Është duke vazhduar operacioni “Brezovica”, i cili lidhet me ndërtimet në Brezovicë.

Ky operacion është vazhdim i atij të filluar me 21 dhjetor, njofton Klankosova.tv.

Bastisjet po zhvillohen në nëntë lokacione, të tri qytete të Kosovës, Prishtinë, Ferizaj, Shtërpcë.

Lajmin për Klankosova.tv. e ka konfirmuar kryeprokurori i Ferizajt, Shukri Jashari.

Në aksionin e zhvilluar dy javë më parë, Prokuroria Themelore në Ferizaj pati njoftuar se lidhur me këtë aksion me urdhër të saj dhe në koordinim të plotë me Policinë e Kosovës -Drejtorinë e Krimeve të Rënda në Prishtinë u arrestuan 10 persona, në mesin e tyre edhe ish-kryetari i Shtërpcës, Bratislav Nikoliq.

Klan Kosova ka raportuar edhe për aksionin e parë të zhvilluar në Shtërpcë.

Policia e Kosovës e ka ndërprerë të mërkurën në mbrëmje një dasmë në Hereq të Gjakovës.

Lajmin për Telegrafin e ka konfirmuar zëdhënësi i Policisë së Kosovës për rajonin e Gjakovës, Nysret Gjurkaj.

“Rreth orës 18:30, Policia e ka pranuar informacionin që një dasmë është organizuar në fshatin Hereq të Gjakovës”, tha Gjurkaj.

Sipas tij, policia së bashku me inspektorët e AUV-it ka dalë në vend ngjarje.

“Organizatorit i është shqiptuar gjobë nga inspektorët e AUV-it. Nga ana e Policisë janë shpërndarë të gjithë mysafirët”, tha Gjurkaj. /Telegrafi/

Deputeti i Lëvizjes Vetëvendosje, Dimal Basha, ka folur rreth gjendjes emergjente që Qeveria e Kosovës e ka shpallur në lidhje me situatën energjetike dhe rreth vendimit të fundit që të ndalohet prodhimi i kriptovalutave në Kosovë.

Basha tha se në gjendje emergjente nuk priten masa të buta, por edhe masat që merren, sipas Bashës, nganjëherë duken ekstreme për të tjerët.

“Por këto janë masa të arsyeshme në bazë të rrethanave dhe ne duhet t’ia besojmë ministres Rizvanolli detyrën që e ka marrë. Ajo është duke e kryer këtë punë me përgjegjësi të lartë dhe ne si qytetarë të Kosovës duhet “t’i shtrëngojmë rrypat” dhe duhet të ballafaqohemi me krizën që jemi”, ka thënë Basha në “Edicioni Special” në Klan Kosova.

Ndërsa, sa i përket vendimit që në Kosovë të ndalohet prodhimi i kriptovalutave, Basha tha se kriptovalutat janë një lloj bastore.

“Kriptovaluta është një lloj bastore, sepse ti i fut paratë por nuk ka garancion për fitore, e aq më tepër kur e dimë se kriptovalutat nuk janë të rregulluara në shumicën e vendeve të botës, prandaj nuk është fer ta konsiderojmë si pjesë të ekonomisë së Kosovës”, ka thënë Basha, njofton Klankosova.tv.

Më tej, Basha tha se është gabim që qytetarët të investojnë në kriptovaluta, pasi sipas tij, paparashikueshmeria është shumë e madhe.

“Unë nuk kam investuar dhe mendoj se është gabim për të investuar sepse paparashikueshmeria është shumë e madhe tek kriptovalutat”, është shprehur Basha.

Këshillëtari i presidentes së Kosovës, Artan Murati, ka njoftuar se Qeveria e Kosovës në ditët e fundit të vitit 2021 ka miratuar një koncept-dokument për Shtetësinë, prej të cilit do të dalë Ligji i ri për Shtetësinë.

Me anë të këtij ligji, shqiptarëve nga Presheva, Medvegja dhe Bujanoci do t’u mundësohet pajisja me shtetësi të Republikës së Kosovës.

Kushti të cilin duhet ta plotësojnë shqiptarët e Kosovës Lindore është qëndrimi në Kosovë të paktën pesë vjet.

Murati premtoi se shqiptarët e Luginës nuk do të anashkalohen asnjëherë.

Egzona, nëna e katër fëmijëve nga Podujeva që u raportua e zhdukur, i është lajmëruar familjes.

Këtë e ka bërë të ditur për TV Llapi, Albion Imeri, vëllai i saj.

Ai ka treguar se ka folur me motrën përmes rrjetit social Snapchat, duke thënë se ende nuk e di vendndodhjen e saj, por që ka treguar se është mirë me shëndet.

“Egzona është lajmëruar përmes qatij Snapchati që na ka shkruar më herët, na ka treguar se është mirë, vendodhjen nuk e dijmë, se nuk na ka treguar dhe as me kënd është nuk na ka treguar”, ka deklaruar ai.

Ndërkaq, Egzona i ka thënë vëllait se do të kujdeset ajo vet për fëmijë.

“Po normal që do të vazhdojë që të kujdesem për ta”, ka thënë shkurt ai.