Ministri i Punëve të Brendshme që vie nga radhët e Vetëvendosjes, Xhelal Sveçla ka kujtuar dy aktivistët e VV-së Arben Xheladini e Mon Balajn të cilët u vranë 15 vjet më parë teksa po protestonin kundër negociatave të Kosovës me Serbinë dhe Pakos së Ahtisaarit.

Sveçla tha se sot kujtojnë Monin e Arbenin si dëshmorë të popullit për liri e vetëvendosje.

“Sot bëhen 15 vite prej protestës së 10 shkurtit 2007. U organizuam për të protestuar kundër pakos së Ahtisarit, e cila theksonte kufizime kundrejt aspiratave legjitime të popullit të Kosovës. Popullit të Kosovës i takonte pavarësia dhe nuk kishim çfarë të jepnim më shumë se ç’dhamë. Mijëra protestues paqësorë që kërkonin vetëvendosje u përballën me dhunën e shfrenuar të policisë së UNMIK-ut. Mbi 232 plumba gome me afat të skaduar u hodhën mbi protestues nga të cilët u plagosën dhjetëra qytetarë, ku u vranë Mon Balaj e Arben Xheladini dhe u plagosën rëndë Mustafë Nerjova, Zenel Zeneli e Hysni Hyseni. Sot kujtojmë Monin e Arbenin, si dëshmorë të popullit për liri e vetëvendosje. Ata dhanë jetën për Kosovën dhe sakrifica e tyre për liri e pavarësi është udhërrëfyesi ynë më i qartë në përgjegjësitë që kemi karshi tyre dhe gjithë qytetarëve të Republikës sonë. Lavdi jetës dhe veprës së Mon Balajt dhe Arben Xheladinit. Ne po ecnim drejt atë ditë, ne duhet e do të ecim drejt gjithmonë”, ka shkruar Sveçla.

2184 gjoba në trafik janë shqiptuar në 24 orët e fundit në Kosovë.

Këtë e ka bërë të ditur Policia në raportin 24-orësh.

Raporti bën të ditur se nuk ka pasur aksidente me fatalitet. Ndërkaq 16 aksidente janë me të lënduar dhe 38 me dëme materiale.

Sipas raportit 38 persona janë arrestuar, 26 janë dërguar në mbajtje dhe tre persona në vuajtje të dënimit.

Qendra Klinike Universitare e Kosovës ka dalë me një sqarim pas raportimeve se sonte në Klinikën Infektive dyshohet se është bërë ndërrimi i dy trupave të vdekur në morg.Nga QKUK-ja kanë thënë se menaxhmenti i klinikës është njoftuar në lidhje me mundësinë e përzierjes së dokumentacionit mjekësor të pacientëve që kanë përfunduar me vdekje në këtë klinikë.

Tutje në sqarim thuhet se menaxhmenti i Klinikës Infektive bashkë me organet kompetente, Policinë e Kosovës kanë ndërmarrë veprimet e nevojshme lidhur me këtë rast.

Njoftimi i plotë nga QKUK:Sqarim nga Klinika Infektive e QKUK-së Klinika Infektive e Qendrës Klinike Universitare të Kosovës, sqaron opinionin, se menaxhmenti i klinikës është njoftuar në lidhje me mundësinë e përzierjes së dokumentacionit mjekësor të pacientëve që kanë përfunduar me vdekje në këtë klinikë.

Menaxhmenti i Klinikës Infektive bashkë me organet kompetente, Policinë e Kosovës kanë ndërmarrë veprimet e nevojshme lidhur me këtë rast. Me respekt, Klinika Infektive-QKUK

Senati i SHBA-së ka votuar pro emërimit të Alice Albright për kryeshefe ekzekutive të Millennium Challenge Corporation – MCC (Korporatës Sfidat e Mijëvjeçarit), ka bërë të ditur Departamenti i Shtetit.

Në llogarinë zyrtare në Twitter të Departamentit amerikan thuhet se MCC-ja mbetet një partner jetik i diplomacisë së SHBA-së, për të ndërtuar ura në promovimin e rritjes ekonomike.

“Urime Alice Albright për konfirmimin tuaj si drejtoreshë ekzekutive e MCC-së. MCC-ja është një partner jetik në përpjekjet tona të diplomacisë së SHBA-së, duke nxitur infrastrukturë të shëndoshë dhe institucione të shëndosha — dhe duke ndërtuar ura për të promovuar rritjen ekonomike dhe qeverisjen e mirë”, thuhet në postim.

Shefi i stafit presidencial të Kosovës Blerim Vela ka mirëpritur emërimin e Albright në këtë detyrë.

Ai ka thënë se mezi presin bashkëpunimin e mëtejmë me MCC-në, si partner me Kosovën.

”Urime Alice Albright për konfirmimin si drejtoreshë e re në MCC. Mezi presim partneritetin me MCC në programin e ardhshëm Kosovë-SHBA, të fokusuar në sektorin e energjisë. Kosova së bashku më të fortë”, ka shkruar Vela.