Deputeti i Kuvendit të Kosovës nga radhët e PDK-së, Xhavit Haliti, është përballur me një situatë të pakëndshme në Kuvendin e Kosovës, e ky moment është kapur nga fotografët.

Deputetit Haliti i janë grisur pantallonat dhe duket se në momentin kur është fotografuar, ai nuk ka qenë në dijeni për këtë.

Gjykata Themelore në Prizren në një komunikatë për media ka njoftuar se, Departamenti i Përgjithshëm gjyqtari i procedurës– Fatmir Krasniqi, ka caktuar masën e paraburgimit në kohëzgjatje tridhjetë (30) ditë, e cila do të llogaritet prej kohës së arrestimit 21.01.2022 dhe mund të zgjasë deri më datën 21.02.2022, ndaj të pandehurit F.H., për shkak të dyshimit të bazuar…

Prizren, 23 janar 2022 – Gjykata Themelore në Prizren, Departamenti i Përgjithshëm gjyqtari i procedurës– Fatmir Krasniqi, ka caktuar masën e paraburgimit në kohëzgjatje tridhjetë (30) ditë, e cila do të llogaritet prej kohës së arrestimit 21.01.2022 dhe mund të zgjasë deri më datën 21.02.2022, ndaj të pandehurit F.H., për shkak të dyshimit të bazuar se ka kryer veprën penale kanosja, nga neni 181 par. 3 lidhur me par. 2 të Kodit Penal të Kosovës.

Gjykata me rastin e caktimit të paraburgimit ndaj të pandehurit F.H., avlerësuar se ekzistojnë arsyet ligjore për caktimin e masës së paraburgimit, dhe nga provat e mbledhura deri në këtë fazë, rrjedh dyshimi i bazuar:

– Më datë 21 janar, në orët e mesditës në Prizren, seriozisht e kanos personin zyrtar, i cili ishte në detyrë zyrtare, se do ta privojë nga jeta të dëmtuarin – punëtorin e gjykatës, në atë mënyrë që derisa i dëmtuari ishte në orar të punës në pozitën e dorëzuesit të postës së gjykatës, e takon të pandehurin të cilin e njofton zyrtarisht se djali i tij duhet të paraqitet në gjykatë, për të cilin ka një ftesë, të cilën ftesë ia ofron të pandehurit, mirëpo ky i fundit i revoltuar, fillimisht tenton t’i vërsulet fizikisht, pastaj e ofendon me fjalë fyese dhe pastaj, i drejtohet të dëmtuarit me fjalët kanosëse “kam me ju vra edhe ty edhe gjyqtarët nëse bjen kësi letra”, me ç ’rast të dëmtuarit i shkakton frikë, ankth dhe pasiguri,

Kurse a do të argumentohen këto fakte do të vlerësohet në fazat e mëtejme të procedurës penale.

Me rastin e caktimit të paraburgimit, Gjykata ka marrë mënyrën dhe rrethanat në të cilat është kryer vepra penale, ku i pandehuri dyshohet se ka kryer formën më të rëndë të kualifikuar pasi që ka kanosur personin zyrtar, gjatë ushtrimit të detyrës zyrtare dhe lidhur me ushtrimin e detyrës zyrtare duke e kanosur me jetë të dëmtuarin.

Nga të lartcekurat, Gjykata ka ardhur në përfundim se caktimi i paraburgimit është i arsyeshëm dhe i domosdoshëm, pasi që ka vlerësuar edhe karakteristikat personale të të pandehurit i cili sipas të dhënave lidhur me të kaluarën kriminale, rezulton se i njëjti është i përfshirë si kryerës i veprave të ndryshme penale, këto arsyetojnë dyshimin e bazuar se me qëndrimin e të pandehurit në liri, i njëjti mund të përfundoj veprën e kanosur penale, të përsërisë veprën penale të natyrës së njëjtë apo të kryej ndonjë vepër tjetër penale të natyrës edhe më të rëndë.

Shënim: Kundër këtij vendimi, pala e pakënaqur ka të drejtë ankese, në Gjykatën e Apelit, ankesa kundër këtij aktvendimi nuk e shtynë ekzekutimin e tij.

Kryeministri i Kosovës, Albin Kurti ka thënë se gjysma e dytë e vitit që lam pas u karaktezua me një rritje të çmimeve të energjisë elektrike që u ndikuan nga kërkesat për gaz në Azi.

Sipas tij, aq lirë ka qenë çmimi i energjisë, saqë qytetarët nuk e kanë ditur sa po paguajnë

“Kurrë nuk ka pasur numër më të madh të qytetarëve të Republikës së Kosovës sesa në këto katër vitet e fundit që nuk e dinë se sa paguajnë për energji elektrike. Aq lirë ka qenë, sa që nuk e kanë ditur as sa paguajnë”, tha Kurti.

Sipas, Kurtit si shtet importues edhe Kosova është ndikuar nga rritja e çmimeve.

“As në gusht e as në tetor e as në nëntor nuk ka mundur të parashihet që në dhjetor bëhet 515 euro një megavt orë energji. Kjo ka ndikuar nga ndryshimet e strukturës tarifore. Kurrë nuk ka pasur numër më të madh të qytetarëve që nuk e dijnë sa paguajnë për energji elektrike. Ka ndodhur pra rritja e çmimit të energjisë e që është problem edhe për neve që jemi vend importues i energjisë”, ka thënë ai, raporton FrontOnline.

Kurti, ka deklaruar se gishti për situatën me energji nuk mund të drejtohet nga Qeveria e tyre.

“Në një treg të rregulluar janë vetëm tri opsione për të kaluar nga kriza, reduktimi përmes çkyqjeve të nga rrjeti energjetik, mbulimi nga shteti përmes subvencioneve, dhe rritja e çmimit. Sikur tregu të mos ishte i rregulluar vet operatori do ti kishte shumëfishuar çmimet që nga muaji gusht e shtator e pastaj do të ishte në duar të konsumatorëve a duan import apo jo. Të thuhet që ne kemi votuar për këtë Qeveri e nuk duam të konsumojmë energji me çmim astronomik e nuk duam të kemi reduktime, nuk duhet të paguajmë e Kurti të gjej zgjidhje është njësoj sikur të kërkohej nga unë që të mbahet 24 orë dita e të mos bie nata”, ka shtuar ai.

Ai ka thënë se i falënderon të gjithë ata që po japin ide të reja, por thotë se këto kanë qenë ide të tyre që në vitin 2013.

“Pra edhe riparimi i termocentraleve ekzistuese, edhe ndërtimi i blloqeve të reja është propozuar nga ne në vitin 2013”, ka shtuar kryeministri Kurti./FrontOnline

Tre persona janë shoqëruar në polici në Malishevë, të cilëve u janë sekuestruar dy armë.

Kështu ka bërë të ditur sot për Telegrafin zëdhënësi i policisë për rajonin e Gjakovës, Nysret Xhurkaj i cili ka informuar se lidhur me rastin është njoftuar prokurori kujdestar dhe me urdhër të tij, të dyshuarit pas intervistimit janë liruar.

“Datë 23.01.2022 rreth orës:17:00, derisa patrulla policore ka qenë në pikë kontrolli në rrugën ‘Skënderbeu’ në Malishevë ka ndalur një automjet në të cilin kishin qene tre persona, ku pas kontrollit për siguri, policët kanë vërejt se në brendi të automjetit kanë dy armë zjarri. Në verifikim del se armët te cilat i kanë hasur ishin pa leje përkatëse mbi bartjen dhe mbajtjen e tyre. Armët ishin: – Një pushke gjuetie MAGNUM Churchill dhe – Një revole ZORAKI cal.7.65 me karikator dhe me një fishek”, ka bërë të ditur Xhurkaj.

Sipas tij, të dyshuarit kanë pohuar se armët i përkasin vozitësit të automjetit dhe se të tre i kanë përdorur duke gjuajtur me to në pyll. /Telegrafi/