Përmes një shkrimi në rrjetin e tij social Facebook, ai ka kritikuar SBASHK’un, derisa ka thënë se stafi akademik i universiteteve publike nuk i justifikon titujt akademik.

” 76% e nxënësve nuk dinë të lexojnë, të tretët nga fundi në PISA 2018 (79 vende pjesëmarrëse). SBAShK thotë se PISA na ka bo me hile, se metodologjia e PISA-s nuk është kompatibile me metodat tona të mesimdhënies, në ndërkohë e vetjma gjë kompatibile për ta, është rritja e pagave”, ka shkruar ai

Shkrimi i tij i plotë:

Në ditën ndërkombëtare të arsimit në Kosovë:

76% e nxënësve nuk dinë të lexojnë, të tretët nga fundi në PISA 2018 (79 vende pjesëmarrëse).

SBAShK thotë se PISA na ka bo me hile, se metodologjia e PISA-s nuk është kompatibile me metodat tona të mesimdhënies, në ndërkohë e vetjma gjë kompatibile për ta, është rritja e pagave.

Stafi akademik i universiteteve publike, nga 44% Prishtina deri te 65 % Prizreni e Gjilani, NUK i justifikojnë titujt akademik.

Shumica e universiteteve publike shpenzojnë mbi 50% të buxhetit për paga dhe mëditje të stafit akademik, me 75 % Mitrovica dhe 53 % Ferizaji.

Profesorët plagjiatorë vazhdojnë me “iluminu” rinën me shkencë.

Mbi 20,000 diploma të pavlefshme për shkak të dallavereve të kolegjeve private.

Sipas Agjensisë së Statistikave numri i studentëve në vend është 95,335, sa prej tyre do gjejnë punë?! Sa prej tyre angazhohen për me ndryshu këtë gjendje?!

Kryetarët e komunave të Kosovës kanë kërkuar të ndërpritet procedimi i mëtejmë i Projektligjit për Inspektimin Administrativ.

Këtë e ka bërë të ditur kryetari i Asociacionit të Komunave të Kosovës, Sazan Ibrahimi.

Ai ka thënë se kundërshtimi është bërë njëzëri, përveç atyre që i takojnë Lëvizjes Vetëvendosje.Madje, konsiderojnë se ky projektligj po hartohet me qëllim që të frikësohen shërbyesit civilë, teksa shton se është në kundërshtim edhe me Kartën Universale të Drejtave te Njeriut dhe Kartën Evropiane për Vetëqeverisje Lokale.

“Asociacioni i Komunave të Kosovës ka mbajtur takimin e Këshillit të Kryetarëve të Komunave të Republikës së Kosovës. Në këtë takim Kryetarët e Komunave prezent kanë diskutuar lidhur me Projektligjin për Inspektimin dhe u dakorduan, përveç përfaqësuesit nga Podujeva që të ndërpritet procedimi i mëtejmë i Projektligjit për Inspektimin Administrativ”, tha ai për EO.

“Kryetarët e Komunave se si pushtet lokal nuk kemi qenë as të njoftuar e as të përfshirë në procesin e hartimit të Projektligjit për Inspektim Administrativ. Kryetarët e komunave kërkojnë nga Qeveria e Kosovës partneritet në hartimin e projektligjeve që prekin pushtetin lokal. Ky projektligj që prek administratën shtetërore në nivelin qendror dhe lokal ka dyfishim të institucioneve që prekin këtë fushë. Përveç përfaqësuesit nga komuna e Podujevës, Kryetarët e Komunave ishin, njëzëri kundër procedimit të këtij projektligji”, u shpreh Ibrahimi.

Kryetari i Komunës së Podujevës, Shpejtim Bulliqi, e ka zyrtarizuar koalicionin qeverisës me PDK-në. Nëpërmjet një postimi në Facebook, ai ka njoftuar se kanë mbajtur takimin në parë të Bordit të drejtorëve, në mesin e të cilëve dy shihet që janë nga radhët e PDK-së, si Fatmir Rudari (ish-shef i Grupit të këshilltarëve të PDK-së në mandatin e kaluar dhe Antoneta Ejupi.

“Sot kemi mbajtur takimin e parë të Bordit të Drejtorëve, në të cilin kemi folur për punët e mëdha, projektet dhe detyrat që i kemi para vetës. Zotimet që i kemi dhënë para qytetarëve, do të jenë edhe puna e përditshme e jona. Si qeverisje lokale do t’ju qëndrojmë pranë atyre që kanë më së shumti nevojë, do të jemi të hapur, bashkëpunues e transparent me qytetarët, shoqërinë civile e mediat”, ka shkruar Bulliqi.

Policia e Kosovës ka arrestuar një person në Gjakovë, pasi që i njëjti kishte keqtrajtuar fizikisht vëllain e tij.

Rasti ka ndodhur dje rreth orës 14:00, njofton policia përmes raportit 24 orësh.

“Është arrestuar i dyshuari mashkull kosovar pasi i njëjti ka keqtrajtuar fizikisht vëllain e tij mashkull kosovar. Viktima ka marrë tretman të nevojshëm mjekësor ndërsa i dyshuari me urdhër të prokurorit është dërguar në mbajtje”, thuhet në raport.