Kryetari i Shoqatës së Gastronomëve të Kosovës, Petrit Kllokoqi ka pyetur Qeverinë Kurti se kush e ka fajin tash për rritjen enorme të rasteve me virusin korona.
Në një postim në Facebook, Kllokoqi ka thënë se me keqardhje po e shohim situatën me numrin e rritjeve të rasteve edhe në vendin tonë.

“Sa here kemi pas rritje te tille, gjithmonë gishti osht drejtu te dasmat, organizimet, klubet dhe gastronomia ne pergjithesi. Po tash qe dasmat e klubet nuk kane punu dhe gastronomia ka funksionu me kufizime e masa nga me te rreptat ne rajon dhe cdo dite shumica e bareve jane denu, a thu KUSH I KA FAJET?”, ka shkruar ai.

Tutje ai ka ftuar Qeverinë që të ndalet dhe të mendoj pak para se te merrni vendime e masa te reja.

“Diskutoni me njohes te fushave te ndryshme. Merrni shembull vendet e ndryshme ne rajon e gjithandej botes. Nuk eshte ne rregull qe kufijte te jene te hapur per te pa vaksinuarit, te mos kete dallime ne mes te biznesve qe jane te fizkalizuara dhe atyre qe funksionojne ne menyre informale, te mos kete dallime mes te vaksinarve dhe ta pavaksinuarve dhe ne fund gjithmone te jete kurban gastronomia”, ka shkruar Kllokoqi.

Ndryshe dje nga 9.194 testime, 2.050 qytetarë kanë rezultuar pozitiv me virusin COVID-19.

Ministrja e Ekonomisë, Artane Rizvanolli ka reaguar ndaj deklaratave të opozitës sot në Kuvend, ku u morr si referencë çmimi për 21 cent dhe krahasimi me Italinë.

Rizvanolli theksoi se në Kuvend u thanë shumë të pavërteta për tarifat e energjisë të propozuara nga ZRRE-ja.

“Për hir të opinionit publik dua të përmirësoj këto të pavërteta: Në fakt, tarifa (mesatare) për konsumatorët shtëpiakë mbetet më e ulëta në Evropë, me përjashtim të Ukrainës, edhe nëse rritet tarifa në përputhje me propozimin e ZRrE dhe subvencionin e Qeverisë”, ka shkruar Rizvanolli në Facebook.

Postimi i plotë:

Sot në Kuvend u thanë shumë të paverteta rreth tarifave të energjisë të propozuara nga ZRrE dhe të subvencionuara nga Qeveria e Republikës së Kosovës.

Një nga më të rëndat ishin deklaratat e disa deputetëve të opozitës se çmimi i energjisë po bëhet 21 cent/kËh, ngjashëm me vendet si Italia.

Për hir të opinionit publik dua të përmirësoj këto të pavërteta:

Në fakt, tarifa (mesatare) për konsumatorët shtëpiakë mbetet më e ulëta në Evropë, me përjashtim të Ukrainës, edhe nëse rritet tarifa në përputhje me propozimin e ZRrE dhe subvencionin e Qeverisë. /Telegrafi/

Kryediplomatja kosovare, Donika Gërvalla-Schwarz, po qëndron nga dje për një vizitë zyrtare në Greqi. Gërvalla do të takohet sot në Athinë me homologun grek, Nikos Dendias.

Kjo vizitë e Gërvallës në shtetin helen pason vizitën që Dendias e kishte realizuar në Kosovë gjatë qershorit të vitit 2021. Të dy kryediplomatët do të dalin me deklarata për mediat rreth orës 13 e 30, pas bisedave që do të kenë.

Siç bëhet e ditur nga Athina, Gërvalla e Dendias do të flasin për bashkëpunimin ekonomik në mes të Prishtinës dhe Athinës, tregtinë dhe kulturën. Gjithashtu në këtë takim do të flitet për çështjet rajonale, përfshirë perspektivën evropiane të Ballkanit Perëndimor dhe gjithashtu për dialogun në mes të Prishtinës dhe Beogradit.

Lidhur me këtë vizitë informacione kanë dhënë edhe nga zyra për media e Ministrisë së Punëve të Jashtme. Siç kanë bërë me dije dje nga MPJ, fokus i kësaj vizite do të jetë thellimi i raporteve ndërshtetërore mes Kosovës dhe Greqisë.

“Fokus i kësaj vizite është thellimi i marrëdhënieve bilaterale mes të dy shteteve.Ministrja Gërvalla gjatë qëndrimit në Greqi do të zhvillojë takime edhe me diplomatë dhe me komunitetin e biznesit për të inkurajuar avancimin e marrëdhënieve ekonomike dhe për të promovuar ofertën kosovare për investitorët e huaj.Ministrja Gërvalla gjithashtu do të ketë në fokus gjatë takimeve të saja forcimin e bashkëpunimit ndërinstitucional në fushën e arsimit, kulturës, por edhe në fusha të tjera që janë të rëndësishme për të dyja vendet”, thuhet në njoftimin e MPJ-së.

Kjo vizitë e ministres Gërvalla në Greqi vjen pas shumë zhvillimeve që kanë lënë të kuptohet se Athina zyrtare po shkon drejt njohjes së pavarësisë së Republikës së Kosovës.

Se njohja e Kosovës nga Greqia është jetike, thuhet edhe në raportin e publikuar para dy ditësh nga disa autorë të huaj. Siç thuhet në këtë raport, SHBA-ja duhet të angazhohet për të nxitur Greqinë për ta njohur Kosovën.