Bratislav Nikoliq është arrestuar mëngjesin e sotëm nën dyshimet se ka qenë i përfshirë në ndërtimet në Brezovicë për të cilën prokuroria thotë se janë kryer me ryshfete e korrupsion.

Në anën tjetër përveç Nikoliqit, prokuroria ka dhënë urdhër të arrestohen edhe disa persona të tjerë, përfshirë drejtorin e Urbanizmit në Shtërpcë, disa zyrtarë e pronarë kompanish.Aksioni është zgjeruar edhe në Prishtinë, ndërsa KALLXO.com raportoi se cak i prokurorisë është edhe një pronar i një kompanie në Graçanicë.

Deri sa KALLXO.com raportoi se ish-kryetarit të Shtërpcës i janë sekuestruar dy vetura, njëra nga to ‘Gjip’, e tjetra e tipit “BMW” me targa të Serbisë, në deklarimin e pasurisë në Agjencinë Kundër Korrupsionit, Nikoliq ka thënë se ka vetëm një veturë, vlera e së cilës është 65 mijë euro.

Në deklarimin e pasurisë së Nikoliqit figuron edhe një banesë në vlerë të 50 mijë eurove, ndërsa nuk ka raportuar pasuri tjetër të paluajtshme.Në banka të caktuara, Nikoliq ka raportuar se ka 116 mijë e 98 euro kesh të gatshme.KALLXO.com po raporton vazhdimisht për zhvillimet në aksionin e Prokurorisë Themelore të Ferizajt.

Pak minuta më parë janë sekuestruar dy vetura të ish-kryetarit Nikoliq.KALLXO.com raportoi se dhjetë persona janë arrestuar në mesin e tyre, ish-kryetari i Komunës së Shtërpcës, drejtori i Urbanizmit të kësaj komune, disa zyrtarë dhe pronarë të kompanive nën dyshimet për dhënie e marrje ryshfeti e keqpërdorim të detyrës zyrtare lidhur me ndërtimet në Brezovicë.

Gjatë mëngjesit KALLXO.com publikoi edhe pamje ekskluzive nga aksioni i Njësive Speciale në Shtërpcë.Aksioni i cili po udhëhiqet nga Prokuroria e Ferizajt, ka të bëjë me veprat penale të korrupsionit me ndërtimet në Brezovicë.Ky aksion sipas vet kryeprokurorit të Ferizajt Shukri Jashari, është ndër më të mëdhenjtë në luftën kundër korrupsionit.

Për një nga aksidentet më të rënda të trafikut në Kroaci, ai që ndodhi të dielën e 25 korrikut të këtij viti, ku mbetën të vrarë 10 qytetarë të Kosovës në autostradën afër Slavonski Brodit, u shkrua me ditë të tëra dhe më pas, siç ndodh, gjithçka ra në harresë.

Me një muaj paraburgim është dënuar shoferi 52-vjeëar D. L., i dyshuar si shkaktar i një aksidenti të rëndë automobilistik. Këtë e ka bërë Gjykata e Qarkut në Slavonski Brod, sepse rasti nga juridiksioni i Gjykatës Komunale në Slavonski Brod ka qenë nën juridiksionin e gjykatës lokale të qarkut.

Kjo do të thoshte se ndryshe nga informacionet e para të mbledhura menjëherë pas aksidentit, u konstatua se mund të jetë ende një formë e kualifikuar e një aksidenti të rëndë trafiku, për të cilin drejtuesi i mjetit rrezikon deri në 15 vjet burg.

Prandaj hetuesit dyshuan se nuk mund të ishte një vrasje nga pakujdesia, për të cilën do të ishte përgjegjëse prokuroria e shtetit komunal, por një vrasje me paramendim.

Prokurorët kërkuan kryerjen e ekspertizës

Për këtë histori, për atë që do të ndodhë më vonë, rëndësi ka edhe ky detaj: drejtuesi i autobusit DL është shtetas i huaj, ndaj është dënuar me paraburgim për shkak të mundësisë së arratisjes, aq më tepër që Kroacia dhe Kosova nuk kanë marrëveshje për bashkëpunim në procedurë penale që parashikon ekstradimin reciprok të shtetasve për ndjekje penale. Kështu, u shpjegua për mediat se kur dy ditë pas aksidentit, rasti është marrë nga Prokuroria e Shtetit të Qarkut në Slavonski Brod, dhe shoferit kosovar i është caktuar masa e paraburgimit për një muaj.

Që atëherë, më 27 korrik, deri në fund të nëntorit të këtij viti, shoferi D. L. ishte në paraburgim për shkak të një aksidenti të rëndë trafiku me dhjetë të vdekur dhe njëzet të plagosur rëndë, dhe më pas më 22 nëntor ishte liruar për t’u mbrojtur.

Ai u lirua nga gjyqtari i Gjykatës së Qarkut në Slavonski Brod, Mirko Svirçeviq. Ai e ka bërë këtë përkundër faktit se shoferi i autobusit, shtetasi i Kosovës, D. L., nuk ka kaluar ekspertizën psikiatrike, psikologjike dhe neurologjike të kërkuar nga Prokuroria e Qarkut.

Dhoma e miratoi ankesën e Prokurorisë

“Kjo ekspertizë është jashtëzakonisht e rëndësishme për të përcaktuar nëse bëhet fjalë për vrasje nga pakujdesia apo për vrasje me paramendim. Dhe ky kualifikim i veprës është veçanërisht i rëndësishëm për aktakuzën, si dhe për faktin nëse shoferi i Kosovës do të gjykohet në Gjykatën Komunale apo të Qarkut”, thotë për Telegram një nga tre ekspertët juridikë, përfshirë një gjyqtar, i cili është konsultuar në lidhje me atë një ngjarje jo të zakonshme.

“Është jashtëzakonisht e paqartë pse gjyqtari Svirçeviç e liroi D. L. Ai, një shofer kosovar, deri atëherë ka qenë në paraburgim për katër muaj dhe nuk ka pasur pengesa ligjore për vazhdimin e dënimit me burg edhe për një muaj, madje edhe për dy muaj, duke qenë se në raste të tilla paraburgimi mund të zgjasin deri në gjashtë muaj, I ka thënë Telegramit kroat bashkëbiseduesi nga rrethet gjyqësore.

Por më 13 dhjetor të këtij viti, D. L. duhej të përfundonte sërish në paraburgim. Kolegji jashtë gjykatës i Gjykatës së Qarkut Slavonski Brod, koleg i gjyqtarit Svircevic, e ka pranuar ankesën e prokurorisë kundër lirimit të shoferit të autobusit kosovar deri në përfundimin e ekspertizës së nevojshme, në mënyrë që të përcaktohet kualifikimi i kriminelit.

Ai është në adresën e tij dhe pret policinë

“Tjetër gjë është që ekspertët nuk e kanë bërë punën e tyre në pesë muaj, është dashur të përshpejtohet, por të lirohet një i dyshuar që ka kryer një krim kaq të rëndë si vdekja e dhjetë personave, të mbrohet para se ekspertët të thonë të tyren, është e papranueshme”, thotë bashkëbiseduesi i Telegram.

Është interesante se gjatë vendimit për vazhdimin apo heqjen e paraburgimit, shoferi D. L. nuk është përfaqësuar nga avokatët e tij mbrojtës, avokatët e Zagrebit, Igor Cishper dhe Ljubo Pavasoviç Viskoviç. Arsyeja e mundshme është se gjykatësi Svirçeviq e ka caktuar vendimin për këtë shumë herët, qysh në orën 07:30.

Edhe pse trupi jashtëgjyqësor i Gjykatës së Qarkut në Slavonski Brod, siç thamë, më 13 dhjetor e pranoi ankesën e Prokurorisë së Shtetit, kështu që D. L. duhej të kthehej në paraburgim në IEVP Pozhega./FrontOnline/

Kosova dhe Danimarka dje kanë nënshkruar marrëveshjen e bashkëpunimit për dhënien me qira të Qendrës së Paraburgimit në Gjilan për 10 vite për shtetin e Danimarkës.

Në deklaratën e përbashkët e cila u nënshkrua nga ministrja e Drejtësisë, Albulena Haxhiu dhe ministri i Drejtësisë së Danimarkës, Nick Haekkerup, thuhet se “ne konfirmojmë bashkëpunimin dhe marrëdhënien e ngushtë dhe të gjatë midis Danimarkës dhe Kosovës. Danimarka ka pasur një prani të konsiderueshme në Kosovë në të kaluarën dhe ka kontribuar në paqe-ruajtjen dhe zhvillimin demokratik të Kosovës. Ne pohojmë afërsinë historike, lidhjet midis dy vendeve tona dhe ne ndajmë një dëshirë për të forcuar edhe më tej marrëdhëniet tona bilaterale”.

Më tej në deklaratë thuhet se “ne jemi të përkushtuar të ndajmë vlerat e përbashkëta themelore dhe jemi të vendosur që së bashku të vazhdojmë më tej në forcimin e shtetit ligjor, demokracisë dhe të drejtave të njeriut”, shkruan Telegrafi.

Në deklaratën e përbashkët mes tjerash thuhet se “jemi të vetëdijshëm për zhvillimet e rëndësishme pozitive në veçanti në shërbimin korrektues në Kosovë, dhe ne pajtohemi që duke intensifikuar bashkëpunimin mes dy vendeve tona në këtë fushë, Kosova do të ketë mundësinë që të forcojë edhe më tej sistemin e saj korrektues”.

Në marrëveshjen e nënshkruar mes Kosovës dhe Danimarkës thuhet se Qeveria e Kosovës do t’i ofroj Mbretërisë së Danimarkës, kapacitetet e burgut, gjegjësisht institucionit korrektues që gjendet në Gjilan për 300 të burgosur, për qëllimin e ekzekutimit të dënimeve daneze dhe do të bëjë rregullimet e nevojshme për çdo lehtësi për të siguruar që ai është në përputhje me ligjet dhe standardet daneze.

“Qeveria e Danimarkës synon të paguajë një tarifë vjetore për përdorimin e një burgu prej 15,000,000 euro në varësi të numrit të të burgosurve për të cilin objekti është bërë i përshtatshëm në përputhje me rregullat dhe rregulloret daneze, me një tarifë të reduktuar për 12 muajt e parë të vitit përdorimi i burgut si periudhë tranzicioni. Qeveria e Danimarkës synon gjithashtu të paguaj një tarifë fillestare prej 5,000,000 euro për të mbuluar periudhën e tranzicionit derisa burgu të jetë përfunduar dhe plotësuar me personel. Këto tarifa do të mbulojnë të gjitha kostot që lidhen me një marrëveshje të tillë”, thuhet në marrëveshjen mes dy shteteve, shkruan Telegrafi.

Ministrja e Drejtësisë, Albulena Haxhiu tha dje se negocimi i kësaj marrëveshje ka nisur një vit më herët nga ish-qeveria, për çka tha se pret që opozita e tanishme do ta përkrahë këtë marrëveshje kur të shkoj në Kuvend për ratifikim.

Ajo tha se kur të vendosen të burgosurit në Kosovë, do të vlejnë ligjet e shtetit të Danimarkës.

Ndërsa ministri i Drejtësisë së Danimarkës, Nick Haekkerup tha se Danimarka ka kërkuar ndihmë edhe nga vende tjera për sistemimin e të burgosurve por Kosova e para ka ofruar ndihmë.

Hakkerup ka thënë se qendrat e paraburgimit do të menaxhohen sipas ligjeve të Danimarkës.

Kryeministri i Shqipërisë, Edi Rama ka mbërritur mëngjesin e sotëm në ambientet e Pallatit të Brigadave për samitin e “Open Balkan”, ku do të marrin pjesë presidenti i Serbisë, Aleksandër Vuçiq dhe kryeministri i Maqedonisë së Veriut, Zoran Zaev.

Këta të fundit mbërritën mbrëmjen e kaluar në Shqipëri. Rama i priti me darkë mirëseardhje në Elbasan duke shmangur kështu udhëtimin për në Tiranë, ku po mbahej protesta e thirrur nga Sali Berisha kundër ardhjes së Vuçiqit.

Në takimin e sotëm pritet të nënshkruhen pesë marrëveshje.
Marrëveshja e parë që do të nënshkruhet nga Rama, Vuçiq e Zaev është për kushtet për qasjen e lirë në tregun punës.

Marrëveshjet e tjera kanë të bëjnë me skemat e përbashkëta për identifikimin elektronik të qytetarëve në pikat kufitare, për bashkëpunimin në fushën e sigurisë ushqimore, për njohjen e ndërsjellë dhe për operatorët ekonomikë.

Ndërkohë, Kosova, Mali i Zi dhe Bosnja e Hercegovina nuk kanë pranuar të jenë pjesë e kësaj nisme, edhe pas thirrjeve për bashkëpunim. /Euronews.al/

Kryetari i AKR-së, Behgjet Pacolli ditë më parë paralajmëroi njohjen e Pavarësisë së Kosovës nga një shtet, i cili vjen nga kontinenti i Afrikës.

Pacolli nuk i përmendi emrin e këtij shteti, por tha se për këtë gjë e ka njoftuar kryeministrin e Albin Kurti, duke thënë se presidenti i shtetit në fjalë kanë shprehur gatishmërinë për ta vizituar Kosovën, në mënyrë që të fromalizohet njohja.

Pacolli thotë se ia ka sjell edhe një njohje Kosovës por kryeministri Kurti ende nuk i ka kthyer përgjigje
Ai ka hedhur akuza ndaj Kurtit, për neglizhim pasi thotë se i ka dërguar në Whatsapp letrën e presidentit dhe konfirmimin e tij ndaj Kosovës.

Mbrëmë Pacolli tha se delegacioni i një shteti afrikan, i cili do të diskutojë rreth njohjes së shtetësisë së Kosovës, pritet që të vij sot për vizitë në vendin tonë.

Telegrafi ka pyetur Ministrinë e Punëve të Jashtme dhe Diasporës, në lidhur me këto deklarata të kreut të AKR-së, dhe të njëjtin kanë deklaruar se nuk japin informacione për këtë temë.

“Nuk japim informacione lidhur me këtë temë. As në rastin konkret, e as në raste të ngjashme, ku rrjedhja e informacionit e rrezikon seriozisht procesin. Iu bëjmë thirrje të gjithëve të përmbahen nga çdo lloj veprimi që mund të cenojë proceset e tilla të brishta”, thuhet në përgjigjen e MPJD-së për Telegrafin.
Kujtojmë se shteti i fundit që ka njohur Pavarësinë e Kosovës është Izraeli, i cili më 1 shkurt zyrtarizoj njohjen e tij për Kosovën.

Në 5 vitet e fundit, shtetin më të ri evropian, që shpalli pavarësinë më 17 shkurt të 2008, e njohën veç katër shtete: Izraeli, Barbadosi, Madagaskari dhe Bangladeshi. /Telegrafi/