Kryeministri i Shqipërisë, Edi Rama ndodhet këtë të premte në aeroportin e Kukësit, ku pas testimeve të suksesshme kompania ‘WizzAir’ do të nisi operimet e pandërprera me 4 destinacionet e tjera në muajin maj.

Kreu i qeverisë ka dhënë edhe premtimin e radhës për të gjithë djemtë e Londrës, të cilët i siguron se nuk do të ndalet derisa aeroporti i Kukësit të kryejë fluturime drejt Londrës dhe anasjelltas, me tarifa simbolike.

Ai u ndal te akuzat e shumta duke theksuar se në fund fjalët i merr era dhe fjalët e mira mbeten, ndërsa theksoi se kosto e udhëtimit me Wizzair do jetë vetëm 19 euro.

“Faktikisht, nga sot, kompania është e vendosur dhe në Kukës dhe fillon me prenotimet për katër destinacionet e para nga 2 herë në javë dhe të cilat nga maji do të jenë destinacione të vijueshme, jo thjesht për sezonin. Ndërkohë që me drejtorin e madh të kompanisë kemi diskutuar dhe për destinacionin tjetër të rëndësishëm që është Anglia dhe nuk do t’i ndahem Kukësit derisa London Boys të kenë fluturimet nga Kukësi në Londër dhe nga Londra në Kukës ose nga destinacione të tjera, me tarifa simbolike.

Kjo është dita për tu thënë të gjithë atyre që nuk kanë më asnjë kapacitet durimi se kjo punë dhe të gjithë punët e mira kërkojnë durim. Shumë gjëra kemi duruar pasi anoncuam fillimin e punës për aeroportin e ri ndërkombëtar të Kukësit. Me siguri do dëgjojmë dhe sot, por në fund fjalët i merr era dhe jam besimplotë se ky aeroport ka një të ardhme fantastike dhe falë këtij aeroporti”, deklaroi ai.

Prokuroria Speciale e Kosovës ka ngritur aktakuzë kundër të pandehurve me iniciale P.L, N.SH dhe E.B., për shkak të dyshimit se të pandehurit në bashkëkryerje kanë kryer veprën penale ‘’Keqpërdorimi i pozitës apo autoritetit zyrtar’’.

KOHA mëson se bëhet fjalë për rastin e 53 milionë eurove shtesë të cilat Ministria e Infrastrukturës me në krye ish-ministrin e saj, Pal Lekaj i kanë ndarë për “Bechtel&Enka”, disa vjet më parë, për ndërtimin e autostradës “Arbën Xhaferi” që lidh Kosovën me Maqedoninë.

Dy të akuzuarit tjerë janë Nebih Shatri, ish-zyrtar i Lartë në Ministrinë e Infrastrukturës dhe Eset Berisha, shef i kabinetit të Lekajt.

Në vitin 2019 është raportuar për hetimet ndaj ish-ministrit të Infrastrukturës, Pal Lekaj, dhe shefit të kabinetit të tij, Eset Berisha.

Policia e Kosovës ka dalë edhe më një komunikatë lidhur me arratisjen e mbrëmshme të Milan Radojçiqit nga pika kufitare në Bërnjak

Sipas Policisë, ata i kishin kërkuar shoferit të tij që të parkojë automjetin në vend parking, derisa të kontrollojnë dokumentet, por që në atë moment ai është larguar me shpejtësi mbrapa në drejtim të territorit të Serbisë.

Policia ka kërkuar nga Inspektorati Policor që të hetojë sjelljet dhe veprimet e zyrtarëve policorë që ishin në detyrë në atë kohë.

“Duke pasur parasysh pikën kufitare të integruar si pikë kufitare e përbashkët dhe mundësisë për të kaluar shpejtë në pjesën e Serbisë, zyrtarët policorë nuk kanë arritur që ta ndalojnë. Lidhur me rastin është njoftuar prokurori kompetent, i cili ka rekomanduar të iniciohet rasti pengim i personit zyrtar në kryerje të detyrës.

Me qëllim të hetimit të sjelljeve dhe veprimeve të zyrtarëve policorë, Policia e Kosovës sipas detyrës zyrtare ka njoftuar Inspektoratin Policor për hetime dhe kompetencë të mëtejme”, thuhet në komunikatë.

Komunikata e plotë:

Me datë 03.02.2022 në orët e pasdites, në pikë kalimin kufitar Bërnjak, nga drejtimi i Serbisë për të hyrë në Republikën e Kosovës, ka ardhur një automjet në të cilin kanë qenë personi M.R. mashkull serb së bashku me një bashkudhëtar.

Zyrtarët kufitar sipas detyrave dhe procedurave të kontrollit kufitar, kanë ndaluar automjetin dhe kanë filluar procedurat e regjistrimit dhe verifikimit të automjetit dhe personave në automjet.

Gjatë realizimit të detyrave policore, zyrtarët kufitar kanë kërkuar nga personi (vozitësi) që të parkojë automjetin në vend parking, për të vazhduar me procedurat e mëtejme policore, mirëpo vozitësi gjatë parkimit me veturë është larguar me shpejtësi mbrapa në drejtim të territorit të Serbisë.

Duke pasur parasysh pikën kufitare të integruar si pikë kufitare e përbashkët dhe mundësisë për të kaluar shpejtë në pjesën e Serbisë, zyrtarët policorë nuk kanë arritur që ta ndalojnë. Lidhur me rastin është njoftuar prokurori kompetent, i cili ka rekomanduar të iniciohet rasti pengim i personit zyrtar në kryerje të detyrës.

Me qëllim të hetimit të sjelljeve dhe veprimeve të zyrtarëve policorë, Policia e Kosovës sipas detyrës zyrtare ka njoftuar Inspektoratin Policor për hetime dhe kompetencë të mëtejme.

Qytetarë të shumtë ia kanë mësyrë qendrës së vaksinimit në lagjen “Kalabria” në kryeqytet, për t’u vaksinuar kundër COVID-19. Disa për dozën e parë, disa për të dytën, e disa për dozë të tretë.

Ata që kanë shkuar për t’u vaksinuar me dozën e tretë, thonë për Ekonomia Online se kufizime për ta nuk duhet të ketë.

Sipas tyre, masat që janë në fuqi si për të vaksinuarit dhe për ata të pavaksinuar, duhet të ndryshojnë, ndërsa tjerë kërkojnë që masat kufizuese të jenë ditën e jo natën, pasi sipas tyre qarkullimi është më i madh ditën.

“Kam marrë dozën e dytë, vaksina e parë nuk më ka munduar aspak, pasoja s’kemi pas po as problem asgjë, mirë kemi qenë”, thotë një qytetare.

E një qytetar kërkon që masat kufizuese të jenë ditën, pasi sipas tij, më shumë dalin njerëzit gjatë ditës se gjatë natës.

“Kam marrë dozën e dytë, ka qenë gjithçka mirë, në rregull. Masat janë të mira me i mbajt e se di tashti sa duhet m’i mbajt… masat janë prej natës, ditën është ma mirë me qenë sepse njerëzit shkojnë në restauronte e kafe, aty është problemi më i madh”, thotë ai.

“Kam marrë dozën e tretë, pas vaksinës dhe të parës dhe të dytës mirë jam ndier nuk ka pasur efekte anësore, dhe mendoj që këto masa janë ne rregull dhe i përkrahi plotësisht”, shtoi ky qytetar.

Një qytetar tjetër, që është vaksinuar me tri doza, thotë se vaksinimi duhet të jetë opcional.

“Edhe unë e kam marrë dozën e tretë, mirë ka qenë shumë në rregull. Atij që i konvenon e merr vaksinën, e ai që nuk do, nuk do, nuk kemi çfarë të bëjmë”, u shpreh ky qytetar.

Drejtoria Rajonale e Policisë në Pejë, me urdhër të Gjykatës Themelore, ka shpallur në kërkim një person të dënuar për blerje, posedim, shpërndarje apo shitje të paautorizuar të narkotikëve. Për gjetjen e tij po kërkon bashkëpunimin e qytetarëve.

Në kërkesën e policisë bëhet e ditur se i dënuari Elton Arifaj është 36-vjeçar.

“Policia e Kosovës, Drejtoria Rajonale e Policisë në Pejë, bazuar në autorizimin e organit kompetent për publikimin e fotos së personit të kërkuar më Letërreshtim, me qëllim lokalizimin dhe rrjedhimisht arrestimin e tij, lëshon Kërkesë për bashkëpunim me qytetarët. Personi i dyshuar është: ELTON (Arif ) ARIFAJ i lindur me 13.09.1985 në Pejë”, ka bërë të ditur policia.

Arifaj po kërkohet për veprën penale “Blerje, posedim, shpërndarje apo shitje e paautorizuar e narkotikëve të rrezikshëm apo substancave psikotrope dhe analoge”.

“I dënuari është i kërkuar për veprën penale: 1- (një) rast për veprën penale “Blerje, Posedim, Shpërndarje, apo shitje e paautorizuar e narkotikëve të rrezikshëm apo substancave psikotrope dhe analoge”. I dyshuari i lartcekur kërkohet nga Gjykata Themelore Prishtinë. Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor. Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë) 039 432 327-Drejtoria Rajonale Pejë – E-mail adresa: [email protected]”, ka bërë të ditur policia.