Policia e Kosovës ka konfirmuar suspendimin e policit Amir Hoxha.

Sipas PK-së, suspendimi është bërë për shkak të shkeljes së brendshme disiplinore.

Vendimi për suspendim është tri ditë.

“Suspendohet një zyrtar policor nën dyshimet për shkelje të brendshme disiplinore Bazuar në Udhëzimin Administrativ “Për Shkeljet, Masat dhe Procedurat Disiplinore në Policinë e Kosovës” 04/2019, përkatësisht neni 24, paragrafi 1.17, është suspenduar një zyrtar policor. Vendimi mbi suspendimin në kohëzgjatje deri në tri (3) ditë, është marrë për zyrtarin policor (punonjës në Stacionin Policor Qendra Prishtinë), nën dyshimet për shkelje disiplinore të sanksionuar sipas udhëzimit të sipërshënuar”, thuhet në njoftim.

Njoftimi i plotë:

Suspendohet një zyrtar policor nën dyshimet për shkelje të brendshme disiplinore

Bazuar në Udhëzimin Administrativ “Për Shkeljet, Masat dhe Procedurat Disiplinore në Policinë e Kosovës” 04/2019, përkatësisht neni 24, paragrafi 1.17, është suspenduar një zyrtar policor.

Vendimi mbi suspendimin në kohëzgjatje deri në tri (3) ditë, është marrë për zyrtarin policor (punonjës në Stacionin Policor Qendra Prishtinë), nën dyshimet për shkelje disiplinore të sanksionuar sipas udhëzimit të sipërshënuar.

Sa sipër, policia është strukturë apolitike në shërbim të të gjithë qytetarëve pa dallim në orientimet e tyre andaj të gjithë zyrtarët e saj duhet të përmbahen nga komente qofshin ato politike apo të llojeve të tilla të sanksionuara me udhëzimet administrative.

Sindikata e Policisë së Kosovës ka reaguar në lidhje me suspendimet që u janë bërë pjesëtarëve të policisë gjatë ditëve të fundit.

Për Sindikatën e Policisë, këto raste kanë qenë shqetësuese për ta, teksa bënë të ditur se do të kërkojnë sqarim për arsyet e suspendimit.

“Sindikata e Policisë do të monitoroj çdo rast hetimi ndaj zyrtarëve policor qoftë sipas kërkesës së tyre apo edhe kur ka ndonjë kontest se ndonjërit po i bëhet e pa drejtë”, thuhet në komunikatën e Sindikatës së Policisë.

Kujtojmë se gjatë kësaj jave janë marrë masa disiplinore ndaj shtatë policëve të Kosovës.

Prokuroria Themelore në Pejë ka bërë të ditur se është arrestuar edhe një person me iniciale K.M, për vrasjen e trefishtë në Gllogjan.

I dyshuari K.M, dyshohet se ka kryer veprat penale “Vrasje e rëndë” dhe “Mbajtja në pronësi apo kontroll të paautorizuar e armëve”, bën të ditur prokuroria.

“Prokurorja e çështjes, në vazhdën e hetimeve intensive për rastin në fjalë, ka autorizuar Policinë e Kosovës për arrestimin e K.M., i cili fillimisht është ndaluar për 48 orë” .

“Po ashtu, brenda afatit ligjore, prokurorja e çështjes, ka parashtruar kërkesën për caktimin e masës së paraburgimit, në Departamentin e Krimeve të Rënda të Gjykatës Themelore të Pejës”, thuhet në njoftim.

Kujtojmë se më 26 nëntor të vitit të kaluar në Gllogjan të Deçanit u vranë tre persona, ku dy prej tyre ishin nxënës dhe shoferi i autobusit.

Ministri i Mbrojtjes së Kosovës, Armend Mehaj thotë se janë duke i përcjellë zhvillimet e fundit rreth Ukrainës e për çka ka kërkuar nga NATO-ja për vëmendje të shtuar për të pamundësuar ndikimin dhe influencën e qarqeve ruso-serbe në rajon.

“Ministria e Mbrojtjes përcjellë me vëmendje maksimale zhvillimet e fundit dhe veprimet aktuale të Rusisë kundër Ukrainës, vendeve të krahut lindor të NATO-s, si dhe aktivitetet hibride që Rusia zhvillon në rajonin e Ballkanit Perëndimor. Aktivitetet e luftës hibride, në rajonin tonë, Rusia përmes Serbisë, i realizon në vazhdimësi me luftën politike me metoda jokonvencionale destabilizuese të ndërthurura me aktivitete asimetrike siç janë sulmet kibernetike dhe ato përmes lajmeve të rreme (fake neës). Prandaj, kërkojmë vëmendje të shtuar të autoriteteve politike dhe ushtarake të NATO-s përmes Komandës së Forcës së Bashkuar në Napoli (JFCNP) në rajonin tonë, për të pamundësuar kështu ndikimin dhe influencën e qarqeve destabilizuese ruso –serbe të mbështetura edhe nga qarqet kineze në rajon”, ka shkruar Mehaj.

Tutje ai ka shkruar se “Zhvillimet e shpeshta në kufirin Kosovë – Serbi dhe provokimet nga ushtria serbe, i vlerësojmë kërcënim shumë serioz dhe duhet të adresohen fuqishëm politikisht nga Bashkimi Evropian dhe me veprime e qëndrime konkrete nga NATO , respektivisht Komanda e Forcës së Bashkuar në Napoli (JFCNP) përmes operacionit KFOR në Kosovë. Republika e Kosovës qëndron fuqishëm përkrahë NATO-s të udhëhequra nga SHBA, në interes të mbrojtjes së vlerave euroatlantike dhe në shërbim të paqes, sigurisë dhe stabilitetit rajonal, kontinental dhe global”.

Deputeti i Lëvizjes Vetëvendosje, Artan Abrashi, ka kthyer paratë që iu kompensuan për shpenzimin e karburanteve.

Ai këto para i ka dhënë për 10-vjeçrin Art Muçaj, të cilit i nevojiten 15 mijë euro, pasi i njëjti po trajtohet nw  Turqi.

Përkrahësi i LVV-së Blend Zymi ka publikuar fotografinë e transferit që Abrashi e ka bërë tek familja e 10-vjeçarit.

Ai ka shtuar se krahas Abrashit edhe Adnan Rrustemi e Gramos Agusholli kanë kthyer paratë të cilat iu janë shpenzuar për karburante.

Abrashi sipas shpenzimeve të publikuara nga buxheti i shtetit ka marrë 690 kompenzim për karburante në periudhën prej dy muajsh. Kurse Adnan Rrustemi ka shpenzuar 290 euro dhe Gramos Agusholli 630 euro.

Familja e Artiti, i cili është edhe djali i zyrtarit të Policisë së Kosovës dje ka apeluar tek qytetarët që t’i ndihmojnë në sigurimin e të hollave për shërimin e djalit të tyre.

“Ju mund të dërgoni ndihmën tuaj në detajet si më poshtë: Teuta Temaj Muçaj Banka: TEBNr i llogarisë: 2012000041349247 Iban:XK05 2012000041349247SWIFT: TEBXKPR”, shkruhet në postim.