Një 59-vjeçar me iniciale K.K. ka rënë nga lartësia teksa po punonte në rrugën “Gjergj Legisi” në kryeqytet, duke ndërruar jetë.

Policia bën me dije se ngjarja ka ndodhur rreth orës 13:00 të mesditës së sotme. Tashmë grupi hetimor ndodhet në vendin e ngjarjes dhe po punon për të hetuar rrethanat e saj.

“Më datë 22.01.2022, rreth orës 13:00, në rrugën “Gjergj Legisi”, dyshohet se aksidentalisht ka rënë nga lartësia ku ishte duke punuar dhe për pasojë ka ndërruar jetë shtetasi K. K, 59 vjeç.

Grupi hetimor ndodhet në vendngjarje dhe po punon për sqarimin e rrethanave të ngjarjes”, thuhet në njoftimin e policisë.

Kryetari i Odës Ekonomike në Kosovë (OEK), Berat Rukiqi ka thënë se ekziston mundësia që deri në fund të vitit 2022 të ketë mungesë të fuqisë punëtore në shumë sektorë.

Day Travel
Megjithatë Rukiqi tha se sipas parashikimeve të Bankës Botërore rritja ekonomike këtë vit do të jetë 4.5%.

“Ka shenja të mungesës së shfaqjes së fuqisë punëtore dhe nëse vazhdon ky trend pritjet janë që deri në fund të vitit 2022 të ketë mungesë të dukshme të fuqisë punëtore në shumë sektorë”.

“Nëse shohim parashikimet e Bankës Botërore të Fondit Monetar Ndërkombëtar dhe nëse i shohim vlerësimet për gjendjen ekonomike në rajon dhe në qoftëse bazohemi me trendët e viteve të kaluara presim të kthehemi në mesataren që kemi qenë diku rreth 4.5%”, tha Rukiqi për EO.

Ndërsa, ish-kryetari i Odës Ekonomike të Kosovës (OEK) Safet Gërxhaliu shtoi se ngritja e çmimit të energjisë elektrike është e paevitueshme dhe mund të qojë deri në largimin e të rinjve jashtë vendit.

Gërxhaliu theksoi se sfidat kryesore që do të ballafaqohet sektori privat në të ardhmen do të jetë mungesa e fuqisë punëtore.

Prandaj thotë ai duhet të ketë rritje të pagave në sektorin privat sepse nëse kemi rritje të çmimeve dhe këtë inflacion të rinjtë po kërkojnë rrugë për të dalë jashtë Kosovës.

“Nëse vazhdohet me këtë trend dhe nëse miratohet kërkesa për ngritjen e çmimit të energjisë elektrike që është vërtetë e paevitueshme definitivisht krizë do të thellohet. Por në këtë drejtim Qeveria duhet të ketë masa adekuate apo një qasje më aktive në politikën sociale”.

“Duhet të ketë target familjen skamnore dhe të kontribuojë që qytetarët e Kosovë të shijojnë dorën e zgjatur të shtetit në këtë kohë pandemie ekonomike dhe sociale. Është krijuar një trend i cili vërtetë e ka kapluar Kosovën dhe vendet e rajonit ku ikja nga vendi është duke u kalkuluar si shpëtimi i vetëm. Në këtë drejtim Kosova është në një rrugë shumë të shqetësuar sa i përket migrimit sepse sot interesi kryesor i të rinjve është që të dilet jashtë vendit”.

“Evropa nuk është ajo që ka qenë përpara prandaj duhet kampanja vetëdijësuese që të krijohet një opinion të qëndrohet këtu. Duhet të ketë rritje të pagave në sektorin privat sepse nëse kemi këtë rritje të çmimeve dhe këtë inflacion dhe pagat janë në nivelin e njëjtë atëherë është një qasje demotivuese që të rinjtë po kërkojnë rrugë për të dalë jashtë Kosovës. Shqetësuese që një ndër sfidat kryesore që do të ballafaqohet sektori privat në të ardhmen do të jetë fuqia punëtore”, tha Gërxhaliu.

Kreu i AAK-së, Ramush Haradinaj ka reaguar për importimin e produkteve nga Serbia.

Haradinaj ka shkruar se në Qeverinë Kurti shifra e mallrave të importuara nga Serbia ka arritur në mbi 300 milionë euro, e që sipas tij kjo është pushtim i tregut të Kosovës me produkte të Serbisë.

Po ashtu, Haradinaj reciprocitetin e Kurtit e cilësoi si mashtrues.

Postimi i plotë:

O Popull, shpenzojeni një minutë për të parë çka është reciprociteti i Albin Kurtit. Në qeverinë time Serbia mundi që për një vit t’i shesë 4 milionë euro produkte të vetat edhe atë duke paguar taksë 100%! Në qeverinë e Kurtit kjo shifër vetëm për vitin 2021 ka mbërritur në mbi 300 milionë! Sot produktet e Serbisë e kanë pushtuar tregun e Kosovës. Ky është reciprociteti mashtrues i Albin Kurtit!

Qeveria e Kosovës planifikon që gjatë këtij viti të dorëzojë edhe kërkesën formale për anëtarësim në Bashkimin Evropian. Këtë e kishte thënë në fund të vitit të shkuar kryeministri Albin Kurti, ndërsa e ka përsëritur së fundi edhe zëvendëskryeministri i parë, Besnik Bislimi, në një postim në Twitter pas takimit me shefat e përfaqësive të vendeve të BE-së në Prishtinë.

Nuk është hera e parë që nga autoritetet e Kosovës paralajmërohet aplikimi për anëtarësim në BE, por Kosova nuk e ka bërë asnjëherë deri më tash këtë hap.

Kjo, sipas burimeve diplomatike, për shkak të “këshillave të miqve”, të cilët kanë tërhequr vërejtjen se një kërkesë e tillë nuk do të kishte gjasa të kalonte në Këshill për shkak se Kosova nuk është njohur nga të gjitha shtetet anëtare të BE-së e procesi i zgjerimit, në secilin hap, është proces ku vendimet merren me konsensusin e të gjitha vendeve anëtare.

Kështu, Kosova vazhdon të mbetet i vetmi shtet i rajonit të Ballkanit Perëndimor që nuk ka kërkuar formalisht anëtarësim në BE, ndërkohë që BE-ja përsërit se “Kosova ka perspektivë evropiane”.