Aleanca për Ardhmërinë e Kosovës është duke menduar që të organizojë protesta për të kundërshtuar shtrenjtimin e paralajmëruar të rrymës elektrike.

Pas një takimi të Kryesisë së kësaj partie, AAK-ja ka dalë me reagim duke thënë se rritja e çmimeve në këtë kohë është “e patolerueshme”.

“Përderisa veriu i vendit nuk paguan fare për energjinë, është e padrejtë rritja enorme e çmimeve për pjesën tjetër të qytetarëve, ku goditën amvisëritë dhe bizneset. Gjithashtu, Kryesia kërkoi që të shqyrtohet mundësia e organizimit të protestave për te kundërshtuar shtrenjtimin e paralajmëruar të rrymës elektrike”, thuhet në njoftim.

AAK-ja ka thënë se do të përkrahë e lobojë për miratimin e ligjit për donacionet për Ushtrinë, që kushdo që dëshiron të dhurojë mjete financiare për zhvillimin e Ushtrisë.

Të martën Qeveria njoftoi se ka vendosur të ndajë 75 milionë euro për subvencionimin e energjisë elektrike për konsumatorët biznesorë dhe ata shtëpiakë me konsum deri në 600KWh.

Zyra e Rregullatorit për Energji ka lëshuar së fundmi raportin konsultativ për shqyrtim të jashtëzakonshëm të tarifave të energjisë. Është propozuar rivendosja e bllok-tarifës deri në 600KWh për konsumatorët e amvisërisë dhe që të gjitha tarifat të ngrihen për 9 për qind për ata që konsumojnë deri në 600KWh, ndërsa për ata me më shumë shpenzime do të reflektohet çmimi i importit, që muajve të fundit ka arritur shifra rekorde.

Edhe dy partitë tjera opozitare, PDK-ja e LDK-ja të martën kanë shprehur shqetësimet për tarifat e reja të energjisë.

Asociacioni i Komunave të Kosovës, ka njoftuar se të martën, ka mbajtur takimin e Këshillit të Kryetarëve të Komunave të Republikës së Kosovës.

Në këtë takim kryetarët e Komunave kanë diskutuar lidhur me Projektligjin për Inspektimin Administrativ, problemet e Komunave me zbatimin e Kontratës kolektive në Arsim dhe Shëndetësi, problemet me mos funksionimin e Bordit të Organit Shqyrtues te Prokurimit, çështjen e Fondit Rezervë si dhe bashkëpunimin mes nivel lokal dhe atij qendror në Kosovë.

Takimin e hapi dhe e kryesoi Kryetari i Asociacionit të Komunave të Kosovës z.Imri Ahmeti i cili informoj Kryetarët e Komunave se si pushtet lokal nuk kemi qenë as të njoftuar e as të përfshirë në procesin e hartimit të Projektligjit për Inspektim Administrativ.

Kryetari Ahmeti shtoi se në këtë projektligj që prek administratën shtetërore në nivelin qendror dhe lokal ka dyfishim të institucioneve që mbulojnë këtë fushë por edhe interferim në gjashtë ligje ekzistuese si: Ligji për Zyrtarët Publik, Ligji për Procedurën e Përgjithshme Administrative, Ligji për organizimin e punës në Zyre, Ligji për organizimin e Administratës Shtetërore, Ligji mbi Arkivat Shtetërore dhe Ligji për Vulat në Institucionet e Republikën e Kosovës

Poashtu në takim kanë diskutuar edhe Kryetarët e Komunave që ishin në këtë takim, e ku njëzëri u deklaruan kundër këtij Projektligji.

Kryetarët e Komunave në fund u dakorduan me këto Konkluzione:

1. Kryetarët e Komunave kërkojnë të ndërpritet procedimi i mëtejmë i Projektligjit për Inspektimin Administrativ.
2. Asociacioni i Komunave të Kosovës kërkon të jetë partner i Qeverisë së Kosovës gjatë procesit të hartimit të akteve ligjore dhe nënligjore që prekin qeverisjen lokale.
3. Ky Projektligj ndërhyn edhe në ligjet tjera që janë në zbatim në Kosovë.
4. Vlerësohet se ky Projektligj po cenon funksionimin e demokracisë lokale në Kosovë.
5. Ky Projektligj në formën e tillë vlerësohet se ndërhyn edhe në sistemin gjyqësor e prokurorial si dhe shkel Parimet e Auditorit të Përgjithshëm të Kosovës.
6. Ky Projektligj është në kundërshtim edhe me Kartën Universale të Drejtave te Njeriut dhe Kartën Evropiane për Vetëqeverisje Lokale, thuhet në fund të këtij njoftimi.

Baza ushtarake në Bondsteel është dëshmi e përkushtimit të Shteteve të Bashkuara të Amerikës për stabilitet rajonal, ka thënë ambasadori amerikan në Kosovë, Jeffrey Hovenier, pas një takimi me gjeneralmajorin e KFOR-it, Ferenc Kajari.

Sipas Hovenierit, SHBA-ja ofron mbështetje të palëkundur dhe të vazhdueshme për KFOR-in.

“Kontributi i trupave amerikane në Bondsteel, si një ndër më të mëdhenjtë mes aleatësh, është dëshmi e përkushtimit tonë për rolin e domosdoshëm të KFOR-it për të siguruar stabilitet rajonal”, ka thënë ai në Twitter.

Ndërkaq, në njoftimin e KFOR-it, Kajari ka thënë se e ka njoftuar me situatën e sigurisë në Kosovë dhe për aktivitetet e përditshme të KFOR-it.

Sipas propozimit të Zyrës së Rregullatorit për Energji, tarifat e reja të energjisë elektrike, nëse miratohen, do të fillojnë të aplikohen nga 1 shkurti.

Sipas raportit të ZRRE’së, këto tarifa do të jenë të aplikueshme deri më 31 mars të vitit 2023.

“Në një proces të ndarë të shqyrtimit të jashtëzakonshëm, të publikuar në ueb-faqen e ZRRE-së krahas këtij raporti, ZRRE ka vlerësuar se të Hyrat Maksimale të Lejuara që mbulojnë kostot e arsyeshme të shërbimit me energji elektrike janë €446.7 milionë. Kjo pjesë e raportit konsultativ ofron propozimin e ZRRE-së për nivelin e tarifave të energjisë elektirke që do të jenë të aplikueshme për periudhën 1 shkurt 2022-31 mars 2023 për të mbluar nivelin e kostove të arsyeshme…”, thuhet në raport.

Tarifat për konsumatorët që shpenzojnë deri në 600 kWh energji elektrike do të mbeten të njejëta, derisa për ata që shpenzojnë më shumë, do të ndryshojnë.

Bazuar në propozim, tarifa për konsumatorët me 800 kWh rrymë të shpenzuar në muaj të rritet në vlerë prej 13.31 eurosh, derisa konsumatorët që shpenzojnë 1000 kWh rrymë në muaj, do të përballen me një rritje prej 24.62 euro të çmimit të rrymës.

Ndryshe, palët që dëshirojnë të shprehin mendimet e tyre për qëndrimin e ZRRE’së kanë afat që ta bëjnë këtë deri më 28 janar, në orën 18:00.

“ZRRE-ja u ofron kompanive të rregulluara dhe konsumatorëve mundësinë që të shqyrtojnë dëshmitë dhe pikëpamjet e paraqitura në këtë raport konsultativ, me të cilat ata mund të mos pajtohen, dhe të komentojnë ato duke korrigjuar një gabim faktik, duke paraqitur kundër argumente ose duke ofruar të dhëna të reja të cilat ZRRE-ja mund të mos i ketë marrë parasysh. Palët që dëshirojnë të shprehin mendimet e tyre për qëndrimin e ZRRE-së ftohen t’i dorëzojnë komentet e tyre me shkrim në adresën [email protected] jo më vonë se 28 janar 2022, deri në ora 18:00h”, thuhet në raport.

Ndonëse kemi hyrë në vitin e tretë pas tërmetit tragjik të nëntorit të vitit 2019, në bashkinë e Durrësit ka ende me mijëra familje që nuk janë rikthyer në apartamentet e tyre të dëmtuara nga lëkundjet e forta. Dhe sikur të mos mjaftojë kjo, prej disa muajsh nuk përfitojnë as bonusin e qirasë.

A2 ka vizituar disa prej këtyre familjeve, të cilat vijojnë të presin prej 26 muajsh.

Ankesat e tyre në bashki asnjëherë nuk kanë marrë një përgjigje konkrete mbi afatet që duhet të presin akoma për riparimin e apartamenteve.

Të lodhur dhe në kushte ekonomike sa vijnë e më të rënduar, këta banorë luten që sa më parë të nisë puna për riparimin e apartamenteve dhe rikthimin në banesat e tyre./A2/

Zyra e Rregullatorit për Energji (ZRRE), institucion i pavarur përgjegjës për përcaktimin e tarifave që pasqyrojnë koston për konsumatorët fundor, ka lëshuar Raportin e saj Konsultativ për Shqyrtimin e Jashtëzakonshëm të Tarifave të Energjisë Elektrike.

Ministria e ekonomisë ka njoftuar se ka ndarë 75 milionë euro subvencionim për energjinë elektrike.

“ZRRE-ja ka propozuar rivendosjen e bllok tarifës deri në 600 KWh për konsumatorët e amvisërisë, si dhe që tarifat e energjisë elektrike të ngritën për 9% për të gjithë konsumatorët komercial dhe konsumatorët e amvisërisë që konsumojnë deri në 600 KWh, ndërsa tarifat për konsumin e amvisërisë mbi 600 KWh do të reflektonin çmimin e importit.Duke marrë parasysh situatën e jashtëzakonshme dhe të paprecedentë në tregjet evropiane të energjisë elektrike që ka ndikuar edhe Kosovën, Qeveria e Republikës së Kosovës me kërkesë të Ministrisë së Ekonomisë është zotuar të subvencionojë qytetarët e bizneset e Kosovës, duke i mbrojtur kështu nga rritja e tarifave. Subvencionet paraqesin të ardhura për sektorin që nuk është e nevojshme të mbulohen nga tarifat e energjisë elektrike dhe rrjedhimisht, zbusin rritjen e tarifës së energjisë elektrike.”, thuhet në njoftimin për media të ministrisë.

Gjatë kësaj kohe të jashtëzakonshme, qëllimi primar i subvencionit të ndarë nga Qeveria e Kosovës është për të mbrojtur veçanërisht konsumatorët e ndjeshëm nga ndikimi i çmimeve më të larta të energjisë elektrike.

Zëdhënësi i KEDS-it, Viktor Buzhala ka thënëse janë 69 përqind e konsumatorëve që nuk e kalojnë asnjë muaj gjatë vitit shifrën e 600 kWh.

Buzhala përmes një postimi në Facebook, ka shkruar se gati 80 përqind e konsumatorëve nuk e kalojnë këtë shifër gjatë muajve të verës, teksa shtoi se edhe ata që e kalojnë për 600 kWh të parë paguajnë më lirë.

“Jane 69 per qind e konsumatoreve qe nuk e kalojne asnje muaj gjate vitit shifren e 600 kWh. Gati 80 per qind e konsumatoreve nuk e kalojne kete shifer gjate muajve te veres. Ndersa, edhe ata qe e kalojne per 600 këh te pare paguajne me lire, pra njejte per kete pjese shpenzimit”, ka shkruar Buzhala.