Policia njofton se një ankuese ka raportuar se një nxënës i shkollës ka poseduar një thikë.Sipas Policisë, njësiti policor ka konfiskuar thikën nga i dyshuari.
Rasti është në procedurë të rregullt.Sipas PK, rasti ka ndodhur në mëngjesin e ditës së djeshme në Prizren.

Bordi i ZRrE-së ka aprovuar rritjen e çmimit të rrymës për konsumatorët që tejkalojnë konsumin mbi 800 kilovat.

Ata që shpenzojnë rrymë më shumë se 800 kilovat, tarifa për ta do të jetë 12 cent më e larta dhe 6 cent më e lira.

Ky vendim sipas shefit të grupit parlamentar të PDK-së, Abelard Tahiri, duhet të anulohet sot. Me fillimin e seancës së Kuvendit, ai kërkoi që të mbahet një debat parlamentar rreth shtrenjtimit të rrymës, pasi siç tha ai, kjo e rëndon gjendjen e Kosovës.

“Kërkojmë që ta kemi mocion procedural ta fusim një pikë ku do të debatojmë për këtë vendim. Për instrumentin e kryeministrit Kurti, që tashmë është shndërruar në një instrument të tij, vërtetë e rëndon gjendjen jashtëzakonisht shumë në Kosovë. Ky vendim të anulohet sot. Ky është realitet i hidhur në vendin tonë, realitet që s’mund ta përballojë asnjë qytetarë”, tha Tahiri.

“T’i marrim mandatin e ZRrE-së sepse do të bëjnë dëme edhe më të mëdha”, tha tutje Tahiri

Ibadete Bytyçi, dje është zgjedhur nga Ministria e Arsimit, Shkencës, Teknologjisë dhe Inovacionit si “Shkencëtarja e vitit”.

Kardiologia, me një CV të ngjeshur të arriturash shkencore, aplikoi rregullisht në konkurset e Universitetit të Prishtinës, që nga viti 2010 deri më 2020, por nuk u pranua. Aktualisht angazhohet në QKUK me kontratë jo të përhershme.

“Kam aplikuar prej kur I kam përfunduar studimet 2010, unë e kam përgatit cv-në e të tjera.. është fakt që viteve të fundit kam pasur shumë aktivitete shkencore, jam në grupe punuese të ekspertëve. Esenca është se unë mendoj se pjesa shkencore për Universitetin e Prishtinës nuk ka vlerë”, ka thënë Bytyçi në Klan Kosova.

“Në kushte normale qysh duhej të vepronte universiteti është numri i prezantimeve shkencore, nuk është e njëjtë si me bo një prezantim në Ohër si në Boston, por esenca është që në kritere të konkursit seleksionohet, nuk është më e rëndësishme a i ke 100 punime apo dy, jeni të barabartë”, shtoi ajo.

Ajo tha se shkenca në Kosovë nuk është dobiprurëse, “Në vendet tjera kanë stimulim, te ne kjo ërkrahje mungon dhe duhesh të bësh punë shtesë për t’i mbuluar akomodimet e të tjera… Stimulimi nuk është edhe shumë i mjaftueshëm ka shpenzime pjesa shkencore, por fatmirësisht unë kam marrë shpesh grande të vogla të udhëtimit, nga kongrese amerikane e të Evropës”.

“Shkencëtarja e vitit 2021” tha se ky çmim është motivim për gjeneratat e reja që në të ardhmen të nxiten që të merren me aktivitete shkencore sepse shkenca, sipas saj, është vetë dija.

“Shkencëtari I vitit është një kurorëzim I aktivitetit tim shkencor është një vlerësim i punës tënde shkencore, një vlerësim I rrugëtimit tim. Nuk e kam paraparë që do të zgjidhem. Unë e kam si traditë të aplikoj dhe kështu ata ma mundësuan që të zgjidhem, dhe jam falënderuese”.

Sipas Bytyçit 16 vjet studime që i ka bërë janë sakrificë, por që ia vlen.

“16 vjet studime është një sakrificë kur sheh retrograd është sakrificë por ia vlen”.

Ajo tregoi se tani do të vazhdojë edhe me studime të postdoktoratës,por në një fushë tjetër.

Bordi i Zyrës së Rregullatorit të Energjisë (ZRRE) sot ka aprovuar tarifat e energjisë elektrike.

Sipas vendimit të ZRRE-së energjia elektrike nuk do të shtrenjtohet për konsumatorët që i shpenzojnë deri në 800 kilovat orë, ndërsa ata konsumatorë që shpenzojnë mbi 800 kilovat do të paguajnë 12.5 cent për kilovat për tarifën e lartë dhe 5.9 cent për tarifën e ulët , apo një rritje prej 100%, raporton Front Online.

Përndryshe, deri më tani nuk ka pasur bllok tarifa, përderisa çmimi i energjisë elektrike për tarifën e lartë ka qenë 6.75 cent dhe 2.89 cent për tarifën e ulët kilovati.

/Front Online/