Instituti Kombëtar i Shëndetit Publik ka bërë thirrje që të respektohen masat anti-COVID, pasi varianti Omicron është më dominuesi aktualisht dhe më ngjitësi. IKSHPK-ja shkruan në Facebook se duhet mbajtur maskat në çdo hapësirë dhe distanca mbi dy metra duhet respektuar, edhe në mjedise të hapura.

“Për shkak të rrezikshmërisë së lartë të përhapjes së COVID-19, bëjmë thirrje në veçanti për kujdes dhe mosgrumbullim. Ndërsa, rekomandojmë institucionet përgjegjëse të mbikëqyrin me përpikëri dhe të ndërmarrin të gjitha veprimet e nevojshme për zbatimin e masave për parandalimin dhe luftimin e pandemisë”, thuhet në komunikatë.

Instituti ka bërë thirrje që të gjithë personat mbi moshën 12-vjeçare të vaksinohen, me qëllim të parandalimit të koronavirusit.

Ditëve të fundit, numri i rasteve me COVID-19 po rritet çdo ditë. Të dielën u shënuan mbi 700 raste pozitive.

Në kuadër të bashkëpunimit me ushtrinë Amerikanë, njëzetë pjesëtarë të Regjimentit të dytë të Këmbësorisë të Komandës së Forcave Tokësore përfunduan trajnimin një javor “Shkathtësi Malore”.

“Gjatë trajnimit pjesëtaret e Forcës së Sigurisë së Kosovës u aftësuan në teknika të ngjitjes në shkëmbinj, evakuimin e viktimave në terrene të thepisura, kalimin e pengesave ujore dhe repelim”.

“Në Komandën e Forcave Tokësore në Istog u mbajt ceremonia e certifikimit, ku të pranishëm ishin oficerë dhe nënoficerë të FSK-së dhe atyre Amerikanë, të cilët vlerësuan lartë rëndësinë e trajnimeve të tilla të cilat kanë qellim ngritjen e aftësive taktike të pjesëtarëve të FSK-së”, thuhet në njoftimin e tyre.

Anëtari i Kryesisë i Kuvendit të Kosovës nga radhët e Partisë Demokratike të Kosovës Abelard Tahiri është shprehur se PDK ka qenë subjekti i parë politik që ka kërkuar të mos mbahet referendumi, por që seanca e Kuvendit ka qenë tallje me deputetët e opozitës.

Sipas Tahirit, seanca do të duhej të mbahej në rast se kryeministri dhe qeveria nuk do të tregonin vullnet për ta bllokuar referendumin, por në rastin kur kanë qenë kundër tij ka qenë totalisht e panevojshme.

Kjo sipas Tahirir është edhe arsyeja e mospjesëmarrjes në seancën e Kuvendit të Kosovës që e cilëson si “tallje me deputetët e opozitës”.

“Partia Demokratike e Kosovës ka qenë subjekti i parë politik që ka kërkuar nga institucionet e Kosovës që të ruhet kushtetutshmëria dhe sovraniteti i shtetit tonë. Të mos lejohet mbajtja e një referendumi të organizuar nga Serbia në Kosovë sepse cënon direkt sovranitetin dhe rendin tonë kushtetues.Dhe ne e vlerësojmë që akti i qeverisë të mos lejohet një veprim i tillë dhe ka qenë një akt i detyrueshëm në mbrojtje të kushtetutshmërisë dhe të sovranitetit dhe kemi thënë edhe atë ditë që të thirret seancë t’i kërkohet kryeministrit zbatimi i ligjeve në vendin tonë është e panevojshme, prandaj në rast se kryeministri nuk do të vepronte në atë formë që të ndalonte mbajtjen e këtij referendumi, ne do të duhej të mblidhemi dhe t’i kërkojmë, ne nuk kemi parë vullnet nga qeveria që të mos bëhet një gjë e tillë dhe seanca e tillë ka qenë e panevojshme dhe e kam parë si tallje me deputetët e opozitës dhe ne nuk kemi dashur të bëhemi pjesë e një seance të tillë.”, tha Tahiri.

Më tutje i pyetur rreth deklaratave të ministrit të qeverisë Kurti, Goran Rakiq, Tahiri thotë se ministri do të duhej të shkarkohej.

“Besoj që një ministër i tillë do të duhej të shkarkohej. Një ministër që bën deklaratë kundër vendit që përfaqëson, nuk e ka vendin në qeveri.”, tha ai.

Më tutje, ai ka folur edhe rreth mospërkrahjes së QUINT-it për çështjen e kundërshtimit të referendumit. Ai shprehet se institucionet e Kosovës do të duheshin të bënin një ofenzivë diplomatike për t’i bindur shtetet aleate se referendumi cenon Kushtetutshmërinë e Kosovës.

“Është hera e parë që QUINT-in e kemi pasur në anën e kundër, ky është dëm i madh që e ka bërë pikërisht kjo qeveri me mosangazhimin e saj, kur është bërë kërkesa e Serbisë përmes OSBE-së për organizimin e referendumit, do të duhej të ndoshte një ofenzivë diplomatike e vendit tonë me aleatët dhe t’i bindim ata të mos përkrahet një kërkesë e tillë sepse cenon rendin tonë kushtetues. Qeveria jonë ka vendosur me heshtë dhe nuk ka ofruar argumentet e duhura përballe aleatëve tonë, përballë SHBA-ve si aleati më i rëndësishëm dhe kemi ardhur në një situatë ku kemi qëndruar të heshtur dhe fatkeqësisht në këtë situatë aleatët më të rëndësishëm nuk i kemi pasur në anën tonë. Unë besoj se kemi pasur argumente të mjaftueshme, të qëndrueshme t’i bindim aleatët tanë strategjik që kjo nuk duhet të ndodh. Mirëpo, ata kanë vendosur të rrijnë të heshtur deri dy ditë para referendumit sepse do të duhej me qenë presidentja, kryeministri, ministrja e jashtme të angazhuar në një fushatë diplomatike për të treguar që pala serbe është gabim.”, tha Tahiri.

Të enjten është caktuar dita kur do të mbahet seanca e radhës e Kuvendit të Kosovës. Kjo u bë e ditur pas përfundimit të mbledhjes së Kryesisë së Kuvendit, që gjatë ditës së sotme.

Shefi i GP të AAK-së, Besnik Tahiri, ka thënë se në këtë seancë do të diskutohet edhe ngritja e çmimeve, si kërkesë e tyre.

“Sot u mbajt mbledhja dhe është caktuar një seancë për të enjten. Ajo në këtë seancë do të jetë debati i thirrur nga AAK për ngritjen enorme të çmimeve, një temë që duhet të trajtohet nga grupet parlamentare dhe Qeveria”.

“Ajo që dua të them është se vitin e kaluar ka qenë vit i dobët në draftimin e ligjeve, dhe ne do të punojmë që ky sesion të jetë më i mirë”, u shpreh ai.

Ndërsa ka thënë se kur ka të bëjë për çështje nacionale, AAK-ja do ta mbështes Qeverinë.

“Ju e keni parë qartë që pozicioni i AAK për referendumin ka qenë parimor dhe u kemi dhënë mbështetjen Qeverisë dhe nuk do të kërkojmë që në tema të rëndësishme nuk do të jemi opozitë”, ka thënë ai.

“Qeveria do duhej të bëjë një shpjegim për opinionin e brendshëm dhe ta bëjë një shpjegim për opinionin e jashtëm, pra me faktorin ndërkombëtar me të cilët kemi punuar nga 99-ta. Argumentet e seancës së shtunës kanë qenë argumentues nga ana e palës sonë”, u shpreh Tahiri./eo

Ish-ambasadori i Kosovës në Maqedoni të Veriut, Gjergj Dedaj është raportuar dje në media se po kërkohej nga Policia për shkak se nuk i kishte dorëzuar tabelat zyrtare diplomatike.

Por, ish-ambasadori Dedaj e ka mohuar një gjë të tillë në një intervistë për Indeksonline.

Ai është shfaqur para bustit të Gjergj Kastriotit në Prishtinë ku ka deklaruar se nuk ka problem me ligjin.

Dedaj e ka përmendur edhe shkarkimin e tij nga detyra e ambasadorit duke thënë se presidentja Osmani ka bërë një krim ndaj tij me këtë vendim.