Të martën në Gjermani erdhi te një tragjedi e madhe në familjen kosovare, ku Flamur R. (44) qëlloi për vdekje dy djemtë e tij të moshës 11 dhe 13-vjeçare e tentoi ta vriste edhe bashkëshorten Avdije R. (38) duke e plagosur.

Më pas ai vrau veten.

Gruaja Avdije R. ishte futur në komë artificiale. Por, gazeta gjermane “Bild” raporton se ajo tash është zgjuar nga koma.

Se çfarë shtyu Flamur R. drejt kësaj vepre ajo nuk ka mundur të pyetet ende.

“Ajo nuk ka mundur të merrej në pyetje, pasi vlerësimi i mjekëve është se ende nuk mund të përgjigjet”, ka thënë kryeprokurorja Ulla Hingst.

Sipas hetimeve fillestare 44-vjeçari në mbrëmjen e natës së dytë të Krishtlindjeve kishte vrarë djemtë e tij 11 përkatësisht 13 vjet me nga një plumb.

Avdije R. është dërguar me disa plagë të marrë nga arma në spital.

E Flamur R. kishte vrarë veten pasi qëlloi gjithë anëtarët tjerë.

Sipas hetimeve Flamur R. ka qëlluar tetë herë me armë.

“Janë gjetur tetë gëzhoja në shtëpi”, thotë Hingst.

44-vjeçari nuk kishte leje të armës. Motivi i vrasjes mbetet ende i paqartë.

Në Kosovë në 24 orët e fundit janë konfirmuar 53 raste të reja me coronavirus.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka informuar se nga 3.263 testime, 53 qytetarë kanë rezultuar pozitiv me virusin COVID-19.

Grup mosha e personave të infektuar: 70-79, 1 rast; 60-69, 3 raste; 50-59, 7 raste; 40-49, 7 raste; 30-39, 6 raste; 20-29, 4 raste; dhe grup mosha 10-19, 5 raste.

Nga rastet e reja të konfirmuara, 11 raste janë konfirmuar në Mitrovicë, 5 raste në Prishtinë, 4 raste në Drenas, 3 raste në Klinë, 3 në Ferizaj, 2 raste në Deçan, 1 rast në Suharekë, 1 rast në Gjakovë, 1 rast në Prizren, Fushë Kosovë dhe Viti, transmeton Telegrafi.

Ministria e Shëndetësisë ka njoftuar se në total numri i rasteve aktive është 419. Ndërkaq, në 24 orët e fundit janë dhënë 2.324 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.671.559 doza të vaksinës.

Deri më sot 782.060 qytetarë janë vaksinuar me dozën e dytë. /Telegrafi/

Ministria e Arsimit, Shkencës, Teknologjisë dhe Inovacionit (MAShTI) ka mbajtur konferencën e fundvitit me gazetarë, ku ka folur për punën që është bërë gjatë këtij viti në arsim, raporton Ekonomia Online.

Nagavci tha se pandemia u ka shkaktuar shumë vështirësi dhe ka e goditur rëndë arsimin. Ajo falënderoi mësimdhënësit për rikthimin e nxënësve në shkolla.

“Ne kishim organizuar edhe mësimin plotësues për të gjithë nxënësit që kanë pas ngecje për shkak të situatës me pandeminë. Në mësimin e plotësues kanë qenë 61 nxënës të përfshirë gjatë vitit të kaluar shkollor”.

“Kemi organizuar një trajnim të mësimdhënësve për implementimin, kurse në zbatimin e kurikulës kanë qenë të përfshirë 1 500 mësimdhënës të përfshirë në trajnime para fillimit të vitit shkollor dhe 3 000 mësimdhënës në programe të ndryshme të trajnimit që janë ofruar nga Ministria e Arsimit”.

“Gjatë këtij viti 2 153 mësimdhënës janë pajisur me licencat e karrierës. Është vlerësuar performanca e 331 drejtorëve dhe zëvendësdrejtorëve të institucioneve arsimore në nivel vendi”.

Nagavci tha se i kanë kushtuar kujdes të shtuar fëmijëve nga grupet e marxhinalizuara. Ajo tha se 150 anëtarë që janë trajnuar për fëmijët me aftësi të kufizuara.

“E dini se tashmë është planifikuar në buxhet punësimi i 100 asistentëve për nevoja të veçanta dhe në fillim të vitit të ardhshëm 2022 do të fillojmë bashkëpunimin me komuna, punësimi i këtyre asistentëve”.

Sa i përket riorganizimit të shkollave Nagavci tha së është në plan për vitin e ardhshëm që të punohen për vendosjen e standardeve për të gjitha komunat.

Për strategjinë për arsimin për vitin 2020-2026 Nagavci tha është pothuajse në përfundim, duke shtuar se këtë vit janë ndarë bursa si asnjëherë më parë.

“Si asnjëherë më parë këtë vit kemi nda bursa dhe mbështetje financiare për studentet për nxënësit për të gjitha nivelet. Kemi ofruar mbështetje financiare për studentet vajza, gra”.

“Në nivelin bachelor i kemi përfituese 812 studente në vlerë prej 1 000 eurosh. Janë ndarë 1 799 bursa për studentet elitar që studiojnë në institucionet publike të arsimit të lartë me një vlerë prej 700 euro për secilin nga studentët”.

“… janë ndarë 500 bursa për shkollat e mesme rom, ashkali dhe egjiptiane. Dhe poashtu edhe për studentët që janë pranuar në top universitetet më të mira botërore. bursa edhe për studentët në nivelin e doktoratës”.

Nagavci tha se ngacmimet dhe dhuna ndaj nxënësve nuk do të tolerohet, raporton EO.

“Ngacmimet apo për dhunën që nga ndodh ndaj fëmijëve, nuk do të tolerohet asnjë rast kur dikush abuzon me fëmijë në institucionet arsimore tona”.

Kur foli për njohjen e diplomave ajo ka sqaruar se kanë formuar një Komision që do të merret me këtë çështje.

Nga 372 raste të korrupsionit gjatë këtij viti janë zgjidhur 285 prej tyre, ndërsa nga 351 raste të krimeve ekonomike janë zgjidhur 341 prej tyre.

Kështu ka thënë kryesuesi i Këshillit Prokurorial të Kosovës (KPK), Jetish Maloku në konferencën për medie ku tregoi për performancën e këtij institucioni përgjatë vitit 2021.

Gjatë vitit që po e lëmë pas, Maloku tha të jenë iniciuar edhe 15 procedura disiplinore ndaj prokurorëve të shtetit e ku janë themeluar edhe 13 panele hetimore.

Maloku në këtë konferencë ka folur edhe rastin e përgjimeve ku ishte përfshirë kryeprokurori i shtetit , Aleksandër Lumezi, e ndaj të cilit tha se nuk është iniciuar masë disiplinore meqë ai nuk ka qenë i involvuar.

Po ashtu Maloku folur edhe për përplasjet me Ministrinë e Drejtësisë, njofton Kp.

“Gjatë viti që lamë pas KPK ka pranuar 15 kërkesa për fillimin e procedurave disiplinore ndaj prokurorëve dhe ka themeluar 13 panele hetimore. Gjatë kësaj periudhe janë shqyrtuar edhe masa disiplinore…Këshilli me përkrahej ne partnerëve ndërkombëtar ka hartuar draft planin e ri strategjik të sistemi prokruorial 2022/2024 i cili do të miratohet në fillim të vitit të ardhshëm.

Sistemi prokurorial ka arritur që gjatë periudhës këtij viti nga 372 raste të korrupsionit të pranuara ka zgjidhur 285 raste respektivisht ka zgjidhur 77 për qind të rasteve të pranuar. Me prioritet janë trajtuar edhe raportet penale apo raportet e ndryshëm me rastet e korrupsionit ashtu që nga 384 informata të pranuar prokuroritë kanë trajtuar dhe përfunduar 277 informata apo 72 për qind të rasteve të pranuar.

Ndërsa sa i përket krimeve ekonomike nga 351 rate të pranuar janë zgjidhur 341 raste, respektivisht janë zgjidhur 97 për qind të rasteve, raportet aktuale tregojnë për një efikasitet në trajtimin e rasteve të korrupsionit dhe krimeve ekonomike”, tregoi Maloku.

Sa i përket përgjimeve të publikuar nga mediet ku ishte përmendur emri i kryeprokurorit Lumezi, Maloku tha se emri i tij është lakuar prej akterëve të ndryshëm po që s’ka qenë direkt i involvuar në këtë rast.

“Jo nuk ka dhe nuk ka mundur të ketë sepse aty ka pas edhe emra tjerë por ne kemi pa ata që kanë qenë të involvuar në ato afera, përgjime, por megjithatë kryeprokurori është përmend por nuk ka qenë pjesë e asaj çfarë thuhet. Ne nuk kemi pas asnjë arsye që të iniciohet procedura për shkak se ai është lakuar edhe prej tjerë akterëve por jo drejtpërdrejt kryeprokurori i shtetit”, tha Maloku.

Jetishi ka theksuar se janë kundër asaj që të bëhet Vettingu dhe të mos përfshihen Këshilli Gjyqësor dhe ai Prokurorial i Kosovës. Pavarësisht përplasjeve me Ministrinë e Drejtësisë, Maloku tha se kanë menduar që të marrin pjesë në grupet punuese që kanë të bëjnë me ndryshimet ligjore dhe këtë reformë ligjore.

“Sa i përket fërkimeve me Ministrinë e Drejtësisë ne kemi menduar që ka qenë një deklaratë e papërgjegjshme e një zyrtari të MD dhe ka irrituar pak a shumë edhe komunitetin e prokurorëve dhe gjithë sistemin prokurorial dhe kjo ka qenë një deklaratë goxha e rëndë për sistemin prokurorial. Gjithsesi për hir të një zyrtari apo një deklaratë të papërgjegjshme ne jemi munduar ta gjejmë një gjuhë të përbashkët dhe ne sot marrim pjesë edhe në reformat ligjore dhe përfaqësuesit tanë kanë marrë pjesë në këto grupe punuese që kanë të bëjnë me ndryshimet ligjore”, tha Maloku.

E sa i përket avancimit të Bahri Hyseni nga departamenti i Përgjithshëm i Prokurorisë Themelore në Ferizaj në zyrën e Prokurorit të Shtetit, Hyseni tha se ky ka qenë vlerësim i komisionit për transferim dhe avancim e për çka theksoi se avancimi nuk ka pas pengesa ligjore.

Në këtë konferencë ai tregoi se KPK ka finalizuar edhe vlerësimin e performancës së prokurorëve.

Sipas tij, buxheti për vitin e ardhshëm është më i larti që kanë pasur ndonjëherë. Vitin që vjen buxheti do të jetë 18 milionë e 144 mijë e 178 euro. Ndërkohë që buxheti për Këshillin Prokurorial të Kosovës për vitin 2021, pas rishikimeve buxhetore ishte 12 milionë 704 mijë 567 euro. E deri më tani ai tha se KPK ka realizuar mbi 98% të buxhetit total për të gjitha kategoritë ekonomike dhe programet buxhetore.

Jetishi bëri të ditur se është hartuar draft-plani strategjik 2022-2024, i cili pritet të miratohet në fillim të 2022-së.

Problemet me furnizim me energji elektrike po vazhdojnë, pas “Kosovës B” sot ka rënë edhe “Blloku A5” i “Kosovës A”.

Përveç problemeve në “Kosovën B” ku jashtë prodhimit e ka një bllok prej 250 megavate orë energji elektrike, tani nga sistemi ka rënë edhe “Blloku A5” i “Kosovës A”

Derisa në dy blloqet tjera, A3 dhe A4 janë paraqitur probleme teknike.

Blloku A3 i “Kosovës A” aktualisht ka rrjedhje te hidrogjenit në gjenerator e po ashtu edhe ne Blloku A4 ka rrjedhje dhe telashe të tjera teknike, raporton Insajeri.org

Qytetarët e Kosovë tash e një muaj janë duke u përballur me reduktimet e rrymës.