjell Telegrafi, nëse miratohet nga Komiteti për Produkte Medicinale për Përdorim Njerëzor nga Agjencia Evropiane e Barnave (EMA), Novavax do të jetë vaksina e pestë e autorizuar në të gjithë bllokun së bashku me Pfizer/BioNTech, AstraZeneca/Oxford, Moderna dhe Johnson&Johnson.

Novavax përdor një teknologji më konvencionale sesa ato të përdorura për vaksinat e tjera tashmë në përdorim – është e ngjashme me teknologjinë e përdorur në vaksinat e hepatitit B – dhe nuk ka nevojë të ruhet në temperatura ultra të ulëta.

Drejtori ekzekutiv i Novavax, Stanley C. Erck, ka argumentuar se vaksina e kompanisë së tij “mund të ndihmojë në kapërcimin e barrierave kryesore ndaj vaksinimit global, duke përfshirë sfidat e shpërndarjes globale dhe hezitimin e vaksinave”.

Rezultatet nga provat klinike të publikuara në qershor treguan 90.4% efikasitet kundër sëmundjes dhe 100% efikasitet kundër rasteve të rënda deri në mesatare.

Kompania tha gjithashtu se po “vlerësonte vaksinën e saj kundër variantit Omicron” dhe po punonte për një version specifik për të.

Komisioni Evropian ka nënshkruar tashmë një kontratë me Novavax për blerjen paraprake të 200 milionë dozave të vaksinës së tij pasi të jetë miratuar nga EMA.

Indonezia dhe Filipinet kanë miratuar tashmë vaksinën e Novavax, ndërsa Japonia ka rënë dakord të blejë 150 milionë doza.

Novavax thotë se ka paraqitur kërkesën për miratim edhe në Britani, Indi, Australi, Zelandë të Re, Kanada dhe në Organizatën Botërore të Shëndetësisë. /Telegrafi/

Shumë njerëz përballen me shtypje të lartë të gjakut.

E për përcaktimin e opsioneve të duhura të trajtimit të tij, ndihmojnë një sërë faktorësh,

Këta faktorë përfshijnë llojin e shtypjes së lartë si dhe është e domosdoshme të dihet se cilat shkaqe janë identifikuar.

Nëse mjeku juaj ju diagnostikon me hipertension primar, ndryshimet në stilin e jetës mund të ndihmojnë në uljen e presionit të lartë të gjakut.

Ndërkaq, nëse vetëm ndryshimet në stilin e jetës nuk janë të mjaftueshme, mjeku mund të përshkruajë ilaçe, shkruan Healthline, transmeton Klankosova.tv.

Nëse një medikament që keni filluar të merrni shkakton rritje të shtypjes të gjakut, mjeku do të provojë medikamente të tjera pa efekte anësore.

Planet e trajtimit për hipertensionin shpesh evoluojnë, ajo që funksionoi në fillim mund të bëhet më pak e dobishme me kalimin e kohës, prandaj duhet vazhdimisht të jeni të kujdesshëm që të vazhdoni të përmirësoni mënyrën e trajtimit tuaj.

Nga Zyra Kombëtare e Auditimit (ZKA) njoftojnë se kanë filluar auditimin e performancës në KOSTT në fushën e prokurimit publik me temën “Auditimi i projekteve kapitale (2015-2021)”, e cila nuk është audituar nga ZKA që nga viti 2010.

Bëhet e ditur se trajtimi i kësaj teme të auditimit është i rëndësishëm, pasi që KOSTT është shoqëri aksionare 100% në pronësi të Republikës së Kosovës, dhe për arsye se projektet kapitale janë me interes të lartë publik dhe ndikim të gjerë social dhe ekonomik.

“Objektivi i këtij auditimi është të vlerësojmë nëse menaxhmenti i ndërmarrjes publike KOSTT është siguruar se projektet kapitale për vitet 2015-2021 janë prioritizuar dhe planifikuar në mënyrë të duhur si dhe nëse menaxhimi i proceseve të prokurimit është bërë konform legjislacionit në fuqi dhe janë arritur rezultatet e synuara të prokurimit”.

“Auditimi synon të rris llogaridhënien, transparencën dhe integritetin e aktiviteteve lidhur me investimet kapitale në KOSTT dhe aty ku është e nevojshme të ofroj rekomandime që fondet publike të shfrytëzohen në mënyrë më efektive dhe efikase dhe të arrijnë qëllimet e synuara”, thuhet mes tjerash në njoftimin për media.

Ministri i Kulturës, Rinisë dhe Sportit, Hajrulla Çeku ka thënë se e kanë filluar plotësimin e legjislacionit sekondar përkatës, i cili sipas tij, do të krijojë një bazë të fortë për një proces profesional të vlerësimit të trashëgimisë kulturore. Çeku ka thënë se gjatë kësaj jave do të dorëzojnë grupin e parë të propozimeve për mbrojtje të përhershme të aseteve të trashëgimisë kulturore.

Ministri i Kulturës ka folur në një tryezë të organizuar nga Këshilli i Kosovës për Trashëgimi Kulturore (KKTK), ku këta të fundit kanë thënë se gjendja e monumenteve nuk është e mirë andaj sipas tyre nevojitet bashkëpunim ndërinstitucional.

Çeku: Gjatë kësaj jave do të dorëzojmë grupin e parë të propozimeve për mbrojtje të përhershme të aseteve të trashëgimisë sonë kulturore

“Në bashkëpunim të ngushtë me Këshillin e Kosovës për trashëgimi kulturore kemi filluar me plotësimin e legjislacionit sekondar përkatës i cili do të krijojë një bazë të fortë për një proces profesional të vlerësimit të trashëgimisë kulturore sipas standardeve dhe parimeve ndërkombëtare. Gjithashtu pas një angazhimi intensiv të institucioneve të trashëgimisë kulturore dhe në koordinim të ngushtë me KKTK-në gjatë kësaj jave do të dorëzojmë grupin e parë të propozimeve për mbrojtje të përhershme të aseteve të trashëgimisë sonë të pasur kulturore”, ka thënë ministri Çeku.

Çeku ka thënë se në muajt e fundit kanë filluar disa programe që sipas tij do të kontribuojnë në përmirësimin e situatës sa i përket mbrojtjes së trashëgimisë kulturore.

Këtu ai ka përmendur programin e sistemit të integruar të menaxhimit të trashëgimisë kulturore dhe ka thënë se përmes këtij programi do të sigurohet përfshirja e të gjitha të dhënave të kategorive të trashëgimisë kulturore në një platformë të përbashkët e të integruar.

E kryetari i Komisionit për Arsim dhe Kulturë në Kuvendin e Kosovës, Ardian Gola ka thënë se ky komision do të mbështesë të gjitha masat shtetërore që ruajnë identitetin, historinë dhe kulturën e Kosovës.

Gola: Komisioni parlamentar për arsim dhe kulturë jep mbështetje maksimale për ruajtjen e identitetit dhe kulturës së Kosovës

“Sigurisht që na presin sfida nga më të larmishmet kështu që zhvillimi i qëndrueshëm dhe promovimi i trashëgimisë që tashmë kanë filluar të adresohen me programin qeverisës dhe mbi të gjitha edhe atë legjislativ, kështu që në emër të komisionit parlamentar për arsim dhe kulturë jap mbështetjen maksimale për mbarëvajtjen e masave shtetërore për të ruajtur identitetin, historinë dhe kulturën e Kosovës. Roli, përgjegjësia e punës dhe koordinimi i të gjitha hallkave institucionale është i një rëndësie të jashtëzakonshme”, ka thënë ai.

Ndërsa kryetarja e Bordit të KKTK-së, Zanita Halimi ka thënë se trashëgimia kulturore në Kosovë duhet të mbrohet.

Halimi: Trashëgimia kulturore është e rëndësishme për zhvillim ekonomik

“Kjo tryezë duhet të shihet si platformë dialogu për të reflektuar në atë çfarë është arritur deri tani si një komunitet i lidhur me vlerat dhe qëllimin e përbashkët dhe atë që duhet të ndërmerret ende. Të gjithë jemi të vetëdijshëm se trashëgimia kulturore është burim i çmuar në shumë mënyra, trashëgimia kulturore është e rëndësishme për zhvillim ekonomik, për atraksion turistik, është faktor identiteti, prandaj ne duhet të vazhdojmë ta mbrojmë atë, jo vetëm për rolin e rëndësishëm në rritjen ekonomike në punësim, por veçanërisht sepse është përgjegjësi e jona ndaj brezave të ardhshëm”, ka thënë Halimi./KultPlus.com