Ish-ambasadori i Kosovës në Shtetet e Bashkuara të Amerikës, Avni Spahiu, ka paralajmëruar se në “Listën e zezë” të Amerikës pritet  të përfshihen edhe politikanë kosovarë, të cilët dyshohen se kanë penguar procese të caktuara.

Këtë paralajmërim Spahiu e ka dhënë në një intervistë në KTV.

“Po, absolutisht do të ketë”, ka thënë Spahiu.

Sipas ish-ambasadorit, është vështirë të dihet se kush mund të futet në atë listë, megjithatë ka indikacione që do të jenë njerëz nga politika.

Ai ka përmendur paralajmërimin e presidentit amerikan Biden për zgjerimin e “Listës së zezë” me njerëz që janë të njollosur në aspekte të ndryshme duke filluar nga rrezikimi i paqes, minimi i demokracisë dhe që janë të zhytur në kriminalitet e korrupsion.

Spahiu theksoi se një mesazh thuajse i ngjashëm është dhënë edhe në letrën që Biden përcolli te homologët e tij në Kosovë, Serbi dhe Bosnjë-Hercegovinë, menjëherë pas inaugurimit

Disa nga ministrat e Qeverisë së Kosovës vozisin vetura të shtrenjta, disa i kanë në pronësi bashkë me bashkëshortët e tyre, ndërsa ka prej tyre që nuk kanë fare veturë, sikurse edhe vetë Kryeministri Albin Kurti që deklaron të mos posedojë fare në pronësi të tij një të tillë.

Reporteri ka përmbledhur vlerën e veturave të deklaruara në Agjencinë Anti-Korrupsion nga vetë Ministrat e Qeverisë Kurti.

Shumica e tyre në formularët në AKK të vitit 2021  kanë treguar vetëm për markën e veturave dhe vlerën sipas tyre, por jo edhe modelin/tipin e tyre, apo vitin e prodhimit. (Në mungesë të deklarimit të modelit të veturave që i posedojnë disa nga ministrat kosovarë, veturat e paraqitura në grafiket e mëposhtme janë vetëm ilustrim i markave).

Veturat më të shtrenjta del se kanë ministret Artane Rizvanolli, Arbërie Nagavci dhe ministri Elbert Krasniqi.

Ministrja e Ekonomisë, ka deklaruar se posedon veturë të tipit “Renault Kdjar”, të cilën sipas deklarimit të pasurisë, e ka blerë 18 mijë euro në vitin 2016.

Një veturë me çmim të njejtë e vozitë edhe Ministrja e Arsimit, Arbërie Nagavci, të cilën e ka blerë përmes një kredie në vitin 2018, ajo nuk e ka treguar tipin e veturës që vozitë.

Edhe ministri Elbert Krasniqi që drejton Ministrinë e Administrimit të Pushtetit Lokal, është në mesin e ministrave që vozisin vetura të shtrenjta.

Krasniqi ka një veturë e cila ka çmim prej 12 mijë euro, ndërsa sipas deklarimit e ka blerë nga kursimet në vitin 2017.

Ministri i Kulturës nuk ka veturë, e vozitë gruaja

Ministri Hajrullah Çeku, duket se nuk është fare ‘marakli’ i veturave, pasi ai deklaron se nuk posedon një të tillë. Gjithsesi bashkëshortja e tij e që duket se e vozitë edhe bashkëshortin, ka një veturë të tipit “Dacia” që ka vlerën e 12 mijë eurove, e që sipas deklarimit e ka blerë me kredi.

Veturë me çmim 11 mijë euro vozitë edhe ministri i Bujqësisë, Faton Peci, ai ka deklaruar në Agjencinë Antikorrupsion çmimin e veturës, por jo edhe llojin.

Haxhiu me veturë të përbashkët me bashkëshortin

Ministrja e Drejtësisë, Albulena Haxhiu ka deklaruar në AAK se ka një veturë “Seat Leon” të cilën e vozitë bashkë me bashkëshortin e saj

Gërvalla me veturë 10 mijë euro

Ministrja e Jashtme Donika Gërvalla, vozitë një veturë japoneze “Toyota Avensis”, që e ka blerë 10 mijë euro në kohën sa nuk ishte e kyçur në politikë nga të ardhurat personale në vitin 2016.

Haxhiu me veturë të përbashkët me bashkëshortin

Ministrja e Drejtësisë, Albulena Haxhiu ka deklaruar në AAK se ka një veturë “Seat Leon” të cilën e vozitë bashkë me bashkëshortin e saj.

Ajo ka deklaruar se veturën e ka blerë 9700 euro në vitin 2020.

Liburn Aliu në kredi për BMW-në e tij

Ministri i Mjedisit, Planifikimit Hapësinor dhe Infrastrukturës, Liburn Aliu, vitin që lam pas ka marrë kredi për të blerë veturë të tipit BMW në vlerë 6500 euro. Por, ai nuk e ka treguar modelin e saj.

Nga ana tjetër, bashkëpartiaku i tij, Ministri i Brendshëm Xhelal Sveçla, nuk ka deklaruar se ka veturë të tij personale, por vetëm e ka paraqitur atë të bashkëshortes së tij te cilën e pohon se e ka blerë me kredi në vlerë 4 mijë euro.

Policia e Kosovës gjatë ditës së enjte ka konfiskuar gjithsej 70 aparate të cilat dyshohet se përdoreshin për përdorimin e kriptovalutave.

Njëri rast ka ndodhur në Podujevë, ku policia bëri të ditur se janë sekuestruar tri aparate për prodhimin e kriptovalutave.

Sipas njoftimit të policisë, u bë e ditur se janë njoftuar edhe zyrtarët përgjegjës të Doganës së Kosovës dhe në koordinim me ta, do të ndërmerren veprime të mëtejme.

“Me datë 06.01.2022 rreth orës 16:00, njësitet nga Stacioni Policor i Podujevës së bashku me Njësitin e Reagimit të Shpejtë, kanë mbështetur ekipe të KEDS në Fsh. Surkish ku janë gjetur dhe sekuestruar tre aparate për prodhimin e kriptovalutave”, bëri të ditur policia.

Policia të enjten njoftoi edhe për një rast tjetër të sekuestrimit të aparateve të lidhura me pajisje elektrike dhe internet, që dyshohet se përdoreshin për prodhimin e kriptovalutave.

67 aparatet u gjetën në rrugën “Fan Noli” në jug të Mitrovicës.

“Hetuesit e Policisë në jug të Mitrovicës në orët e pasdites së sotme kanë realizuar një bastisje në një banesë në rrugën ‘Fan Noli’ të këtij qyteti, ku janë gjetur dhe sekuestruar 67 aparate të lidhura me pajisje elektrike dhe internet që dyshohen se përdoreshin për prodhimin e kriptovalutave”, thuhet në njoftimin e policisë.

Sipas policisë, për pajisjet e gjetura dhe veprimtarinë e kundërligjshme, hetuesit policor kanë identifikuar personin e dyshuar.

Po ashtu, policia bëri me dije se lidhur me veprimet e ndërmarra dhe pajisjet e sekuestruara është njoftuar prokuroi i çështjes i cili ka sugjeruar që për veprime të mëtejme hetimore lidhur me rastin dhe pajisjet e sekuestruara të merren autoritetet doganore.

Ndryshe, kriza energjetike që ka përfshirë Kosovën, e ka shtyrë ministren e Ekonomisë, Artane Rizvanollin, që të marrë vendim për ndalimin e prodhimit të kriptovalutave në gjithë vendin.

Tashmë është “sekret publik” që pjesa e vendit ku prodhohen më së shumti këto para digjitale, është veriu i vendit, ku banorët s’e paguajnë vetë rrymën. Për ndalimin e prodhimit atje, Qeveria po paralajmëron edhe aksion.

Raportimet e viteve të fundit për dyshimet se energjia elektrike në veri po keqpërdoret për prodhimin e kriptovalutave, s’kanë marrë “feedback” nga institucionet e vendit, deri sivjet.

Në këtë pjesë të vendit, raportohet se janë vendosur mijëra pajisje që prodhojnë valuta digjitale, e që shpenzojnë shumë energji.

Qeveria i ka kthyer sytë ka Veriu tek tash, kur Kosova po përballet me krizë energjetike. Ministrja e Ekonomisë, Artane Rizvanolli, ka vendosur që të ndalojë prodhimin e tyre.

“….javën e kaluar kam marrë vendimin për Masa të Emergjencës përmes të cilit ndalohet prodhimi i kriptovalutave në të gjithë territorin e Republikës së Kosovës”, ka thënë Rizvanolli.

Por, si do të ndalohet prodhimi i këtyre monedhave digjitale në veri të vendit?

Nga Qeveria e Kosovës kanë thënë për Express se edhe veriu i vendit do të trajtohet si e gjithë pjesa tjetër e territorit të vendit.

Zëdhënësja e Qeverisë, Rozafë Kelmendi, ka paralajmëruar mes rreshtash edhe aksion atje.

“Veriu i vendit do të trajtohet njëjtë si gjithë pjesa tjetër e territorit të Republikës së Kosovës. Organet e rendit dhe të drejtësisë, në bashkëpunim të ngushtë me institucionet relevante të sektorit të energjisë, do të identifikojnë lokacionet e prodhimit të kriptovalutave në të gjithë Republikën e Kosovës dhe do ta ndërprejnë këtë aktivitet”, thuhet në përgjigjen e Kelmendit drejtuar Gazetës Express.

Prishtina Weather ka njoftuar se sot do të mbajë mot i ftohtë dhe kryesisht i vranët.

Në njoftim bëhet e ditur se në fundjavë do të ketë mot të paqëndrueshëm, me vranësira dhe reshje shiu e bore.

“Pas reshjeve të borës gjatë natës, ditën e premte mban mot i ftohtë kryesisht i vranët. Në fundjavë mot i paqëndrueshëm, me vranësira të reshura shiu dhe bore”, bën të ditur Prishtina Weather.

Temperatura minimale do të jetë 0 gradë celsius derisa maksimalja mund të arrijë deri në 3 gradë.