Në 24 orët e fundit në Kosovë kanë ndodhur 62 aksidente trafiku, 24 prej tyre me persona të lënduar kurse 38 tjerë me dëme materiale.

Policia bën të ditur se ka shqiptuar edhe 2 mijë e 285 tiketa trafiku për shoferët që nuk kanë respektuar rregullat e komunikacionit.

Kurse 271 tiketa janë shqiptuar për personat që nuk kanë respektuar masat antiCOVID.

Brenda 24 orëve të fundit, Policia ka arrestuar edhe 21 persona, 8 prej tyre janë dërguar në mbajtje dhe 6 janë dërguar në vuajtje të dënimit.

“Expose” prodhim televiziv i portalit “Gazeta Blic” sonte ka transmetuar në televizionin Kanal10 pjesën e katërt të dokumentarit për largimin e të rinjëve nga Kosova, të titulluar “Zbrazja e Kosovës”.

Valës së migrimit të fundit nga Kosova, i janë bashkuar edhe punonjësit e sektorit publik bashkë me mjekët, po largohen edhe zyrtarët që shërbejnë në institucionet e sigurisë së vendit. Fakt ky i cili po konsiderohet mjaft shqetësues për të ardhmen e Kosovës.

Këto pretendime i konfirmojnë edhe në Sindikatën e Policisë së Kosovës, ndonëse mungojnë të dhëna zyrtare mbi numrin e pjesëtarëve të Policisë së Kosovës që kanë dhënë dorëheqje nga ky institucion për të marrë rrugë drejtë vendeve të BE-së.

“Po them më shumë bindje që të gjithë pjesëtarët e PK i mban vullneti për atdhe dashuri, unë e di që secili që aplikom me u punësu në PK, e ka njenjën e mbrojtjes së vendit, kjo është ajo që na mban më shumë, po kemi raste kur zyrtarët policor kanë bërë kërkesë për dorëheqje dhe janë larguar nga PK, nuk i di arsyjet për të gjitha rastet por disa prej tyre kanë gjetur punë që paguhet më mirë” tha Imer Zeqiri, Kryetar i Sindikatës së PK-së.

Ditën e shtunë pritet një rënie e lehtë e temperaturave përreth vlerave normale, ndërkaq të dielen parashihen mundësi edhe për riga lokale shiu orëve të pasdites, e përreth zonave malore edhe të borës.

Mot me vransira të ndryshueshme pritet të mbizotërojë ditëve të para të javës vijuese, pa përjashtuar mundësi për riga lokale shiu ditën e hënë e të martë.

Në aspektin termik do të mbajë mot më i butë.

Cilësia e ajrit ditën e shtunë shënon një përmirësim të shkurtër me indeks që kalon edhe në vlera të pranueshme, e nga dita e diel kushtet atmosferike, pa një qarkullim të mjaftueshëm ajror, mbajnë ndotësit më të përqëndruar pranë sipërfaqes e indeksi kalon edhe në vlera të dobëta dhe shumë të dobëta.

Datat:

12.02 – Kryesisht me vransira.

13.02 – Kryesisht me vransira. Pasdite më vonë me mundësi edhe për riga lokale shiu, përreth viseve malore edhe reshje të dobëta bore.

14.02 – Vransira të ndryshueshme dhe intervale me diell gjatë ditës. Vende-vende mundësi për riga lokale shiu. Në zona malore reshje të dobëta bore.

15.02 – Vransira dhe intervale me diell. Mundësi për riga lokale shiu.

16.02 – Vransira të ndryshueshme dhe intervale me diell.

Temperaturat pësojnë një rënie ditën e shtunë, e më pas në rritje. Minimalet luhaten ndërmjet -1 e 1C, e maksimalet të shtunën zbresin në 5C e 6C, e të dielen rriten në 8C e 9C, deri të mërkurën edhe në 12C.

Erërat frynë edhe mesatare e mesatarisht të fuqishme ditën e shtunë nga verilindja 6-13m/s, e nga dita e diel të lehta kryesisht nga jugu e juglindja 1-4m/s.

Shtypja atmosferike mbetet lartë mbi vlera normale, megjithë një tendencë të rënies ditën e premte.