Shërbimi Spitalor Klinik e Universitar i Kosovës ka bërë të ditur se gjatë vitit të kaluar në Klinikën e Gjinekologjisë në QKUK kanë lindur 8 mijë e 984 foshnje.

Sipas SHSKUK’së, prej tyre 202 janë binjakë, 16 trinjakë dhe 2 katërnjakë.

“Gjatë vitit 2021, në Klinikën e Gjinekologjisë të Qendrës Klinike Universitare të Kosovës u lindën 8 mijë e 984 foshnje. Prej tyre, 202 janë binjakë, 16 trinjakë dhe 2 katërnjakë. Sipas raportit të punës, 4 mijë e 735 foshnje i përkasin gjinisë mashkullore, kurse 4 mijë e 249 gjinisë femërore”, thuhet nga SHSKUK.

Sipas këtij shërbimi, 2 mijë e 501 lindje janë kryer me operacion.

Me rastin e 23-vjetorit të vrasjes së heroit Enver Maloku, kryetari i LDK-së Lumir Abdixhiku i shoqëruar nga bashkëpunëtorë kanë bërë homazhe te përmendorja e tij, raporton Ekonomia Online.

Me këtë rast ai ka kujtuar ditë kur është vrarë siç tha ai njëri ndër patriotët më të mëdhenj që ka pasur Kosova.

Sipas tij, 11 janari i vitit 1999 ka qenë ditë e vështirë për çdo familje, ngase vrasja e Malokut thotë ai ishte vrasje e ëndrrës për liri.

Kreu i LDK-së ka shtuar se deri sa të zbardhet e vërteta për vrasjen e tij tinëzare nuk do të jenë të qetë asnjëherë.

“Sot bashkë me familjen nderojmë veprën e njërit ndër patriotët më të mëdhenj të Kosovës, i cili u vra pabesisht kur po kthehej në shtëpinë e tij”, tha ai, raporton EO.

“Enver Maloku hapi një ditarë informimi siç ishte Qendra Informative e Kosovës. Ne kujtojmë atë dhe nuk do të mbesim të qetë deri sa të zbardhet e vërteta për vrasjen tinëzare të tij”.

“Ka qenë tronditje për çdo familje në atë kohë të vështirë, vrasja e tij një figure të lëvizjes paqësore ka qenë vrasje e ëndrrës për liri. Por falë tij ne e gëzojmë këtë liri”.

Më 4 prill të vitit 2016, ish-presidentja Atifete Jahjaga, e ka dekoruar Enver Malokun me Urdhrin “Hero i Kosovës”, për kontributin e tij në lirinë dhe pavarësinë e Kosovës.

Edhe ish-presidenti Ibrahim Rugova për kontributin e tij në shtet-ndërtimin e Kosovës, e ka dekoruar Enver Malokun me Urdhrin “Medalja e Artë e Pavarësisë”.

Me iniciativë të ish-presidentit Ibrahim Rugova më 12 korrik të vitit 2005 në Prishtinë, në vendin ku është vrarë, Enver Malokut i është ngritur një Monument.

Edhe ish-presidenti i Republikës së Shqipërisë, Bujar Nishani, e ka dekoruar Enver Malokun me Medaljen “Urdhri i Artë i Shqiponjës”, raporton EO.

Maloku u vra më 11 janarit të viti pak metra prej banesës së tij në lagjen “Breg të Diellit”, në sytë e gruas dhe të fëmijëve.

Policia sllovene ka ndaluar një shofer autobusi nga Kosova i cili ishte duke vozituar mjetin pa një rrotë.

32 vjeçari u ndaluar në autostradën Ljublanë-Obrezje dhe i njëjti është dënuar me 400 euro njofton policia sllovene.

Sipas policisë, shoferi kosovar s’ka qenë në gjendje ta shpjegojë se ku e kishte humbur rrotën e autobusit të tij, shkruan siol.net.

Përpos dënimit për thyerje të ligjit për automjete, ndaj tij është inicuar edhe procedura ligjore dhe gjobë prej 2 mijë eurosh.

Një alarm është ndezur në orët e hershme të mëngjesit në Bankën Qendrore të Kosovës.

Front Online mbrëmë ka raportuar lidhur me këtë rast, ku kanë mësuar se pjesëtarë të shumtë të policisë kanë shkuar menjëherë pas ndezjes së alarmit në ndërtesën e BQK-së për të patrulluar hapësirat e brendshme të objektit.

Sipas BQK’së, arsye për këtë ka qenë një problem i vogël teknik.

Pas ndezjes së alarmit, janë shtuar edhe forcat e sigurisë.

“Ju njoftojmë se alarmi i ndezur në orët e hershme të mëngjesit ka ndodhur shkaku i një problem të vogël teknik. Ndërkohë, policia sipas vlerësimeve të tyre ka kërkuar prani më të madhe të forcave të sigurisë, të cilat pas identifikimit të këtij problemi teknik janë larguar pasi që është vlerësuar se nuk ka asnjë rrezik për sigurinë e institucionit. Me këtë rast, duam të ju informojmë se problemi teknik nuk ka dhe nuk do të ketë asnjë ndikim në mbarëvajtjen e punëve të BQK-së”, thuhet në sqarimin e BQK’së.