Një aksident i rëndë trafiku ka ndodhur pak më parë në dalje të Prishtinës.

Saktësisht një kamion është vetaksidentuar në afërsi të Komoranit.

Kamioni është vetaksidentuar, teksa është parë të ketë dalur tërësisht nga rruga.Nuk dihet nëse si pasojë e këtij aksidenti pati të lënduar.

Front Online është duke pritur përgjigje nga Policia e Kosovës për të kuptuar më shumë detaje rreth këtij rasti.

Përfaqësuesin Special i Shteteve të Bashkuara për Ballkanin Perëndimor, Gabriel Escobar, dhe i dërguari posaçëm i Bashkimit Evropian për dialogun Kosovë-Serbi, Miroslav Lajçak, sot janë duke qëndruar në Kosovë për ditën e dytë me radhë.

Ata pritet të takohen me përfaqësues të partive të opozitës, të Partisë Demokratike të Kosovës dhe të Lidhjes Demokratike të Kosovës.

Escobar dhe Lajçak, gjatë ditës së djeshme, janë të takuar me presidenten Vjosa Osmani dhe me kryeministrin Albin Kurtin.

Kryetari i Këshillit Kombëtar Shqiptar në Luginën e Preshevës, Ragmi Mustafi, deklaroi sot se pa trajtimin e çështjes së shqiptarëve të Luginës nuk do të mund të ketë marrëveshje përfundimtare ndërmjet Kosovës dhe Serbisë.

Ai ka thënë se vizitën e përbashkët të Mirsolav Lajçak dhe Gabriel Escobar në Kosovë e sheh si presion për përcaktimin e agjendës së dialogut.

“Shqiptarët e Luginës së Preshevës që në vitin 2006 në platformën e përbashkët politike, në njërën nga pikat e saj theksojnë se duan që të kenë reciprocitet në kuptimin e të drejtave me serbët që jetojnë në Kosovë. Por këtë sot e shoh të pamundshme për t’u arritur për disa arsye. Vizitën e Lajçak dhe Escobar e shoh si një presion të shtuar të përcaktimit të një agjende, përkatësisht temave që duhet të trajtohen në të ardhmen.”

“Por, nuk e shoh që mund të arrihet kaq shpejt ndonjë zgjidhje për asociacionin sepse në Serbi ka zgjedhje më 3 prill dhe në rast se ka vazhdim në këtë temë kjo nënkupton që ose duhet t’i sigurohet Vuçiqit që të arrijë një sukses të caktuar e që ta promovojë si një arritje të madhe në Serbi, e që nuk besoj se institucionet e Kosovës janë në gjendje që kaq shpejtë ta krijojnë Asociacionin dhe tjetra që është shumë e rëndësishme që nuk mund të arrihet një marrëveshje përfundimtare ndërmjet Kosovës dhe Serbisë pa e trajtuar edhe çështjen e Luginës së Preshevës”, ka theksuar Mustafi për televizionin publik të Kosovës.

Sipas tij çështja e shqiptarëve të Luginës është e patejkalueshme pasi pozita e tyre është peng i marrëveshjes ndërmjet Kosovës dhe Serbisë.

Ai ka thënë se nëse shihet niveli i të drejtave që gëzojnë serbët në Kosovë është i pakrahasueshme me atë se çfarë gëzojnë shqiptarët në Luginën e Preshevës./GazetaSinjali/

KEDS ka njoftuar për punimet në rrjet të cilat do të kryhen gjatë ditës së sotme dhe të mërkurës.

Për shkak të punimeve do të ketë edhe ndërprerje të energjisë elektrike.

Njoftimet nga KEDS për punimet në rrjet:

01.02.2022

Punime të domosdoshme për siguri të sistemit

Prizren

1.

Nga NS 110/35/10kV Therandë do të ndërprehet:

LP 10kV Shiroka (kodi: 32000005) nga ora 14:00 deri 15:00

Vendet: Pjesët periferike të Therandës (rr.Reçani); Banesat e Benafit, Banesat e Inxhinieringut, Banesat te Viva, lagjja Hoxha I dhe II.

Arsyeja: Ndërrimi i transformatorëve mates rrymor në nënstacion sipas rekomandimit të pranimeve teknike, sipas pëlqimit elektro-energjetik.