Policia e Kosovës e ka gjobitur me 300 euro, i ka marr lejen dhe i ka dhënë tri pikë negative një personi që ka vozitur në anën e kundërt të autostradës “Arben Xhaferi”.

Sipas Policisë, i dyshuari kishte vozitur makinën në drejtimin e kundërt në autostradën “Arben Xhaferi”.

“Vazhdon ndërmarrja e masave dhe veprimeve policore ndaj kundërvajtësve të ndryshëm të cilët rrezikojnë sigurinë në trafikun rrugor. Identifikohet dhe gjobitet (300 euro, tri pikë negative dhe një vit konfiskim i patent shoferit), pasi kishte drejtuar automjetin në kahe të kundërt në autostradë”, thuhet në njoftim.

“Ngasja e automjetit në drejtim të kundërt në autostradën “Arben Xhaferi”

Ekipet e EOD-së së FSK-së në bashkëpunim me Ekipin e EOD-së së KFOR-it Amerikan kanë asgjësuar përfundimisht bombën Mk 84 (907 kg) e gjetur gjatë deminimit në fshatin Merdare.

Operacioni është mbyllur me sukses pas 14 orësh punë dhe bomba nuk paraqet rrezik më për qytetarët e Republikës së Kosovës.

Shkatërrimi është bërë në ambiente të kontrolluara dhe sipas kushteve dhe standardeve më të larta të sigurisë ,forma e shkatërrimit të bombës ishte shpërthim më fuqi të ultë ku është ruajtur shumica e trupit ,që do të përdoret në të ardhmen për trajnime të pjesëtarëve në këtë fushë.

“Kompania e Deminimit e FSK-së është e përkushtuar të punoi për të krijuar një ambienti të sigurtë për të gjithë qytetarët”, thuhet në komunikatën e FSK-së.

Qytetarët po vazhdojnë që të mos i përfillin masat antiCOVID-19 të vendosura nga Qeveria e Kosovës.

Vetëm gjatë se premtes, policia ka shqiptuar 362 gjoba për qytetarët që nuk i respektuan masat për mbrojtje nga virusi korona.

Ndërsa, të enjten, policia ka shqiptuar gjoba ndaj 436 qytetarëve të cilët nuk respektuan masat kundër coronavirusit.

Në mënyrë që të parandalohet përhapja e virusit, e së fundmi edhe përhapja e variantit të ri Omicron, Qeveria e Kosovës ka ndërmarrë masa ndër kuadër të të cilave të gjithë personave mbi 12-vjeç duhet që ofrojnë dëshmitë e vaksinimit me dy doza për udhëtim me mjete të transportit publik dhe atij privat si dhe për hyrjen të qendrat tregtare dhe ato të gastronomisë.

Që nga 3 janari dëshmitë e vaksinimit të plotë do t’u kërkohen të gjithë udhëtarëve që hyjnë në Kosovë.

Ka ndërruar jetë në moshën 49 vjeçare, Shasivar Ajazaj, veteran dhe invalid i UÇK-së nga Zhuri, bëjnë të ditur në rrjete sociale miq e shokë të tij përmes përkujtimeve mortore. Shasivar Ajazaj, gjatë luftës në Kosovë ka dhënë kontribut të jashtëzakonshëm nën emblemën e UÇK-së për çlirimin e vendit, duke marrë edhe plagë në trup në beteja me armikun.

Varrimi i të ndjerit bëhet sot me ikindi në varrezat e fshatit Zhur në ora 14:00.

Ministri i Financace Hekuran Murati do të mbajë sot konferencën e fundvitit për media.

Sipas njoftimit, konferenca nis në ora 10:00.

“Ministri i Financave, Punës dhe Transfereve, Hekuran Murati mban konferencën e fundvitit për media.(Ndërtesa e Qeverisë së Kosovës, P32-salla e konferencave, ora 10:00)”, thuhet në njoftim.

Në fund të vitit 2021, optimizmi në Gjermani është në nivel shumë të ulët, rrjedhimisht vetëm 15% e gjermanëve besojnë se pandemia do të përfundojë pjesërisht apo krejtësisht përgjatë vitit 2022, tregojnë rezultatet e sondazhit të kryer nga kompania YouGov.

Rreth 79% e të anketuarve të intervistuar nga 21 deri më 23 dhjetor besojnë se koronavirusi së paku pjesërisht do të ndikojë në jetën e përgjithshme të qytetarëve edhe gjatë vitit 2022. Rreth 34 për qind presin që ndikimi i pandemisë do të jetë më i madh.

Krahas kësaj disponimi i të anketuarve ishte edhe më i keq një vit më parë kur YouGov llogariti se vetëm 26 për qind e gjermanëve “shihnin dritë në fund të tunelit”, transmeton Rel, përcjell Albinfo.ch.

Atëkohë, Gjermania ishte në izolim, por fushata e sapofilluar e vaksinimit konsiderohej arsye për shpresë.

Meqë vaksinat e para arritën në shtet në dhjetor të vitit 2020, ministri i Shëndetësisë, Jens Spahn, kishte thënë që vjeshta dhe dimri i vitit të ardhshëm nuk do të jenë më nën ndikimin e pandemisë.

Megjithatë, Gjermania ditëve të fundit është duke regjistruar shifra rekorde të rasteve të reja me koronavirus dhe kufizimet mbesin në fuqi, qoftë për persona të vaksinuar, qoftë për ata të pavaksinuar.

Kriza aktuale me koronavirus në Gjermani është e vështirë të përcillet për shkak të vonesave në testime dhe paraqitje të rasteve të reja si pasojë e festave të fundvitit, deklaruan autoritetet shëndetësore ditëve të fundit.