Në liqenet dhe lagunat e Shqipërisë është konstatuar një rritje e numrit të shpendëve.

Rreth 60 specialistë të “birdwatching” kanë numëruar shpendët në mbi 18 ligatina në të gjithë vendin, në kuadër të censusit kombëtar që po zhvillohet.

Nga të dhënat paraprake, në qarkun e Shkodrës paraqitet një prani e shtuar e shpendëve ujorë në të gjithë territorin.

E veçantë për këtë vit ishte prezenca e pelikanit kaçurrel në Lagunën e Vilunit, si edhe e zhytësit të mesëm me çafkë, të cilët nuk janë hasur më parë në këto habitate.

Sipas biologëve, prezenca e shpendëve varet nga kushtet klimaterike dhe aktiviteti njerezor, si gjuetia, peshkimi apo prishja e habitateve, si edhe nga mungesa e ushqimit.

Nga monitorimi në Vlorë ka rezultuar se janë 40 lloje shpendësh, ku më specifike mbeten flamingot dhe pelikani kaçurrel. Sipas specialisteve, ky vit ka shënuar një rritje të ndjeshme të numrit të shpendëve.

Në Lagunën e Nartës, të Orikumit, në liqenin e Butrintit dhe në lagunën e Kallendës, në krahasim me vitin e vjetshëm shikohet një përmirësim i numrit shpendëve.

“Krahasuar me vitin 2021 ku numëroheshin rreth 15 mijë individë ka një rritje të numrit, duke mos lënë mbas edhe Flamingon që njihet si simbol i Lagunës. Kjo lagune ka përreth 40 lloje shpendësh, më të zakonshmet janë disa lloje rosash, sqepbiza, por edhe pelikani kaçurrel që njihet si vizitor i zonës dhe nga vrojtimet e kryera kemi një shtim të numrit”, tha Artion Seferi, specialist i ADZM.

Laguna e Nartës është laguna e dytë më e madhe në Shqipëri për nga rëndësia, pas lagunës së Karavastasë. Në këtë lagunë jetojnë rreth 20 mijë shpendë të mbi 40 llojeve. Kjo lagunë shërben si vend ushqimi edhe për pelikanin kaçurrel.

Pas vitit 1997, në Shqipëri flamingot dhe shpendët e tjerë të mbrojtur filluan shtegtimin masiv për shkak të gjuetisë së paligjshme. Në vitin 2016 qeveria vendosi të ndalojë gjuetinë me anë të një moratoriumi./Euronews Albania

Astronomët po ndjekin një asteroid potencialisht të rrezikshëm të quajtur 7482 (1994 PC1) përmes qiellit të martën e kësaj jave, ndërsa ai është vendosur të bëjë një kalim relativisht afër planetit tonë – dhe ju mund ta shikoni drejtpërdrejt.

Sipas mediave të huaja, përcjell Telegrafi, “shkëmbi hapësinor”, një nga më të mëdhenjtë që pritet të vijë pranë Tokës në muajt e ardhshëm, mendohet të jetë me një diametër prej rreth 1 kilometër.

Siç shkruan Newsweek, 1994 PC1 nuk pritet të godasë planetin tonë, por do të vijë brenda rreth pesëfishit të distancës midis planetit tonë dhe hënës.

Kalimi i afërt i tij do të bëhet rreth orës 22:51 më 18 janar.

Ndryshe, 1994 PC1 nuk është vetëm i madh, por edhe i shpejtë.

Kur të jetë më afër Tokës, shkëmbi hapësinor pritet të udhëtojë me një shpejtësi prej rreth 45,000 milje në orë.

Pavarësisht shpejtësisë së tij, astronomët shpresojnë të kenë një pamje të mirë të PC1 të vitit 1994.

Projekti Virtual Telescope është vendosur të ketë një transmetim të drejtpërdrejtë të asteroidit ndërsa ai kalon të martën.

Grupi i astronomëve ka qenë gjithashtu në gjendje të kapë imazhe të teleskopit hapësinor James Webb nëpërmjet pajisjeve të tij të teleskopit me bazë tokësore kohët e fundit.

Ndryshe, 1994 PC1 ka qenë lajm kohët e fundit për shkak të madhësisë dhe qasjes së tij.

Sipas Qendrës së NASA-s për Studimet e Objekteve Afër Tokës (CNEOS), asteroidi klasifikohet si një “Asteroid potencialisht i rrezikshëm” ose PHA.
Sidoqoftë, një asteroid i klasifikuar si PHA nuk do të thotë se pritet të godasë Tokën.

Dronët inteligjentë pritet të përdoren për kontrollin e territorit në Shqipëri nga policia

Turqia do të furnizojë Shqipërinë me dronë super inteligjentë. Qeveria shqiptare do të paguajë 8 milionë euro për këtë.

Dronët do të shërbejnë për rritjen e sigurisë kombëtare në tërësi, transmeton Euronews Albania, përcjell Albinfo.ch.

Megjithatë, ende nuk dihet se kur këto dronë do të jenë në dispozicion të policisë shqiptare.

Në rishikimin e buxhetit për vitin 2021 qeveria shqiptare e cilësonte këtë projekt si prioritar, i cili do të kushtojë 8 milionë euro.

Ministri i brendshëm Bledi Çuçi ka parë nga afër disa nga modelet e mjeteve fluturuese. Këta dronë janë prodhim i kompanisë turke “Baykar Technologies”.

Sipas asaj që raporton vetë kompania turke, marrëveshje për furnizim me dronë inteligjentë ka lidhur edhe me shtete si Polonia, Ukraina, Azerbajxhani, Letonia dhe Pakistani.