Prokuroria Themelore e Ferizajt ka njoftuar se e ka ndaluar për 48 orë ushtruesin e detyrës së Drejtorit të Spitalit të Përgjithshëm në Ferizaj, nën dyshimet për keqpërdorim të detyrës zyrtare.

Sipas Prokurorisë, ai dyshohet ka keqpërdorur detyrën e tij zyrtare, duke e furnizuar veturën e tij private me derivate të naftës në kuadër të tenderit të paraparë për Spitalin e Përgjithshëm në Ferizaj.

Njoftimi i plotë:

Ndalohet një person për keqpërdorim të pozitës apo autoritetit zyrtar

Ferizaj, 14 Janar 2022– Prokuroria Themelore në Ferizaj, Departamenti për Krime të Rënda, njofton opinionin publik se pas një hetimi një mujor nga ana e Prokurorisë, me vendim të Prokurorit të Shtetit, ka ndaluar të dyshuarin H.G., në kohëzgjatje prej 48 orësh, pasi dyshohet se i njëjti ka kryer veprën penale “Keqpërdorimi i pzoitës apo autoritetit zyrtar” nga neni 414 të Kodit Penal të Republikës së Kosovës (KPRK).

Sipas Prokurorisë, dyshohet se H.G., si Ushtrues i detyrës së Drejtorit të Spitalit të Përgjithshëm në Ferizaj, ka keqpërdorur detyrën e tij zyrtare, duke e furnizuar veturën e tij private me derivate të naftës në kuadër të tenderit të paraparë për Spitalin e Përgjithshëm në Ferizaj.

Prokuroria Themelore në Ferizaj, brenda afatit ligjor, ndaj të njëjtit, do të vendos për procedurat e mëtejme hetimore.

Rektori i Universitetit të Gjakovës, Artan Nimani, ka folur për universitetet publike, duke kërkuar kështu pavarësi financiare për to.

Ai gjithashtu foli edhe për lirimin e studentëve nga pagesat, ku tha se kjo ka ndikuar në motivimin e tyre.

“Unë konsideroi se është bërë një veprim i mirë dhe si i tillë është një nxitje dhe një motivim i mirë për fillimin dhe vazhdimin e studimeve. Ka mjaftë raste kur studentët për çështje ekonomike janë detyruar t’i ndërpresin studimet, ose t’i vonojnë ato”, u shpreh ai.

Nimani tregoi se a ka pasur ku vendim ndonjë efekt financiar.

“Nuk ka pasur ndonjë efekt financiar, të pakten në institucionet publike, për shkak se 100 përqind aksionar të universiteteve publike, është Qeveria e Kosovës, 100 përqind fondet i siguron nga buxheti i Qeverisë së Kosovës, është e njëjta formë, ndonëse Qeveria e ka lehtësuar punën me studentët, ndërsa këtë pjesën e mjeteve me të cilat janë dëmtuar universitetet tona, konkretisht Universiteti i Gjakovës, Qeveria i rimburson në vija tjera buxhetore”, u shpreh tutje Nimani në Klan Kosova.

Në Shqipëri nuk do të lejohet më importi i makinave që janë më të vjetra se vit prodhimi i 2007-ës.

Drejtoria e Transportit Rrugor ka rikujtuar rregullat që burojnë nga një vendim i qeverisë në 2018-ën, për të mbrojtur mjedisin nga makinat që nuk plotësojnë standardet e ndotjes.

Sipas rregullave të përcaktuara, makinat e reja me 0 km, që të importohen duhet të plotësojnë standardin euro 5, ndërsa mjetet e tjera motorike me 0 km duhet të jenë euro 4 e sipër.

Ndërkohë, historia ndryshon për sa i përket makinave të përdorura. Ato që kanë bërë kilometra në një shtet tjetër, mund të importohen në Shqipëri nëse janë mbi standardin euro 3 dhe jo më të vjetra se 15 vite, ndërsa kjo vlen edhe për mjetet e tjera motorike të përdorura, si autobusë, kamionë apo motorë.

Në Shqipëri, sipas shifrave të Drejtorisë së Transporti janë mbi 720 mijë mjete motorike në qarkullim, ndërsa rreth 340 mijë prej tyre janë të vit prodhimeve më të vjetra se 2005 dhe që nuk plotësojnë standardet e ndotjeve mjedisore. /tch/

Në 24 orët e fundit në vendin tonë janë shqiptuar 1 mijë e 712 gjoba trafiku.

Gjatë kësaj periudhe janë shqiptuuar edhe 433 gjoba për mosrespektim të ligjit antiCOVID, përcjell Klankosova.tv.

Aksidente me të lënduar, në 24 orët e fundit janë gjithsej 15, ndërsa me dëme material 27.

Ndryshe, në statistikat e përgjithshme të policisë bëhet e ditur se 22 persona janë arrestuar dhe 18 janë dërguar në mbajtje.