Me fshatrat dhe traditat e kuksianëve ndihesh veç shqiptar/ Pse të gjitha rrugët të çojnë aty?

By

-

February 3, 2022

Ky udhëtim nis ndryshe. Gjithëpërfshirës në gjendje dhe po aq në liri. Mendja e njeriut ka nevojë të mendojë lirisht dhe të punojë lirisht dhe një motiv të madh, për ta rritur dhe ushqyer këtë proces është natyra e vendit tonë.

Kjo natyrë në Shqipëri, vjen tek ne si poezia më e bukur e fjalëve dhe ajo e Kukësit si muzika më e bukur. Do të udhëtojmë nëpër Drin sot, do të ngjitemi në Bjeshkët e Bushtricës dhe do të flasim për njerëz që kanë lënë ndikimin e tyre nëpër kohë, nga fshati që lindën, Domaj. Është interesante historia e këtyre viseve.

Histori e heroikës dhe e dramës, është ajo e Lumës. Heroikën e la siç vetëm në një letër drejtuar Atdheut, Muharrem Bajraktari. E njihni? E la si një shenjë, prej ku sakrifikoi jo pak e tija jetë dhe të drejtat që u përpoq të linte pas, në një trashëgimi brezash ndër shqiptarë. Një sakrificë e nacionalizmit shqiptar, do e quajnë banorët që takuam në Kukës.

I referohemi atyre që ishin kundra regjimit, duke kontribuar brenda një arsyetimi pafundësisht të thellë dhe tmerrësisht të komplikuar duke vënë në rrezik dhe jetët e njerëzve të tyre. Familjen. Si ajo që iu shua Bajraktarit nga Domaj. Pak e dinë se sa e rëndësishme është figura e tij. E sulmuar, anatemuar në formën më bizantine dhe jo pak e rrudhur. Vrasim pak mendjen? Pse një figurë e një rëndësie të tillë, ka mbetur e pa studiuar në Shqipëri, ndërsa ka shkëlqimin e Mid’hat Frashërit në jug? Një figurë e tillë, na lejoni t’u kujtojmë se merr të njëjtat përmasa në veri. Ilnisa Agolli, e mbyll ciklin “Fshatrat e Shqipërisë” me një udhë ku nuk mungojnë fakte interesante.

Një ditë shumë e bukur kjo, e cila të kujton se asgjë nuk është rastësi. Nuk është rastësi, që emrat më të mëdhenj shqiptar u lidhën me këtë vend. Nuk është rastësi që nëse rrugët nëpër botë të çojnë në Romë, në Shqipëri të çojnë në Kukës. Nuk është rastësi që nga Rreshpja i pavdekshëm ( i cili la testamentin e parë me gojë, zgjedh Kukësin) apo Picasso shqiptar, Ibrahim Kodra i cili pas dy javëve kaluar këtu më 27 prill të vitit ‘39, kur e pyet Vath Koreshi gjatë një interviste në vitin 1993 thotë: “Kam dëshirë përpara se të vdes të shkoj dhe një herë në Kukës.

Sot ky udhëtim fillon nga Drini, për të shkuar drejt Bjeshkëve të Bushtricës dhe vizituar fshatin Domaj. Mos harroni, pasi të shihni episodin se duhet ta doni këtë vend dhe kuptoni atë. Vetëm kështu mund të njihni veten. Pasi të njihni Shqipërinë!

AGK-ja dënon arrestimin e kameramanit, Albion Selitaj – kërkon lirimin e menjëhershëm

By

TV Prizreni

-

February 3, 2022

0

Policia e ka arrestuar sot në Suharekë kamermanin e agjenicsë së lajmeve, Ekonomia Online, Albion Selitaj, në kohën që ai po bënte detyrën e tij, duke raportuar nga aksioni i Policisë në NBI “Suhareka”.

AGK-ja e dënon ashpër sjelljen joprofesionale të pjesëtarëve të Policisë së Kosovës, dhe kërkon lirimin e menjëhershëm të tij.

AGK-ja pret nga Policia e Kosovës që në vend se të pengojë, të mundësojë kushte për raportim të punëtorëve medial në ngjarje të tilla.

Biznesmeni Tafaj para se AKP-ja t’ia merrte Agrokosovën me Polici: S’do ta dorëzojmë

By

TV Prizreni

-

February 3, 2022

0

Biznesmeni Aziz Tafaj, i ndjekur penalisht për mashtrim, paralajmëroi se nuk do ta dorëzonte ndërmarrjen “Agrokosova Holding”, të cilën Agjencia Kosovare e Privatizimit e mori nën administrim, duke ndërhyrë me Polici.

Tafaj tha se ndërmarrjen të cilën e kishte privatizuar në vitin 2007 për rreth 4 milionë euro, nuk do t’ia dorëzonte shtetit, duke e konsideruar të kundërligjshëm vendimin e AKP-së.

“Ata kanë kërkuar që ta dorëzojmë vullnetarisht por nuk do ta dorëzojmë. S’kemi pse, s’kemi kujt. Nuk kanë pasur të drejtë ta marrin këtë vendim”, tha ai në një konferencë për media.

Por Policia ndërhyu më pas dhe i largoi ata. Në operacion, u arrestua edhe një kameraman, i cili po e ndiqte ngjarjen.

Arsyeja e vendimit për t’ia marrë pronën e privatizuar biznesmenit, AKP-ja tha se është dështimi i kësaj ndërmarrjeje që t’i realizonte investimet të cilat ishin premtuar.

Ia ndryshoi kilometrat e veturës, shoqërohet në stacionin policor

By

TV Prizreni

-

February 3, 2022

0

Një burrë nga Ferizaj është shoqëruar në stacionin policor pasi i njëjti dyshohet se më 14 mars të vitit 2021 ka ndryshuar kilometrat e veturës së tij.

Sipas njoftimit të Policisë së Kosovës i njëjti është zënë dje nga Policia.

Tutje është treguar se i dyshuari është intervistuar dhe se pas intervistimit është liruar në procedurë të rregullt

Arrestohet kameramani kosovar, po xhironte live në Suharekë

By

TV Prizreni

-

February 3, 2022

0

Një kameraman i një agjencie të lajmeve është arrestuar nga Policia e Kosovës para disa minutash.

Kameramani ishte duke përcjellur ngjarjen kur Agjencia Kosovare e Privatizimit, e shoqëruar nga Policia e Kosovës kanë shkuar në zyrat e Ndërmarrjes “AgroKosova Holding”.

Forcat e rendit e kanë larguar kameramanin me dhunë nga objekti.

“Fluturojnë” çmimet e specave në Kosovë

By

TV Prizreni

-

February 3, 2022

0

Në Kosovë muajt e fundit ka pasur rritje të çmimit të produkteve bazë.

Por, “çmime astronomike” po kanë edhe perimet.

Gjatë ditëve të fundit në Kosovë është paralajmëruar edhe shtrenjtimi i çmimit të bukës.

Në një market, shihet se kilogrami i specave kushton hiç më pak se 4.79 euro.

Prokuroria e Prizrenit ndalon tre persona për kontrabandim të mallrave dhe shmangie nga pagesat e detyrueshme doganore

By

TV Prizreni

-

February 3, 2022

0

Prokuroria Themelore në Prizren në një komunikatë për media ka njoftuar se, Departamenti i Përgjithshëm, pas një pune hetimore, me urdhër të saj dhe në koordinim të plotë me Doganën e Kosovës duke aplikuar masat e fshehta të hetimit dhe vëzhgimit, ka ndaluar tre (3) persona S.E., Y.E., dhe R.E., nën dyshimin për kryerje të veprave penale:

“Kontrabandimi i mallrave” nga neni 311 paragrafi 1 lidhur me nenin 31 dhe 77, dhe “Shmangia nga pagesa e tarifave të detyrueshme doganore ose tarifave akcizore” nga neni 312 të Kodit Penal të Republikës së Kosovës (KPRK, nr. 06/L-074).

Të njëjtit, dyshohen se prej datës së pavërtetuar dhe tani në vazhdimësi, duke vepruar në bashkëkryerje, me qëllim të përfitimit të dobisë pasurore për vete, shmangin kontrollet doganore dhe kryejnë bartjen e mallrave dhe atë të telefonave mobil të markave të ndryshme të llojeve të fundit, të cilët telefona mobil i kanë futur në mënyrë ilegale në Kosovë të pa deklaruara në Doganën e Kosovës, e të cilët me pas i fshehin në lokacione të ndryshme në Prizren, e pastaj këto sende të përfituara në mënyrë ilegale dhe duke shmangur kontrollet doganore iu shesin tregtarëve të ndryshëm në qytetet e Kosovës si në Pejë, Deçan, Ferizaj, Kaçanik, si rrjedhojë e kësaj i shkaktojnë dëme të konsiderueshme materiale buxhetit të Republikës së Kosovës, në shumën prej 72,179.26 euro, derisa shmangiet nga detyrimet doganore janë 21,509.41 Euro.

Me aktvendim të prokurorit, të pandehurit janë ndaluar për 48 orë dhe brenda afatit ligjor do të paraqitet kërkesë për caktimin e masës së paraburgimit ndaj të njëjtëve.

Prokuroria Themelore në Prizren, vazhdon të mbetet e përkushtuar në luftën ndaj kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin, thuhet në njoftim nga Prokuroria Themelore e Prizrenit.tvprizreni.net/

30 ditë paraburgim për burrin që kanosi djalin e vëllaut në Prizren

By

TV Prizreni

-

February 3, 2022

0

Gjykata Themelore në Prizren në një komunikatë për media ka njoftuar se, Departamenti i Përgjithshëm, gjyqtari i procedurës– Gani Kastrati, ka caktuar masën e paraburgimit në kohëzgjatje tridhjetë (30) ditë, e cila do të llogaritet prej kohës së arrestimit 31.01.2022dhe mund të zgjasë deri më datën 28.02.2022,ndaj të pandehurit I.B., për shkak të dyshimit të bazuar se ka kryerveprën penale Kanosja nga neni 181 par. 2 lodhur me par. 1 të Kodit Penal të Republikës së Kosovës.
Gjykata me rastin e caktimit të masës së paraburgimit ndaj të pandehurit ka vlerësuar se ekzistojnë arsyet ligjore për caktimin e masës së paraburgimit, dhe nga provat e mbledhura deri në këtë fazë, rrjedh dyshimi i bazuar:
Me datën 31 janar 2022, në Gjykatën Themelore Prizren, në shqyrtimin gjyqësor të mbajtur në sallën e kësaj Gjykate, i pandehuri I.B.,seriozisht e kanos personin tjetër me qëllim frikësimi dhe shkaktimit të ankthit djalin e vëllait –

këtu të dëmtuarin, në atë mënyrë që derisa i pandehuri dhe i dëmtuari kanë qenë në seancën gjyqësore në prezencë të gjyqtarit gjykues, prokurorit të shtetit dhe palëve tjerë lidhur me një rast tjetër penal, gjatë mbajtjes së seancës, i pandehuri I.B., i drejtohet të dëmtuarit me fjalët “do të djegi të tërin dhe unë do të përfundoj këtë punë”, si dhe fjalët “do të varrosi të gjallë”, me të cilat fjalë tek i dëmtuari shkakton frikë, ankth dhe pasiguri për jetën e tij.

Kurse a do të argumentohen këto fakte do të vlerësohet në fazat e mëtejme të procedurës penale.
Me rastin e caktimit të paraburgimit, Gjykata ka marrë parasysh faktin se procedura penale është në fazën fillestare, me qëndrimin e pandehurit në liri ekziston rreziku se i njëjti do të pengojë rrjedhën normale të kësaj procedure penale.

Nga të lartcekurat Gjykata ka ardhur në përfundim se caktimi i paraburgimit është i domosdoshëm dhe i arsyeshëm, duke pasur parasysh sjelljen kundërligjore të të pandehurit, ashtu që duke mos përfillur prezencën e gjyqtarit, prokurorit dhe pjesëmarrësve të tjerë në seancë, e ka kanosur të dëmtuarin para gjithë tyre, kjo tregon rrezikun të përsëritjes së veprës së njëjtë penale apo të kryerjes së ndonjë vepre tjetër penale e që mund të ketë pasoja edhe më të mëdha.
Shënim:Kundër këtij vendimi, pala e pakënaqur ka të drejtë ankese, në Gjykatën e Apelit, ankesa kundër këtij aktvendimi nuk e shtynë ekzekutimin e tij, thuhet në njoftim.

48.962 kosovarë aplikuan për një termin në Ambasadën e Gjermanisë në janar

By

TV Prizreni

-

February 3, 2022

0

Afro 50 mijë kosovarë nuk duan të jetojnë më në Kosovë. Kjo është shifra e atyre që kanë aplikuar për termin për vizë pune në Ambasadën e Gjermanisë në Prishtinë. Ata janë regjistruar me shpresën se do të përzgjidhen për një prej rreth 460 terminëve që ka në dispozicion kjo ambasadë për këtë muaj, shkruan albinfo.ch.

Por shifra e atyre që nuk duan të jetojnë në Kosovë mund të jetë edhe më e lartë. Kjo pasi ka edhe shumë të tjerë që synojnë të largohen edhe me anë të llojeve të tjera të vizave e përmes ambasadave të vendeve të tjera.

Kujtojmë se në dhjetor janë regjistruar për një termin pak më pak se 57.000 persona, ndërsa në janar sakt 48.962 qytetarë të Kosovës, sipas burimeve të Ambasadës gjermane në Prishtinë.

Sipas Rregullore për Ballkanin Perëndimor, për Kosovën ndahen në vit rreth 5000 viza pune për punonjës të pakualifikuar, ndërsa në muaj jepen rreth 460 viza pune. Regjistrimin mund ta bëni vetë dhe nuk duhet të bëni gabime. Terminet caktohen me short në Ministrinë e Jashtme në Gjermani. /Albinfo.ch

Arrestohet reperi “Vinz”, tentoi ta vriste pronarin e një hoteli në Tiranë

By

TV Prizreni

-

February 3, 2022

0

Reperi i njohur shqiptar, Ervis Selita, i njohur me nofkën “Vinz”, është arrestuar së bashku me të dashurën e tij, pasi ka tentuar ta vrasë pronarin e një hoteli në Tiranë. Pronari nuk e la të hynte Selitën në hotel pa një kartë identiteti.

Ngjarja nisi kur 30-vjeçari fillimisht u konfliktua me recepsionistin e hotelit se nuk e la te hynte në hotel me të dashurën e tij pa i dhënë kartën e identitetit, por më pas sherri agravoi edhe më tej ku u përfshi edhe pronari i hotelit. Kjo ka bërë që Vinz të nxirrte armën dhe të tentonte ta vriste, por ka ndërhyrë policia.

Vinz është një reper i njohur, me origjinë nga Bulqiza dhe jeton në Londër. Reperi është një emër jo pak i njohur, jo shumë për muzikën e tij, sesa për përfshirjen në bandën ‘Hellbanianz’ në Londër, që kontrollojnë tregun e kokainës atje. Gazeta britanike, Daily Mail, i ka kushtuar edhe një artikull kësaj bande, ku shkruante se përdorin muzikën si një ‘trampolinë’ për qëllimet e tyre kriminale, me këngë me tekste të dhunshme, ku ekspozonin edhe jetën e tyre luksoze.

Ervin Selita do të përballet me veprat penale “Vrasja me dashje” mbetur në tentativë, “Mbajtja pa leje dhe prodhimi i armëve, armëve shpërthyese dhe i municionit”, “Shkatërrimi i pronës” dhe “Prishja e qetësisë publike” dhe e dashura e tij E. D., 30 vjeçe, për veprën penale “Moskallëzimi i krimit”.

Gjithashtu u shpallën në kërkim edhe dy shokët e 30-vjeçarit Xhuliano Selita dhe Erjon Mici, të cilët i erdhën në ndihmë gjatë konfliktit dhe me pas fshehën armën me të cilën tentoi ta vriste pronarin e hotelit.

Reperi ka deklaruar në Polici se nuk ka qenë i vetëdijshëm për atë që ndodhi dje në një hotel në Tiranë, ku tentoi të vriste pronarin, pasi ka qenë i dehur. Ai ka deklaruar se ishte klient i rregullt i hotelit dhe se nuk e kuptonte se po i kërkonin kartë identiteti vajzës që shoqëronte atë.

“Shkoja shumë shpesh te hoteli dhe isha klient i zakonshëm. Ata më njohin mua, unë nuk e di pse i kanë kërkuar kartën e identitetit vajzës me të cilën isha. Nuk isha i vetëdijshëm se çfarë po ndodhte sepse isha nën efektin e alkoolit”, ka thënë ai.

Vinz së bashku me shokun e tij, Stealth, kanë këngë me miliona klikime në platformën YouTube. Ata nuk kanë rrjete sociale për shkak se konsiderohen si “persona të rrezikshëm”.

Pulses PRO