Një rast dhune në familje ka ndodhur gjatë ditës së djeshme në Rahovec, ku tre fëmijët kanë sulmuar fizikisht babanë e tyre.

Policia njofton se viktima ka pësuar lëndime, të njëjtit i është ofruar tretman mjekësor, ndërsa të dyshuarit pas intervistimit, me urdhër të prokurorit janë dërguar në mbajtje.

“Rahovec 11.01.2022-20:00. Janë arrestuar tre të dyshuar meshkuj kosovarë-vëllezër, pasi që të njëjti dyshohet për shkak të një mosmarrëveshje, e kanë sulmuar fizikisht viktimën mashkull kosovar-babin e tyre. Viktima ka pësuar lëndime, të njëjtit i është ofruar tretman mjekësor në Spitalin Rajonal në Gjakovë, ndërsa të dyshuarit pas intervistimit, me urdhër të prokurorit janë dërguar në mbajtje”, thuhet në raportin 24 orësh të Policisë së Kosovës.

Policia Rajonale e Prizrenit në një komunikatë për media ka njoftuar se me datë 11 janar 2022, policia në Mamushë ka arritur të identifikoj të dyshuarin i cili me datë 31 dhjetor 2021, duke festuar në qendër të komunës së Mamushës kishte shtënë me armë zjarri me revole dhe pushkë gjahu.

Me këtë rast i dyshimti ka shkaktuar rrezik të përgjithshëm, pasi në qendër kishte qytetarë tjerë të cilët merrnin pjesë në festimin e vitit të ri. Informacioni ishte publikuar në rrjete sociale, hetuesit policor duke punuar me profesionalizëm kanë arritur të ndalojnë të dyshimtin dhe ti sekuestrojnë dy armë si:

Pushkë gjuetie e llojit IMPALA PLUS , dhe

Pistoletë e llojit CANIK SFX 9.19

Për këtë vepër penale u arrestua i dyshimti Y.K i lindur në vitin 1986. Në lidhje me rastin u informua prokurori kujdestar i cili urdhëroj që rasti të hetohet në procedurë të rregull, thuhet në njoftim/tvprizreni.net/

Zëvendësministri i Mbrojtjes Shemsi Syla ka folur për planet e armatosjes së ushtrisë për vitin 2022.

Syla në RTV Dukagjini ka thënë se janë duke ndjekur politikën siç e ka praktikë Amerika për armatimet.

“Kemi qenë të vëmendshëm që të bëjmë marrëveshje për armë vetëm me shtete e jo me kompani private. Shteti përkatës bënë mbikëqyrjen e shitjes së armëve për Kosovën”, ka deklaruar Syla përcjell Telegrafi.

Syla ka thënë se ndër partnerët më të mëdhenj edhe për blerjen e armëve Kosova ka pasur SHBA-në, Kroacinë, Turqinë e disa vende tjera.

“Ne po përgatitemi për mbrojtje pas armatosjes nga Serbia. Marrë parasysh kërcënimet e vazhdueshme nga Serbia, ne armatosemi me armatim adekuat që i përgjigjet kësaj situate. Ne do të përgjigjemi me armatim adekuat që e kërkon situate. Ne nuk jemi duke blerë armatim sulmues, por po punojmë natë e ditë që të mbrojmë territorin dhe popullsinë tonë”.

Zëvendësministri i Mbrojtjes ka përmendur se kanë këshilltarë edhe nga Amerika për t’iu përgjigjur situatës.

Syla ka thënë se për vitin që sapo kemi hyrë janë të planifikuara 52 milionë euro për blerje të armëve.

Një nxënës ka rënë sot nga kati i dytë i shkollës fillore “Asdreni” në Pejë. Drejtori i Arsimit në Pejë, Naser Gega thotë se në momentin kur ka ndodhur ngjarja mësimi ka qenë duke u zhvilluar normalisht.

“Ka qenë një ditë e zakonshme e procesit mësimorë. Shkolla ka infrastrukturë të mirë dhe staf mësimorë shembullor”.

Gega nuk ka dashur të japë ndonjë hamendësim në lidhje me profilin e nxënësit.

“Hamendësime mund të këtë nëse ai ka qenë problematik apo jo. Ne nuk duhet të merremi me hamendësime. Zyrtarët e Inspektoratit të Arsimit kanë hetuar rrethanat. Edhe policia e ka bërë punën e saj. Mos të prejudikime se çfarë ka ndodhur. E rëndësishme është që më është thënë se nxënësi është jashtë rrezikut për jetë. Le të kthehet ai më pas shohim”, deklaroi Gega për RTV Dukagjinin.

Drejtori i Arsimit në Pejë thotë se zyrtarë të shkollës janë marrë në polici për deklaratë dhe do të dihet më saktë si ka ndodhur ngjarja.

Ai ka kërkuar që të mos bëhet presion te mjekët apo familja për gjendjen shëndetësore të nxënësit.

“Më herët më është thënë se është jashtë rrezikut për jetë. Shpresojmë edhe aktualisht ai të ndodhet jashtë rrezikut për jetë”.

Mjeku kujdestar Avdish Bajgora ka thënë se pacienti është sjellë në QKUK në gjendje të rëndë.

“Pas ekzaminimeve është konstatuar se ai ka fraktura të shumta”, ka deklaruar Bajgora.