Rreth 1 ton kokainë janë sekuestruar në portin e Buenaventura, në Valle del Cauca.

Ajo që ka habitur agjentët e policisë është mënyra e fshehjes së drogës që ishte futur në lëkurën e lopëve. Sipas mediave vendase ndryshe sa jemi mësuar të dëgjojmë për bananet, droga është zbuluar në një kontejner që kishte lëkurë gjedhi për eksport.

Me të mbërritur ngarkesa, policët identifikuan një kontejner që kishte mospërputhje në vula dhe gati për t’u dërguar në Evropë. Më pas, qentë e Policisë, të trajnuar në port, kanë alarmuar për disa parregullsi në lëkurë, duke tërhequr edhe më shumë vëmendjen e autoriteteve. Kokaina ishte e shpërndarë në fletë plastike të ngjitura në njërën anë të lëkurës së lopës dhe me sa duket nuk binte në sy.

Brenda këtyre fletëve autoritetet gjetën edhe sasinë e madhe të kokainës. Kontejneri kishte si destinacion portin e Burgasit në Bullgari , ku do të pritej nga anëtarët e Klanit Ballkanik, të cilët më pas do ta shpërndanin në Evropë, konkretisht në Francë, Gjermani dhe Itali.

1 ton kokainë e zbuluar do të kishte një vlerë prej 75 milionë dollarësh , njoftoi Policia Kundër Narkotikëve.

Kryetarja e Komisionit për të Drejtat e Njeriut, Duda Balje, ka thënë se në Kosovë ka gjendje alaramante sa i përket dhunës ndaj gruas.

Balje, në ‘Edicionin Special’ në Klan Kosova, ka thënë se Ligji i ri për Mbrojtjen nga Dhuna në Familje pritet të jetë shumë më i ashpër në raport me dënimet ndaj atyre që ushtrojnë çfarëdolloj dhune ndaj gruas.

“Jemi duke provuar që ta përmirësojmë gjendjen, por nuk jemi shumë të suksesshëm. Kemi një praktikë që kur ndodh diçka ne jemi shumë radikalë, më pas prapë heshtje. Jemi në rrugë për të ndërtuar një ligj të ri kundër dhunës ndaj grave dhe jemi gati praktikisht për leximin e parë pas pushimeve. Kemi një ligj më radikal, por kemi një sistem ku gruaja në Kosovë nuk është e sigurt as në shtëpi. Këtu kemi shumë probleme, prandaj duhet që prej hapit të parë, që është polici, që shkon në vend të ngjarjes ose pas lajmërimit të dhunës, deri në momentin e fundit të jemi shumë më seriozë.

Jemi duke reaguar çdo ditë, por prapëseprapë nuk kemi pasur shumë sukses. Për fat të keq, edhe kuvendi, qeveria, Ministria e Drejtësisë dhe organizatat joqeveritare jemi në një zë kundër dhunës ndaj gruas, por gjendjen e kemi shumë alarmante. Duhet të punojmë dhe ta ngremë zërin më shumë. Kemi problem edhe në shtëpi edhe në mënyrën qysh jemi duke rritur fëmijët, prandaj të gjithë duhet të bëjmë një hap përpara”.

Kryetarja e Komisionit për të Drejtat e Njeriut ka deklaruar se hapi i parë në trajtimin e dhunës ndaj gruas është gabim, pasi, sipas saj, jo rrallë herë ndodh që pasi gruaja e raporton rastin në polici, nga këta të fundit nuk merret seriozisht.

Ajo thotë se shumica e grave që marrin guximin të shkojnë në polici për të treguar se kanë dhunë në familje më pas përballen me një realitet edhe më të rëndë për shkak të mentalitetit.

“Unë mendoj se ne nuk jemi duke i marrë shumë seriozisht këto raste, fillimisht nga ana e policisë. Unë jam në kontakt çdo ditë me këto gra, ku në fakt ne kemi ndihmuar një grua me nënshtetësi jokosovare që të dalë jashtë shtetit. Është edhe një grua që shumë vjet është duke përjetuar dhunë dhe burri është në paraburgim, e tash ka frikë si do të jetë kur të dalë burri nga paraburgimi. Ka dy djem (14 edhe 16 vjeç) dhe nuk do të shkojë në strehimore sepse nuk do të jetojë pa fëmijët. Te ne, për shkak të kulturës dhe traditës që kemi, gruaja kur shkon ta lajmërojë dhunën për herë të parë nuk po e marrim këtë shumë seriozisht. Shumica prej atyre grave thonë se policia i ka thënë ‘Hajde shko në shtëpi dhe rregullo senet me burrin’. Edhe prokurorët kanë problem sepse gratë, pasi e lajmërojnë rastin e dhunës nga burri, më pas kalojnë shumë keq edhe me familjen e vet edhe të burrit, sepse te ne me lajmëru një burrë, je grua shumë e keqe, pa marrë parasysh nëse ke dhunë në shtëpi. Fuqia e një gruaje që të shkojë dhe ta lajmërojë dhunën duhet të merret shumë seriozisht”.

Balje ka thënë se si deputete e Kuvendit të Kosovës do të flasë tash e tutje me emra, nëse ka informata të sigurta për këdo që nuk e kryen punën si duhet në trajtimin e këtij fenomeni në Kosovë.

Drejtori i Shërbimit Spitalor dhe Klinik Universitar të Kosovës, Valbon Krasniqi, ka thënë se aktualisht në spitalet e përgjithshme dhe Qendrën Klinike Universitare të Kosovës janë të shtrirë 27 pacientë, ku 6 prej tyre janë të konfirmuar pozitivë me COVID-19. Por, ai ka thënë se presin që në ditët në vijim të rritet ky numër, e problemet e mëhershme kësaj radhe nuk do të ekzistojnë.

Sa i përket asaj se a ka kapacitete të mjaftueshme SHSKUK-ja për t’u përballur me fluks të pacientëve, Krasniqi ka theksuar se tashmë është dëshmuar se ka pasur kapacitet për të menaxhuar këto raste.

Kujtojmë se në Kosovë janë 997 raste aktive me COVID-19. Në 24 orët e fundit janë konfirmuar 144 raste të reja me virusin, nga 3 mijë e 908 testime të kryera.

“Aktualisht numri i pacientëve të prekur nga Covidi është i vogël, që disa muaj kemi numër simbolik. Sot kemi 27 pacientë të shtrirë, 6 prej tyre janë pozitiv. 21 të tjerë kanë komplikime”, është shprehur Krasniqi.

“Ne presim që numri të rritet në ditët në vazhdim. Sa i përket kapaciteteve, unë besoj se tashmë e kemi dëshmuar se Kosova, ka pasur kapacitete për të menaxhuar pandeminë”, ka thënë Krasniqi në RTV21.

Pos, përgatitjeve për rastet që presin të rriten, Krasniqi njoftoi se tashmë as furnizimi me oksigjen nuk do të jetë çështje problematike.

“Sfida më e madhe që kemi pasur është furnizimi me oksigjen, sepse kjo është pjesë kryesore e terapisë. Tashmë këtë problem e kemi zgjidhur. E kemi ndryshuar tërësisht sistemin e furnizimit me oksigjen”, shtoi Krasniqi.

Policia ka dhënë një informacion zyrtar për aksidentin që u shënua mbrëmjen e kësaj të premteje në tunelin e Kalimashit.

Nga përplasja e dy automjete, me drejtues shtetasit Gj.M., banues në Shkopet dhe N.Z., banues në Kosovë, ka ndërruar jetë pasagjerja E.S.

Po ashtu, kanë mbetur të plagosur 4 të tjerë, të cilët janë transportuar në spitalin e Kukësit.

Grupi hetimor dhe shërbimet e Njësisë për Sigurisë Rrugore të autostradës Kalimash- Morinë, ndodhen në vendin e ngjarjes dhe po punojnë për sqarimin e rrethanave dhe shkakut të aksidentit.

Një person ka vdekur dhe katër të tjerë janë lënduar si pasojë e një aksidenti që ka ndodhur të premten në mbrëmje në tunelin e Kalimashit në Kukës.

Siç ka njoftuar policia e Shqipërisë, aksidenti ka ndodhur pas përplasjes së dy veturave. E vdekur ka mbetur një grua nga Shkopeti. Të lënduarit janë dërguar në spitalin e Kukësit. S’dihet gjendja e tyre shëndetësore, kanë raportuar mediat në Shqipëri.