1 mijë e 310 gjoba trafiku janë shqiptuar në 24 orët e fundit në vendin tonë.
Gjatë kësaj periudhe, janë shqiptuar edhe 242 gjoba për mos respektim të ligjit antiCOVID, përcjell Klankosova.tv.
Ndryshe, në 24 orët e fundit janë arrestuar 53 persona dhe 43 janë dërguar në mbajtje.
Kryeministri i Kosovës, Albin Kurti ka biseduar sot me Zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike, njëherësh mbikëqyrës i politikave të vendeve të Ballkanit Perëndimor, Gabriel Escobar.
Sipas njoftimit biseda bshtë përqendruar rreth zhvillimeve në Ballkanin Perëndimor dhe rëndësinë e paqes dhe stabilitetit në këtë rajon.
Kryeministri Kurti tha se integrimi i plotë i Ballkanit Perëdimor në Bashkimin Evropian dhe NATO është përcaktues për garantimin paqes dhe stabilitetit në rajon dhe kontinentin e Evropës.
Sipas njoftimit, Escobar ka thënë se Shtetet e Bashkuara të Amerikës mbështesin Kosovën dhe synimet e saj drejt integrimeve evropiane dhe euro-atlantike.
Gjatë bisedës telefonike u diskutua edhe rreth bisedimeve ndërmjet Kosovës dhe Serbisë të lehtësuara nga Bashkimi Evropian.
Në lidhje me këtë, kryeministri Kurti tha se Kosova angazhohet për një dialog parimor, drejt një marrëveshje ligjërisht të obligueshme në qendër të së cilës është njohja recipropoke.
Ndërkaq, Zëvendës Ndihmës Sekretari i Shteteve të Bashkuara për Çështje Evropiane dhe Euroaziatike, Escobar u shpreh se ShBA-të mbështesin këtë proces dhe janë të përkushtuara që të ketë përparim drejt qëllimit final të tij.
Kjo është biseda e dytë që Kurti e Escobar kanë bërë në dhjetë ditët e fundit. Herën e kaluar sipas njoftimit të nga zyra e Kryeministrit, Escobar ka shfaqur interesimin e tij për programin e qeverisë në shumë fusha me ç‘rast kryeministri e ka njoftuar diplomatin amerikan me progresin e shënuar në menaxhimin e mirë të pandemisë dhe vaksinimin e suksesshëm të popullsisë.
Po ashtu, thuhet se kryeministri e ka njoftuar diplomatin amerikan për rritjen ekonomike dhe reformat e filluara në drejtësi si dhe për stabilitetin institucional e legjitimitetin demokratik.
Lexo po ashtu:
Escobar: ‘Open Balkan’ nuk do të funksionojë pa përfshirjen e gjashtë shteteve
Escobar: ‘Open Balkan’ nuk do të funksionojë pa përfshirjen e gjashtë shteteve
“Escobar theksoi mbështetjen e Shteteve të Bashkuara për sovranitetin dhe integritetin territorial të Republikës së Kosovës dhe përkushtimin e ShBA-ve që Kosova dhe rajoni të bëhen anëtare të Bashkimit Evropian. Në lidhje me dialogun në Bruksel, ai shprehu mbështetjen e tij dhe përkushtimin që të ketë progres në këtë drejtim”, thuhet në njoftim, përcjell Telegrafi.
Në mbyllje të bisedës, Escobar ka theksuar se pret që së shpejti të vizitojë Kosovën.
Nëse në iniciativën ‘Balkani i Hapur’ (Open Ballkan) nuk përfshihen që të gjashtë shtetet e Ballkanit Perëndimor, atëherë ajo nuk do të funksionojë, deklaroi i dërguari amerikan për Ballkanin Perëndimor, Gabriel Escobar të mërkurën më 24 nëntor.
Klankosova.tv ka mësuar se vendimi do të mbetet së zbatuari deri në një vendim tjetër.
Po ashtu, disa nga qendrat e vaksinimit në vend do të punojnë nga ora 08:00 deri në orën 15:00, njofton Klankosova.tv.
Qendrat e vaksinimit do të punojnë edhe gjatë vikendeve, pas një kohe të gjatë të pauzës.
Rregulloret e reja prekin turistët si dhe shtetasit zviceranë. Në vend të kësaj, bie lista e shteteve në karantinë
Këto duhet t`i dinë të gjithë ata që hyjnë në Zvicër, duke filluar nga dita e sotme, e shtunë, 4 dhjetor.
Testi i ri i detyrueshëm që Këshilli Federal ka futur në fuqi për të luftuar variantin Omikron vlen edhe për të vaksinuarit dhe të shëruarit që hyjnë në Zvicër nga cilido shtet tjetër, tranbsmeton albinfo.ch vendimin e qeverisë zvicerane.
Duke filluar nga e shtuna, të gjithë duhet të paraqesin një test PCR përpara hyrjes dhe të bëjnë një test të dytë PCR ose antigjen midis ditës së katërt dhe të shtatë pas hyrjes në Zvicër.
Çfarë duhet të keni gati përveç testit PCR kur hyni në Zvicër?
Qeveria Federale kërkon që me rastin e hyrjes në vend të tregoni një formular të plotësuar udhëtimi.
“Të dhënat e kontaktit janë të rëndësishme nëse njerëzit duhet të informohen për një rast pozitiv në mjedisin e tyre,” thuhet në një fletëpalosje të publikuar nga BAG. Të gjithë personat mbi 16 vjeç i nënshtrohen rregullores së re, shkruan 20minuten.ch. Detyrimi pra vlen si për turistët ashtu dhe për qytetarët zviceranë që kthehen në vend. Për më tepër, do të jenë vetë udhëtarët që do t`i paguajnë shpenzimet.
Cilat përjashtime lejohen nga rregulli i testimit?
Ekzistojnë përjashtime për udhëtarët ndërkufitarë dhe për njerëzit që vijnë nga rajonet kufitare me Zvicrën. Ata nuk kanë nevojë të tregojnë test dhe as formular kontakti.
Kush e bën kontrollimin e testit të detyrueshëm?
Në rastin e udhëtimeve ajrore, tashmë ekziston një detyrim për të kontrolluar ata që hipin në aweroplan. Kompanitë ajrore janë përgjegjëse për këtë, transmeton albinfo.ch. “Ndërsa kur hyni me mjete të tjera transporti (tokësor) kryhen kontrolle të rastësishme në kufi për të përcaktuar nëse keni test negativ”, thuhet në fletëpalosjen federale.
Por pas hyrjes, kantonet mund të përdorin formularin e hyrjes për të kontrolluar nëse testi është kryer. “Në të njëjtën kohë, të gjitha hotelet dhe pronarët e shtëpive të pushimit janë të detyruar të kontrollojnë mysafirët nëse kanë test negativ ose jo.
Po sikur të mos e kem bërë testin?
Në këtë rast, autoritetet mund të vendosin gjobën e cila kushton 200 franga. “Edhe pas gjobës, personi i prekur duhet gjithashtu të testohet menjëherë pas hyrjes në vend dhe të informojë kantonin”, shkruan Qeveria Federale në udhëzimet e saj.
Njëra ndër çështjet me të rëndësishme me të cilën po përballen institucionet e Kosovës është dialogu me Serbinë, i nisur në vitin 2011, por që akoma nuk ka arritur qëllimin final, normalizimin e plotë të marrëdhënieve ndërmjet të dy shtetet, po vlerëson ish-kreu i VV-së, Visa Ymeri.
Ymeri pohon se nuk ka transparencë nga Qeveria aktuale për sa i përket këtij procesi i po zvarritet çdo ditë e më shumë.
“Është vështirë me vlerësuar meqenëse pak ka informata dhe më pak transparencë nga qeveria aktuale për sa i përket dialogut dhe nuk është që po bëhet shumë në këtë proces. Prandaj kemi pasur disa deklarime të kryeministrit dhe përmendje të eksponentëve të tjerë të qeverisjes po synojnë me bo një lloj riformatizimi të dialogut për të ndryshuar agjendën dhe qëllimet e tij”, ka thënë ai.
“Po në anën tjetër kjo nuk po tregohet se si do të bëhet dhe kemi vazhdimisht insistime nga pala tjetër jo vetëm nga Serbia por edhe nga BE të cilët thonë që veçanërisht karshi marrëveshjeve të arritura deri më tash ato duhen zbatuar 100% dhe dialogu të vazhdojë. Dhe në këtë drejtim kemi një përplasje të mendimeve ndërmjet qeverisë së Kosovës dhe ndërmjetësuesit për sa i përket procesit të dialogut të cilin nuk mundesh me ndryshuar nëse nuk ki përkrahje nga miqtë tanë ndërkombëtar”.
Ymeri që është edhe drejtor ekzekutiv i Institutit për Politika Sociale “Musine Kokalari”, shtoi se dialogu mund të jetë mollë sherri që mund ta zhbëjë Qeverinë, e që kjo mund të ndodhë pas përfundimit të zgjedhjeve në Serbi.
“Jep dorëheqje kryeministri Kurti apo ka një format tjetër se si shkojmë në zgjedhje. Këto janë pikëpyetje të mëdha. Mendoj që dialogu mund të jetë mollë sherri që mund ta zhbëjë Qeverinë. Por zhbërjen e Qeverisë nuk e shoh të shpejt sepse dialogu dhe insistimi i ndërkombëtarëve për të pasur një vazhdim serioz të dialogut nuk shoh derisa të përfundojnë zgjedhjet në serbi që i bie diku ka mesi i vitit të ardhshëm”.
Ymeri thotë se dialogu është një lloj pazari, duke shtuar se këtë proces nuk duhet që ta kushtëzojë opozita, raporton EO.
“Asociacioni është marrëveshje e nënshkruar e ratifikuar në Kuvendin e Kosovës. Nëse nuk e zbatojnë marrëveshjen atëherë çfarë formati tjetër të marrëveshjes do të arrijnë, për t’i arritur qëllimet tona e që është njohja reciproke. Unë mendoj që dialogu është një lloj negociate, pazari”.
“A do të kushtëzojë opozitën. Unë mendoj që nuk donë kushtëzim opozita. Bëhet nga bashkësia ndërkombëtare mund të jetë, por pastaj si vije deri te rrëzimi i Qeverisë dhe shkuarja në zgjedhje”, ka shtuar Ymeri./FrontOnline
Që nga përhapja e pandemisë janë shfaqur variante të reja të Covid-19 në gjithë botën.
Varianti i ri Omicron po përhapet në një masë më të madhe duke prekur grupmoshat e mesme 40 vjeç, kështu ka thënë në një intervistë për Ekonomia Online, infektologu Shemsedin Dreshaj.
Sipas, doktorit Dreshaj edhe përkundër kësaj ministria e Shëndetësisë duhet të marrë masa në raport me kufizimin e lëvizjes e jo ta mbyllë vendin.
“Përvojat në botë lidhur me përhapjen e këtij varianti janë të limituara. Prek më shumë grupmoshat e mesme rreth 40 vjet të cilët janë aktiv në jetën e përditshme. Covidi është Covid dhe ndaj tij duhet t’i respektojmë të gjitha masat që i kemi rekomanduar prej fillimit distancën, maskën dhe pastrimin e duarve”.
“Ministria duhet të këshillohet me trupin këshill dhënës të cilin e ka brenda dhe bazuar në rekomandimet e tyre duhet të respektohen në atë mënyrë që të jemi të përgatitur në rast se vije dhe përhapet në vend. Unë mendoj që jo vetëm Kosova, por e gjithë bota ka pësuar nga pandemia e Covidit ndaj hapat e ardhshëm që duhet të merren janë më tepër në raport kufizimin e lëvizjes e jo me mbylljen”.
“Mendoj që shëndetësia dhe arsimi si prioritet kryesore nuk kanë qenë prioritet i Qeverisë së vendit. I kemi pasur deri në 1 000 raste të cilat i kemi trajtuar në qendrat e klinikës universitare dhe në spitalet rajonale të vendit. Mendoj që ato kapacitete janë dhe të reja deri më tani nuk ka”, tha Dreshaj.
Ndërsa, kryetari i Federatës së Sindikatave të Shëndetësisë në Kosovë, Blerim Syla tha se varianti Omicron po përhapet me shpejtësi të madhe edhe në Kosovë.
Sipas Sylës, duhet të ketë masa rigoroze, por jo mbyllje. Mes tjerash, ai shtoi se të gjithë ekspertët thonë që duhet të merret doza e tretë sepse po tregohen efikase, duke e konsideruar tejet të domosdoshme, raporton EO.
“Varianti i ri i cili është ka paraqitet Omicron është ka afrohet. Definitivisht do të arrij edhe në Kosovë. Ajo çka dihet se Omicron përhapet shumë shpejt. Por për fat të mirë deri më tash nuk kemi indikacione që është më i keq sesa Delta. Duhet të kemi kontrolle rigoroze se kush na vije nga jashtë, a janë të vaksinuar dhe duhet vendoset menjëherë para festave”.
“…të vaksinohemi sa më shumë. Unë jam kundër mbylljes. Jemi vendi ndër të paktë që nuk i kemi lënë pacientët të trajtohen rrugëve apo me vdes rrugëve. Ne jemi të përgatitur profesionalisht. Jam për një kontroll më të rreptë. Por me këtë numër të vogël të inspektorëve është e pamundur të kontrollohet popullata. Andaj unë konsideroj që kanë bërë gabim në hapa. Për momentin kapacitete. Është mirë që sistemi i oksigjenimit është i mirë dhe i kemi disa furnizime”.
“Të gjithë ekspertët thonë që duhet të merret doza e tretë dhe unë jam ithtarë që të vazhdohet me dozën e tretë. Po tregohen efikase sidomos në variantin ku po kombinohen vaksinat. Unë shpresoj që ekspertët tanë të marrin vendimin që sa më shpejt të mundësohet edhe vaksinimi i dozës së tretë”, tha Syla.
Ministri i Financave, Punës dhe Transfereve, Hekuran Murati, ka folur për sektorin e gastronomisë dhe pandeminë Covid-19. Thotë se “fati” kë bërë që ky sektor të përhapë më shumë sëmundjen, prandaj s’po ndodh hapja që po e kërkojnë punëtorët e këtij sektori.
“Me përvojën që kemi pasur me menaxhimin e pandemisë kemi parë që edhe hapjet e pakujdesshme sidomos tani kur kemi edhe këtë variantin e ri që është shfaq tani, mund të sjellin situata që jo domosdo janë të mira”, tha Murati.
“Jemi shumë vigjilentë si qeveri që të marrim të gjitha masat në mënyrë goxha të kujdesur ashtu që të mos kemi situata ku sistemi shëndetësor rëndohet”, shtoi ai.
“I kuptoj edhe sektorin e gastronomisë për ankesat e tyre mirëpo ja që fati ka qëlluar që përhapja të bëhet në ambiente ku ka frekuentim të madh të njerëzve dhe ku ka numër të madh të njerëzve për metër katror, prandaj duhet të marrim masa për këtë sektor”, tha Murati për RTV21.
“Ka pasur mbështetje për këtë sektor. Mund të ketë qenë targetimi më i mirë por ja që këto janë instrumentet që ka shteti tani për tani, mirëpo kemi pasur masa”, shtoi ai.
Oda Ekonomike Gjermano-Kosovare (OEGJK) përmes një njoftimi për medie, bën të ditur që sipas të dhënave nga Enti Federal i Statistikave, në periudhën janar-shtator 2021 eksporti nga Kosova në drejtim të Gjermanisë arriti vlerën prej rreth 40 milionë euro.
Në periudhën e njëjtë të vitit 2020 eksporti ishte në vlerë rreth 30 milionë euro, që do të thotë ka 39% rritje të eksportit nga Kosova në Gjermani në periudhën janar-shtator 2021 krahasuar me periudhën e njëjtë të vitit 2020.
OEGJK njofton që edhe gjatë vitit të kaluar, në kohë pandemie pati rritje të eksportit mbi 40% për në Gjermani, në krahasim me 2019.
Nora Hasani, drejtoresha ekzekutive e OEGJK tregon se vështirësitë që kompanitë gjermane kanë hasur në zinxhirët e tyre të furnizimit gjatë pandemisë, iu kanë mundësuar disa kompanive kosovare që të bëhen furnitorë për kompani gjermane.
“Për disa kompani gjermane Ballkani Perëndimor, e në veçanti Kosova janë territor akoma i pa eksploruar, por me shumë potencial për gjetjen e furnitorëve të rinj. Për kompanitë evropiane e gjermane që duan të diversifikojnë furnitorët, prodhuesit kosovarë mund të ofrojnë produkte cilësore që transportohen në rrugë më të shkurtra dhe më të shpejta, se sa kur furnizimi bëhet nga Azia”, thotë Hasani dhe thekson se në OEGJK që nga fillimi i pandemisë janë rritur dukshëm kërkesat nga kompanitë gjermane për të gjetur furnitorë nga Kosova për produkte dhe gjysmë-produkte.
Produktet më të eksportuara nga Kosova në Gjermani për periudhën janar-shtator 2021 ishin: pajisjet e ndërtimit prej plastikës, thasët dhe çantat për paketimin e mallrave, veshje prej telave të gizës apo çelikut, mobileria dhe produkte metalike.
OEGJK thekson se përmes këshillimit për eksport, trajnimeve dhe aktiviteteve konkrete me asociacionet e saj partnere në Gjermani mbështetë në mënyrë të vazhdueshme kompanitë kosovare që kanë synim tregun gjerman.
Mot i ndryshueshëm ditëve të ardhshme. Të shtunën intervale me diell e ftohtë. Nga e diela mbrëma reshje shiu. Javën e ardhshme më ftohtë edhe me reshje dëbore.
3.12.2021 – Pas të reshurave të ditës së sotme, në fundjavë pritet stabilizim i motit. Të shtunën vransirat shpërndahen. Ditën e diel pas ngricave dhe mjegullës në mëngjes, në mbrëmje priten sërish reshje shiu.
Shi vazhdon të bie edhe ditën e hënë, që më vonë shndërrohet në borë, e vazhdon edhe ditën e martë, kur vonë në mbrëmje reshjet pushojnë.
Moti më stabil, pushon edhe erërat, e ndotësit mund të mbesin më të përqëndruar pranë sipërfaqes, e orëve të mbrëmjes të shtunën dhe dielen në mëngjes, indeksi i cilësisë së ajrit kalon edhe në vlera të dobëta dhe shumë të dobëta. Të reshurat dhe qarkullimi më i mirë ajror që parashihet nga e diela mbrëma, sjell një përmirësim të cilësisë së ajrit, e indeksi të kaloj edhe në vlera të pranueshme.
4.12 – Më ftohtë, vransirat shpërndahen, e ditën intervale me diell. Në mbrëmje kthjellime.
5.12 – Në mëngjes ngrica, në ultësira mjegull. Ditën vransirat shtohen, e më vonë priten edhe reshje shiu, e në vise malore borë.
6.12 – Kryesisht me vransira. Gjatë ditës reshje shiu, e në mbrëmje vonë shndërrohen edhe në borë.
7.12 – Ftohtë, kryesisht vranët, e kohëpaskohe me reshje bore. Deri në mbrëmje reshjet pushojnë.
8.12 – Kryesisht kthjellët. Ngrica në mëngjes.
Temperaturat do jenë mjaft të ndryshueshme në ditët e ardhshme. Minimalet deri të dielen zbresin edhe në -2C, e të hënën rriten në 4C, për pësuar një rënie edhe deri në -5C të mërkurën. Ndërkaq maksimalet nga 6C të shtunën, rriten në 10C ditën e diel, më pas me një rënie deri në 1C ditën emartë.
Do të fryjë erë drejtimesh të ndryshme gjatë kësaj periudhe, kryesisht nga verilindja e juglindja, e lehtë dhe mesatare 2-8m/s.
Shtypja atmosferike në rënie ditëve të fundjavës, e më pas me tendencë të rritjes.
Shkruan: Lumnije Rakaj
3 DHJETORI – DITA NDËRKOMBËTARE E PERSONAVE ME AFTËSI TË KUFIZUARA
Arsimi gjithëpërfshirës e drejtë e secilit
Të gjithë fëmijët janë të njëjtë
Fëmijët janë ardhmëria e çdo kombi, janë lulëkuqe që shpalojnë petalet në çdo stinë, dallëndyshe që sjellin pranverën, prandaj ata kanë vend dhe respekt të veçantë kudo: në familje, shkollë, shoqëri, etj.
Eci rrugës, takoj shumë fëmijë. Ata më duken si fluturat shumëngjyrëshe që zbukurojnë qiellin, pra zemra na bëhet mal kur ata i shohim ashtu të lirë e të buzëqeshur.
Sa të mirë janë fëmijët! Të çiltër, të sinqertë, të pastër, të padjallëzuar, pra janë xhevahirët tanë. Janë qeniet më të përsosura në planet, të cilët kanë nevojë për kujdes, mbikëçyrje, respekt e përkrahje.E në veçanti fëmijët me aftësi të kufizuara.
Eh, ata fëmijë! Kur e themi këtë fjalë, duket se po flasim për krijesa jashëtokësore e jo për qenie normale e njerëzore. Por në fakt, shumë pak njerëz arrijnë të kuptojnë se edhe këta fëmijë janë si gjithë të tjerët, e në shumë raste edhe më të mirë e më frytëdhënës në familje e shoqëri. Ata thjesht kanë nevojë për pak më shumë përkujdesje sepse e meritojnë. Ata nuk kërkojnë asgjë të jashtëzakonshme. Ç’na kushton ne t’u falim më shumë minuta nga koha jonë këtyre fëmijëve? Ashtu, ata do të ndiheshin më të relaksuar psiqikisht. Ç’faj kanë ata që kanë lindur me ndonjë të metë fizike, apo thjesht që janë fëmijë me nevoja të veçanta. Këta fëmijë nuk kanë nevojë për mëshirë, keqardhje, apo t’i shikon dikush me përbuzje, por ata kanë nevojë për dashuri dhe përkujdesje. T’i heqim njëherë e përgjithmonë nga koka paragjykimet se për përkujdesje dhe dashuri kanë nevojë vetëm të shëndoshët e jo edhe njerëzit me nevoja të veçanta. Nga kjo kuptohet qartë se këta fëmijë nuk janë aspak ndryshe nga ne. Ata kanë një vështirësi, por duhet kuptuar se të gjithë fëmijët kanë vështirësi në diçka. Ne duhet t’i ndihmojmë t’i kalojnë këto vështirësi, kështu që edhe për ta do të jetë më lehtë. E çfarë pastaj nëse një fëmijë nuk mund të ecë? Ai mund të ketë një talent, si këndimi, pikturimi, të shkruarit bukur apo diçka tjetër. Të mos harrojmë se Zoti i ka dhënë një njeriu diçka, duke mos i dhënë diçka tjetër dhe kështu asnjë njeri nuk ka dalë i përsosur apo i përkryer.
Ka shumë fëmijë me aftësi të kufizuara në botë, por mua më dhemb shpirti e më coptohet zemra për fëmijët e lënë anash që ende nuk po mundemi t’ua plotësojmë kushtet mëse të nevojshme për ta, e lëre më sa turp është që këta fëmijë lihen jashtë shoqërisë sonë. Edhe ata kanë gjëra për të ofruar, se ndryshe nuk do të ishin pjesë e botës, prandaj duhet t’i integrojmë në shoqërinë tonë normale.
Pse edhe ata të mos vijnë në shkollat tona? A mos kanë bërë diçka të keqe? Ne të gjithë e dimë se shkolla ka vend dhe dashuri për të gjithë fëmijët, aty rrezet e diellit duhet të na ngrohin njësoj pa përjashtim, ngase aty duhet të gjejnë respektin, edukatën, tolerancën, pavarësisht nga raca, përkatësia etnike apo statusi social dhe ekonomik.
Të gjithë kanë të drejtë t’i gëzojnë vitet e fëmijërisë së tyre dhe të rriten në mënyrë të natyrshme. Të gjithë kanë të drejtë për dashuri, arsim, mbrojtje, për të mos ua cenuar identitetin. Pra edhe fëmijët me aftësi të kufizuara le të jenë miqtë tanë, në shkollë, shtëpi e kudo, le t’i pranojmë në gjirin tonë dhe t’i ndihmojmë pa paragjykime. T’i inkurajojmë dhe mobilizojmë nxënësit tanë për t’i ndihmuar dhe përkrahur moshatarët e tyre, në klasat tona të krijohet një klimë besimi, optimizmi e shprese ku mjedisi të jetë si një familje në të cilën këta fëmijë të ndihen të motivuar, të lirshëm, t’i gëzohen jetës, dhe ta ndiejnë veten njëjtë si gjithë të tjerët.
Kjo do të ishte një mrekulli. Por duhet akoma punë e mund që të gjithë njerëzit të vetëdijësohen rreth kësaj çështjeje. Nuk është edhe aq e lehtë, por është mëkat që njerëzit e tillë të largohen nga ne, sikur të ishin armiq, e jo njerëz të brishtë, të pambrojtur, siç janë.
Çdo njeri e do jetën. Çdo njeri është i veçantë në mënyrën e tij. Edhe fëmijët me aftësi të kufizuara, janë të veçantë në mënyrën e tyre. Por ne jemi njerëz, duhet të jemi humanë dhe t’i ndihmojmë e t’i përkrahim këta fëmijë. Të gjithë së bashku duhet të bëjmë më shumë në integrimin e këtyre fëmijëve në rrjedhat e shoqërisë sonë, vetëm e vetëm që ata të mos ndihen të anashkaluar e të lënë pa përkujdesje.
3 dhjetor 2021
Lumnije Rakaj
