Avokati i Popullit kërkon nga Qeveria e Kosovës që të ndryshojnë disa nga masat e vendosura për menaxhimin e COVID-19.

Një ndër këto masa është ajo e orarit të lëvizjes dhe ajo për të hyrë në Kosovë.

“Avokati i Popullit përmes këtij opinioni shpreh qëndrimin e tij se Qeveria duhet të rishqyrtojë masën e kufizimit të qarkullimit nga ora 22:00 deri në orën 5:00, duke precizuar se në vend të kësaj do të ishte më e dobishme që të fuqizoheshin mekanizmat e kontrollit sanitar dhe inspektoratet, në mënyrë që të ushtrohen kontrolle më të shpeshta për të vlerësuar nëse janë duke u zbatuar masat e përgjithshme, tanimë të njohura”.

“Ky opinion po ashtu thekson se praktikat e vendeve të rajonit tregojnë se asnjëra prej tyre nuk kërkon nga qytetarët që hyjnë në territoret e tyre t’i kenë tri doza të vaksinës. Tutje opinioni gjen se pjesa më e madhe e shteteve, që nga fillimi i pandemisë, në hyrje-dalje të kufijve të tyre i kanë pranuar testet “antigen”, të cilat janë më të shpejta dhe më të përballueshme për xhepin e qytetarëve. Ndërsa në pikat kufitare të Kosovës, qytetarëve u kërkohet testi RT-PCR, i cili është dyfish më i shtrenjtë dhe merr më shumë kohë për t’u përpunuar në laborator”, thuhet në njoftimin e Avokatit të Popullit.

Zyra për Informim në kuadër të Drejtorisë Rajonale të Policisë ne Prizren njofton se përpos  punës dhe angazhimeve të vazhdueshme në ruajtjen e rendit publik dhe parandalimin e veprave penale, Stacioni Policor në Suharekë është duke realizuar edhe ekzekutimin e urdhëresave të lëshuara nga gjykata.

Një urdhëresë e tilla është realizuar me datë 31.01.2022, ku rreth orës  09:40,  në Suharekë është arrestuar dyshuari Y.G., 35 vjeçar, shtetas i Republikës së Kosovës, ndaj të cilit Gjykata Themelore në Prizren/Dega ne Suharekë, kishte lëshuar urdhëresat PED.nr.16/2021, për veprën penale ,,Vjedhje e Rendë ”.

Sot me 01.02.2022, rreth orës  10:00,  në Suharekë është arrestuar dyshuari D.G., 32 vjeçar, shtetas i Republikës së Kosovës, ndaj të cilit Gjykata Themelore në Prizren/Dega ne Suharekë, kishte lëshuar urdhëresat PED.nr.172021, për veprën penale ,,Vjedhje ”.

Pas arrestimit dhe përfundimit të procedurave policore, sipas urdhëresës së gjykatës, të njëjti janë dërguar në vuajtje të dënimit në kohë zgjatje prej dy viteve, thuhet në komunikatën e Drejtorisë Rajonale të Policisë ne Prizren.

Kryetari i Prizrenit, Shaqir Totaj, priti në takim ambasadorin e Turqisë në Kosovë, Çagri Sakar.

Gjatë takimit u bisedua për bashkëpunim dhe investime të planifikuara të investitorëve turq në Prizren.

Njoftimi i plotë:

Ishte kënaqësi e veçantë të prisja në takim Shkëlqësinë e tij, Ambasadorin e Turqisë, Z. Çagri Sakar me bashkëpunëtorë.

Biseduam për bashkëpunimet në vazhdim dhe për investimet e planifikuara të investitorëve turq në vendin tonë. E sigurova ambasadorin se do të ketë mbështetje institucionale dhe përkrahjen time si Kryetar për ti bërë të realizueshme investimet që janë në interes të dy popujve dhe thellimit të bashkëpunimit të Komunës së Prizrenit me Ambasadën e Turqisë.

Turqia është shtet mik i Kosovës, aleat i yni dhe mbështetëse e rrugëtimit tonë për shtetndërtim, prandaj bashkëpunimi do të jetë në axhendën tonë të qeverisjes lokale.

Edhe pse Golf II konsiderohet si veturë e vjetër, ajo vazhdon të mbetet shumë e dashur për shumë banorë. Egzistojnë shumë arsye pse kjo vetur vazhdon të ketë çmim të konsiderueshëm në treg.

Ky lloj i makinës është pothuajse prezent në çdo rrugë të Kosovës por në fshatin Blaç të të komunës së Dragashit pothuajse shumica e banorëve të këtij lokaliteti ka një vetur të tillë. Shumica e banorëve thonë se është e vetmja makin e cila nuk të lënë në rrugë gjatë stinës së dimrit.

Fotografia është e realizuar gjatë ditës së sotme në fshatin Blaç komuna e Dragashit!