Kryetari i Lidhjes Demokratike të Kosovës, Lumir Abdixhiku, është zotuar se do të jetë i pari që do t’i nënshtrohet verifikimit të pasurisë.

Madje, ai u zotua se këtë do ta bëj bashkë me kolegët e tij udhëheqës të LDK-së.

“Po e bëj një zotim këtu. Do të jem i pari që do t’i nënshtrohem verifikimit të pasurisë dhe bashkë me mua të gjithë kolegët e mi udhëheqës të LDK-së. Që ta heqim këtë temë po e vë vetën vullnetar të parin”, u zotua Abdixhiku gjatë emisionit “Debat Plus” në RTV Dukagjini.

Ai theksoi se afërsia e LDK-së me LVV-së, siç tha ai, e proklamuar në publik, ka ardhur nga qëndrimet e tyre në lidhje me çështjet me Serbinë.

“Unë besoj që afërsia jonë e proklamuar në publik ka qenë prej votimin tonë për referendum dhe përkrahjes sonë për veriun. Nëse dikush pret që për çështje të Serbisë, unë e kolegët e mi e vendosim partinë para shtetit, e kanë gabim, sepse nuk do ta bëjmë”, theksoi Abdixhiku.

Po ashtu, Abdixhiku thotë se nuk mund të quhet opozitë e dobët kjo e tanishmja, pasi e kanë marrë kryeqytetin në garë me Vetëvendosjen.

“Më thoni, si është e dobët një opozitë që ia merr kryeministrit edhe gjithë Qeverisë, kryeqytetin, Prishtinën. Në kryeqytet ku ai kishte 76 mijë vota e ne i kishim 16 mijë. Si është kjo opozitë e dobët ku ai koncentrohej me të gjithë mekanizmat e vet këtu dhe në komuna tjera, dhe u mund”, shprehet Abdixhiku.

“Tani unë besoj që kjo fazë e politik-bërjes ka përfunduar, sepse jemi në një periudhë të re, kanë kaluar zgjedhjet, janë konsoliduar pozicionet e partive politike dhe LDK-ja do të ketë zë të artikuluar partiak. Sa i përket frikës është totalisht e pavend, ne jemi në garë politike, nuk ka frikë këtu”, tha ai. /Telegrafi/

Pavarësisht se në opinion egziston përshtypja se presidentja Vjosa Osmani nuk ka arritur të sigurojë ndonjë takim të nivelit të lartë ndërkombëtarë, ministri i Bujqësisë nga Lista Guxo, Faton Peci, këtë çështje e sheh ndryshe.

Peci, jo që s’pajtohet me këtë përceptim të opinionit, por vlerëson se presidentja Osmani po e përfaqëson Kosovën në pika të caktuara edhe më mirë se sa presidenti Rugova në kohën e tij kur ishte në krye të Kosovës.

“Unë mendoj se presidentja Vjosa Osmani, bashkë me presidentin Ibrahim Rugova, është në mesin e dy figurave që Kosovës i kanë bërë pëfaqësimin më dinjitoz. Në të kaluarën Rugova, e tani presidentja Osmani, është duke e përfaqësuar Kosovën në mënyrë po aq dinjitoze, e në disa aspekte, edhe përtej kësaj”, ka thënë Peci.

Në pyetjen e gazetarit, nëse Peci ishte duke thënë se presidentja Osmani, është duke e prezantuar Kosovën edhe më mirë se sa presidenti Rugova, ai e ka konfirmuar duke u përgjigjur me ‘po’, dhe më pas ka vazhduar ta spjegojë se pse mendon ashtu.

“Po, presidenti Rugova e ka pasur një afinitet të jashtëzakonshëm me kriju miq e aleanca, por megjithatë secili i ka pjesët më të forta apo më të dobëta. Pjesa më e fortë e presidentes aktuale është prezentimi shumë dinjitoz para forumeve, ku audiencë mundet me pas figura shumë të rëndësishme politike, të komunitetit të biznesit, e të fushave tjera. Kështu që presidentja Osmani e ka edhe këtë afinitet që me e prezantu Kosovën në mënyrë briliante. Avantazhi tjetër i saj, është njohja në nivel shumë të lartë i gjuhëve të huaja, që ia krijon asaj aureolën asaj të një prezantimi shumë të lartë e dinjitoz edhe në arenën ndërkombëtare”, ka thënë Peci, në Prime Time në Kanal 10.

Instituti Hidrometeorologjik i Kosovës bën të ditur se sot do të mbajë mot me diell dhe vranësira të shpërndara.

IHK, ndërkaq për të shtunën njofton se do të mbajë mot kryesisht i ngjashëm por vende-vende parashihen reshje të intensitetit të dobët.

Në mëngjes dhe gjatë natës do të ketë ngrica, prandaj pjesëmarrësve në trafik u këshillojmë që të kenë kujdes të shtuar.

Temperaturat minimale gjatë këtyre dy ditëve të parashikimit do të lëvizin ndërmjet -6 deri -3 gradë Celsius, ndërsa maksimalet e ditës parashihen të lëvizin ndërmjet 5-6 gradë Celsius.

Do të fryjë erë e lehtë deri mesatare nga drejtimi i verilindjes dhe juglindjes

Kreu i PSD’së, Dardan Molliqaj është liruar. Menjëherë pas kësaj ai në Pressing tha se ai ka qenë i marrë peng.

“E para që mund të konstatoj është se unë kam qenë i marrur peng”, tha Molliqaj.

“Pra unë jam marrë peng nga një polici e cila është dirigjuar me udhëheqje politike dhe pa urdhër të prokurorit unë jam arrestuar”, tha Molliqaj duke treguar dokumentin e procesverbalit.

Molliqaj u arrestua të martën në mbrëmje në oborrin e T7 ku ishte i ftuar në emisionin Pressing.

“Mua më kanë marrë vetëm sepse më kanë kundërshtar politik”, tha Molliqaj.