Një studim i madh në Britani tregon se vaksinat kundër koronavirusit mund t’u japin njerëzve reagim më të mirë imunitar nëse përzihen.

Studimi përmend si shembull vaksinimin me AstraZeneca ose Pfizer/BioNTech për herë të parë dhe, rreth nëntë javë më vonë, me Moderna.

“Kemi vërejtur përgjigje shumë të mirë imunutare… në fakt, më të mirë se nga [vaksinimi] me dy doza të vaksinës Oxford/AstraZeneca”, tha për agjencinë e lajmeve Reuters profesori i Universitetit të Oksfordit, Matthew Snape.

Ai tha se gjetjet mund të jenë një gjë pozitive për vendet më të varfra, që mund të kenë nevojë të kombinojnë lloje të ndryshme të vaksinave, nëse furnizimet me një lloj mbarojnë.

“Mendoj se të dhënat nga ky studim do të jenë veçanërisht interesante dhe të vlefshme për vendet me të ardhura të ulëta dhe të mesme”, tha ai.

Kombinimi AstraZeneca – Pfizer rrit nivelin e antitrupave, thotë studimi
Studimi i Universitetit të Oksfordit, i cili u botua në revistën mjekësore Lancet, është kryer në 1,070 vullnetarë. Sipas tij, përzierja e vaksinave nuk ka ngritur asnjë shqetësim për sigurinë.

“Nuk keni nevojë të lidheni me marrjen e së njëjtës vaksinë për dozën e dytë”, tha Snape.

Banka Botërore, ndërkohë, tha se financimet e saj kanë ndihmuar deri më tani në shpërndarjen e 100 milionë dozave të vaksinave në të gjithë botën.

Ajo tha se do të arrijë shifrën prej 150 milionësh deri në fund të muajit, nëse gjithçka shkon sipas planifikimeve.

Shefi i Bankës Botërore, David Malpass, tha se ky institucion ka bërë kontrata për gati 300 milionë doza.

Në qytetin amerikan të Nju Jorkut, autoritetet e bënë të detyrueshëm vaksinimin për fëmijët nga 5 vjeç dhe për punëtorët në të gjitha kompanitë e sektorit privat.

Afati për të 184,000 bizneset në Nju Jork, për t’iu kërkuar punonjësve të tyre të dëshmojnë se janë të vaksinuar, është data 27 dhjetor, tha kryebashkiaku Bill de Blasio.

Fëmijët nga 5 deri në 11 vjeç duhet të marrin së paku një dozë deri më 14 dhjetor dhe fëmijët 12 vjeç e lart duhet të vaksinohen plotësisht deri më 27 dhjetor, për të hyrë në restorante dhe për të marrë pjesë në aktivitete shkollore, të tilla si sportet, muzika dhe kërcimet.

“Vaksinimi është mënyra për të dalë nga kjo pandemi dhe këto janë masa të guximshme për t’i inkurajuar banorët e Nju Jorkut që të mbajnë veten dhe komunitetet e tyre të sigurta”, tha de Blasio.

Eric Adams, i cili do ta zëvendësojë de Blasion si kryetar bashkie në janar, do t’i rishikojë detyrimet për vaksina dhe veprimet e tjera për të luftuar pandeminë e koronavirusit kur të marrë detyrën, tha zëdhënësi i tij.

Detyrimet për vaksinim janë shndërruar në një çështje përçarëse në Shtetet e Bashkuara, ashtu sikurse edhe në të gjithë botën.

Urdhri për vaksinim, që ka dhënë më herët presidenti Joe Biden për kompanitë me 100 punëtorë ose më shumë, është shtyrë muajin e kaluar nga një gjykatë e apelit në SHBA.

“Qëllimi ynë është që koncepti ynë i qëndrueshëm të arrijë përfitime të njëjta ose më të larta se modelet konvencionale”, thotë Mehmet Kurtishaj, pronar i kompanive E-K Bauunternehmung, SV Immo AG dhe allpro AG

Se diaspora shqiptare në Zvicër ka kaluar nga punëmarrësi në punëdhënës, sidomos në ndërtimtari, tani është një fakt i prekshëm. Një kantier apo siç e quajmë në zhargon “Baustelle” është i paimagjinueshëm pa shqiptarë. Ata janë aty në hedhjen e themeleve, në ndërtimin e egër dhe në finalizim. Në këto “Baustelle” nuk duhet të habiteni më nëse në fund ju thonë se edhe investitori është shqiptar dhe njëri ndër ta shpesh mund të jetë investitori Mehmet Kurtishaj. Bilanci i këtij sipërmarrësi të sukseshëm shqiptar në Zvicër matet përmes firmës së tij të ndërtimit E-K Bauunternehmung, SV Immo AG dhe allpro ag.

Një nga projektet më interesante që ka ndërtuar E-K Bauunternehmung GmbH, është lagjja Weid në një vendndodhje piktoreske në brigjet e lumit Löntsch, vetëm disa minuta larg qendrës së fshatit dhe stacionit të trenit. Me një park qendror, parkim nëntokësor dhe një mjedis pa trafik e ndërtesa të grupuara rreth kësaj zone qendrore shfaq një hapësirë ​​të gjerë rekreative për banorët e kësaj lagjeje, e cila është projektuar dhe financuar nga investitori, Mehmet Kurtishaj.

Kurtishaj ka themeluar para shumë vitesh firmën E-K Bauunternehmung GmbH me seli në Wollerau SZ, e cila, me një staf të kualifikuar, merret për shumë vite me menaxhimin e ndërtimit të objekteve, pastaj të rinovimit deri në planifikimin e plotë të projektit të ndërtesave të reja të çdo shkalle, kryesisht në kantonet e Cyrihut, Schwyz, St.Gallen dhe Glarus. Përveç kontekstit të vendndodhjes, ata i kushtojnë rëndësi edhe çështjeve ekonomike, estetike dhe sociale.

Etika e biznesit, pasion për përsosmëri
Qëllimi kryesor i firmës SV IMMO AG është gjetja e zgjidhjeve optimale për të gjitha grupet e interesit. Pronari Mehmet Kurtishaj jo vetëm që dëshiron të përfaqësojë në mënyrë të përsosur interesat e drejtpërdrejta të projekteve të tij, por gjithashtu realizon zgjidhje krijuese për njerëzit, hapësirën dhe natyrën. Kompania, e cila operon në të gjithë Zvicrën dhe është e vendosur në Willen-Wollerau SZ, u ofron klientëve zhvillime të projektit individual falë njohurive të thella të industrisë së ndërtimit dhe pasurive të paluajtshme.

Kompania fokusohet në blerjen, shitjen dhe menaxhimin e qëndrueshëm të pasurive të paluajtshme. Me përvojë, angazhim, gëzim dhe pasion, të kombinuar me standarde të cilësisë së lartë, kompania zhvillon me sukses vlerën e pronave.

Ne kemi kemi zhvilluar një intervistë me biznesmenin Kurtishaj. Ajo çfarë na intereson të dimë fillimisht, është si ta përshkruajmë atë si person?

Si një sipërmarrës me ide të qarta për një partneritet biznesi. Rezultatet më të mira afatgjata nuk do të vijnë nga një fokus afatshkurtër me qëllim përftimin e mundshëm maksimal.

Qëndrueshmëria në kontekstin e rendimenteve?
Po tamam. Një qasje e mirëmenduar, e orientuar drejt komunitetit mund të gjenerojë fitime konkurruese për investitorët. Ne punojmë me njerëz që ndajnë idealet tona dhe mbështesin një qasje të ndryshme në zhvillimin e pasurive të paluajtshme.

Qëllimi ynë është që koncepti ynë i qëndrueshëm të arrijë përfitime të njëjta ose më të larta se modelet konvencionale. Në fund të fundit, modeli ynë duhet t’u shërbejë përdoruesve, blerësve dhe shitësve për zhvillimin e synuar.

Ju jeni shefi i 3 kompanive. Jeni jashtëzakonisht krijues në hartimin, zbatimin dhe realizimin e modeleve të biznesit. Si e menaxhoni kohën?

Unë mendoj se kam lindur një sipërmarrës (qesh). Më pelqen puna. Dhe ata që kënaqen duke punuar jetojnë të lumtur. Përveç kësaj, unë kam një ekip të stërvitur mirë të cilit në çdo kohë mund t`i kërkoj mbështetje. Rrjeti ynë i mirë ndihmon në zbatimin e ideve të pjekura. Në të vërtetë, mua më sillen çdo ditë në kokë ide të shumta kreative për të optimizuar proceset. Ne sjellim sinergji efikase me kompaninë e ndërtimit E-K Bauunternehmung GMBH dhe kontraktorin e përgjithshëm allpro.

Çfarë e dallon fleksibilitetin tuaj?

Përpunimi i shpejtë i kontratës. Për ne është e rëndësishme që në këtë fazë të shoqërojmë klientët shpejt dhe me lehtësi. Së bashku me partnerët tanë, ne sigurohemi që ata të marrin këshilla të shpejta dhe kompetente. Ia vlen të diskutojmë
Detyrat komplekse ia vlen ti diskutoni me ne si një partner i besueshëm që pastaj t`i zbatojmë ato në një mënyrë të orientuar drejt objektivit.

Filozofia e punës së arkitektit Kurtishaj bazohet në tri shtylla
“Qëndrueshmëria është themeli i konceptit tonë të zhvillimit, i cili bazohet në tre shtylla thelbësore”, thotë ai dhe vazhdon, “ndërgjegjësimi mjedisor. Ne respektojmë vlerën e mjedisit natyror. Ne punojmë me efikasitet, që do të thotë: procese ndërtimi që kursejnë burimet, si dhe ato të materialeve dhe ndërtime me efikasitet energjetik. Ne e konsiderojmë sensin e shëndoshë si një të mirë të madhe, kjo është arsyeja pse ne gjithmonë i kushtojmë vëmendje nevojave të komunitetit».

Rimodelimi dhe rinovimi
Në fushën e rimodelimit dhe rinovimit, ne ofrojmë prishje, punime murature të klientëve, mure mbajtëse, rinovime banjo, konvertime nga shtëpi njëfamiljare në shtëpi shumëfamiljare.
Ndërtime të reja dhe ndërtime ndërtesash

Në ndarjen e re të ndërtimit dhe ndërtimit të ndërtesave, ne realizojmë të gjitha objektet si zgjerimet, shtëpitë me një familje, komplekset e banimit dhe ndërtesat industriale.

Koloneli Ardian Lulaj ka thënë se në rast se Rusia pushton Ukrainën, Shqipëria do të jetë gati t’i bashkohet Shteteve të Bashkuara të Amerikës dhe NATO-s kundër Rusisë.

Lulaj thekson se Ushtria shqiptare është gati për të dhënë kontributin në NATO e kudo që aleanca e kërkon.

“Forcat e Armatosura të Republikës së Shqipërisë janë anëtare të NATO-s dhe vendimmarrja në NATO merret kolegjiale. Forcat e Armatosura të Republikës së Shqipërisë do të mbështesin vendimmarrjen që do marrin Shtetet e Bashkuara të Amerikës dhe NATO në tërësi. Nëse do të kërkohet në do t’i përgjigjemi sepse pjesëmarrja në NATO sepse pjesëmarrja në NATO nuk është vetëm të marrësh por edhe të japësh. Ne tani jemi pjesë e kësaj fuqie që duhet të bëjmë edhe pjesën tonë sipas vendimmarrjes që do merret nga politika. Unë iu siguroj që ushtarët janë gjithmonë në gatishmëri”, tha Lulaj për Report TV.

Mediet e huaja flasin për një plan të Rusisë për të pushtuar Ukrainën, kjo pas dislokimit të trupave ruse në kufi me Ukrainën. Rritja e tensioneve mes Rusisë dhe Ukrainës është në pikën më kritike dhe sipas agjencive të inteligjencës amerikane mund të ketë luftë.

Sekretari amerikan i Shtetit, Antony Blinken tha se SHBA ka prova se Rusia kishte bërë plane për një sulm “në shkallë të gjerë” në Ukrainë. Por ai shtoi se ishte e paqartë nëse Vladimir Putin kishte marrë një vendim përfundimtar për ta pushtuar.

Nga ana tjetër Ukraina thotë se Rusia ka vendosur automjete të blinduara dhe 94 mijë trupa përgjatë kufirit të tyre të përbashkët. /Telegrafi/