Ministria për Evropën dhe Punët e Jashtme të Shqipërisë të shtunën i ka bërë thirrje qytetarëve shqiptarë që jetojnë në Ukrainë të largohen sa më parë nga ky shtet, si dhe të mos udhëtohet drejt tij.

Në njoftimin e saj, Ministria e Jashtme ka publikuar për qytetarët shqiptarë që ndodhen në Ukrainë dy numra telefoni ku mund të kontaktojnë për asistencë.

Ata gjithashtu ftohen që të informohen përmes kanaleve të komunikimit të Ministrisë për Evropën dhe Punët e Jashtme.

Grupi i xhirimit i televizionit Top Channel, i cili prej disa ditësh ka raportuar nga Ukraina për situatën atje, largohet me avion drejt Stambollit në orën 15:00.

NJOFTIMI

🔴 Duke marrë parasysh rrezikun e besueshëm të përshkallëzimit të situatës, MEPJ këshillon të mos udhëtohet drejt Ukrainës.

Gjithashtu, Ministria për Evropën dhe Punët e Jashtme i bën thirrje shtetasve shqiptarë që të largohen nga Ukraina sa më parë.

Qytetarët e Republikës së Shqipërisë që ndodhen në Ukrainë mund të kontaktojnë për asistencë në numrat: +48 22 824 14 27; +48 501 194 910;

ose në adresat e emailit:

ambasada@albania.ëaë.pl; embassy.ëarsaë@mfa.gov.al

[email protected]

ℹ️ Qytetarët shqiptarë ftohen që të informohen përmes kanaleve të komunikimit të Ministrisë për Evropën dhe Punët e Jashtme./T Ch/

Ministria për Evropën dhe Punët e Jashtme e Shqipërisë u ka bërë thirrje shtetasve shqiptarë që të largohen nga Ukraina sa më parë.

Në njoftimin e bërë të shtunën (12 shkurt), Ministria ka këshilluar po ashtu të mos udhëtohet drejt Ukrainës ku ekziston rreziku për luftë.

Ndërkohë, nuk janë dhënë detaje se sa është numri i shtetasve shqiptarë në Ukrainë.

Deri më tani vendet si Shtetet e Bashkuara të Amerikës, Mbretëria e Bashkuar, Gjermani, Estonia, Norvegjia e Holanda, u kanë bërë thirrje shtetasve të tyre të largohen nga Ukraina.

Në rajonin e Ballkanit, Mali i Zi dhe Maqedonia e Veriut u kanë bërë thirrje qytetarëve të vet që përkohësisht të lëshojnë Ukrainën po ashtu.

Autoritetet e Kosovës deri më tani nuk kanë bërë ndonjë thirrje të tillë.

Më herët, të shtunën, u bë e ditur se Shtetet e Bashkuara do të evakuojnë Ambasadën e tyre në Kiev pasi zyrtarët e inteligjencës amerikane paralajmërojnë se një pushtim rus i Ukrainës është gjithnjë e më i afërt.

Masa e re vjen pasi Uashingtoni ka përshkallëzuar paralajmërimet për një pushtim të mundshëm rus të Ukrainës, duke thënë se mund të ndodhë në çdo moment.

Një operacion i madh ushtarak kundër Ukrainës mund të fillojë “çdo ditë tani”, madje edhe para përfundimit të Lojërave Olimpike Dimërore, tha më 11 shkurt këshilltari për sigurinë kombëtare i Shtëpisë së Bardhë, Jake Sullivan.

Ai u bëri thirrje të gjithë amerikanëve që të largohen menjëherë nga Ukraina.

“Nëse qëndroni, po rrezikoni”, tha ai.

Rusia ka mohuar se grumbullimi prej më shumë se 100,000 ushtarësh dhe pajisjeve ushtarake në zonat afër kufirit me Ukrainën është paralajmërim për një pushtim të mundshëm.

KESCO bën me dije që dje ka dorëzuar propozimin në ZRrE që vendimi për për hyrjen në fuqi të tarifave të reja të mos zbatohet nga data 9 Shkurt 2022, por të nisë së zbatuari në ciklin e ardhshëm të faturimit.

Ky propozim ka ardhur si rezultat i veshtirësive që të bëhet prerja e gjendjes së leximit në një ditë për të gjithë konsumatorët tanë në Republikën e Kosovës.

Ne synojmë që me këtë propozim të shmangim kofuzitetin e konsumatorëve në faturimin e këtij muaji duke zbatuar në të njëjtën faturë tarifat e deritanishme me tarifat e reja.

Nëse ZRrE-ja do ta marrë për bazë këtë propozim, atëherë faturimi i tanishëm do të zbatohet me tarifat e vjetra për të gjithë konsumatorët.

“Pavarësisht kërkesës se lartë për energji elektrike në ketë muaj dimri, KESCO është e angazhuar të mbartë kostot përkatëse, si lehtësim për konsumatorin.

Të njëjtën kohë, KESCO do të fillojë një fushatë masive për të këshilluar konsumatorët që si të përdorin pajisjet e tyre më së miri në mënyrë që ta përballojnë sa më lehtë periudhën e faturimit me tarifa të reja” thuhet në komunikatën e KESCO-s./FrontOnline

Asociacioni i Gazetarëve të Kosovës me pikëllim të thellë ka pranuar lajmin për vdekjen e kameramanit, Isak Ilazi.

Ai kishte punuar si kameraman në disa televizione lokale, teksa së fundmi ishte i angazhuar si kameraman në TV Tema.

“Ilazi do të kujtohet gjithmonë për profesionalizmin dhe përkushtimin në punë, andaj Asociacioni i Gazetarëve të Kosovës e vlerëson lartë kontributin që ai dha për komunitetin. AGK-ja u shpreh ngushëllime familjarëve, miqve dhe kolegëve të tij”, thuhet në telegramin e ngushëllimit.

Grupi organizativ i protestës “Asnji cent ma shumë” ka njoftuar se do të mbahet një protestë në kundërshtim të shtrenjtimit të faturave të energjisë elektrike. Protesta, siç njofton grupi, do të mbahet më 22 shkurt, ditë e martë.

Një gjë e tillë u bë e ditur nga vetë grupi protestues nëpërmjet një komunikate për media, duke thënë se “protesta mbetet e vetmja rrugë” për kundërshtimin e vendimit të ZRRE-së.

“Ky vendim i cili për përfundim e ka vetëm varfërimin e shtresave më të ulëta ekonomike, nuk do të tolerohet. Të indinjuar/a e shqetësuar/a me këtë vendim zhvatës, ne do të vazhdojmë kundërshtimin tonë. Në këto kushte, protesta mbetet e vetmja rrugë që ta parandalojmë barrën që mundohen të na ngarkojnë Qeveria e Kosovës përmes ZRrE-së e me KEDS-in”, thuhet në njoftim.

Protesta do të fillojë nga sheshi “Zahir Pajaziti” dhe do të mbarojë tek objekti i Qeverisë, sipas njoftimit.

Njoftimi i plotë:

Të dashur/a qytetarë/e të Kosovës,

Ftoheni të merrni pjesë në protestën kundër shtrenjtimit të rrymës në Kosovë më datën 22 shkurt 2022, e marte nga ora 12:00 në Prishtinë.

Nga 9 shkurti 2022, me vendimin e ZRrE-së për vendosjen e bllok tarifës, çmimi i rrymës është shumëfishuar. Nëse një ekonomi familjare ka shpenzuar mbi 800 kWh rrymë, çmimi i energjisë elektrike do t’i rritet nga 40% deri në 130%. Një pjesë të kësaj rritjeje ne do e paguajmë direkt përmes faturës së rregullt e pjesën tjetër do e paguajmë përmes parasë tonë publike. Kjo pasiqë Qeveria ka vendosur që 90 milionë euro tonat t’i shkojnë KEDS-it përmes subvencionimit. Në të gjitha format, ne po paguajmë që KEDS e KESCO të vazhdojnë ta rrisin fitimin edhe në kohë krize.

Vendimi i marrë nga ZRrE-ja i shkon për shtat veç sektorit privat, i cili vazhdon të pasurohet, pavarësisht krizave,. E gjithë kjo në kurrizin tonë. Sipas propozimit, çmimi i energjisë për bizneset nuk rritet fare. Kjo i bie se një familje mesatare në Kosovë që synim e ka jetesën apo edhe mbijetesën, paguan edhe për bizneset që synim e kanë qarkullimin e fitimin.

KEDS-it nuk i mjaftojnë 17 milion euro fitim në vit por e ka bërë argat ZRrE-në dhe Qeverinë e Kosovës që nga ky vit kësaj kompanie private t’i shumëfishohet fitimi. E gjithë kjo nga buxheti, edhe ashtu i dërrmuar, i qytetarëve/eve të Kosovës.

Ky vendim i cili për përfundim e ka vetëm varfërimin e shtresave më të ulëta ekonomike, nuk do të tolerohet. Të indinjuar/a e shqetësuar/a me këtë vendim zhvatës, ne do të vazhdojmë kundërshtimin tonë. Në këto kushte, protesta mbetet e vetmja rrugë që ta parandalojmë barrën që mundohen të na ngarkojnë Qeveria e Kosovës përmes ZRrE-së e me KEDS-in.

Andaj, ju ftojmë që të martën, duke filluar nga ora 12:00, të mlidhemi e ta kundërshtojmë këtë padrejtësi të radhës ndaj nesh. Protesta nisë tek sheshi “Zahir

Pajaziti” dhe përfundon tek ndërtesa e Qeverisë dhe ka dy kërkesa kryesore:

1.Anulimi i vendimit të ZRrE-së për vendosjen e bllok tarifës;

2. Nacionalizimi i KEDS-it

Dil e protesto!

Kryetari i Kuvendit, Glauk Konjufca, ka pritur ish-presidentin e Kroacisë, Stjepan Mesiq, të cilin e falënderoi për përkrahjen e fuqishme që i ka dhënë pavarësisë së Kosovës.

Madje, Konjufca i tha Mesiqit që kur të vijë në Kosovë, ta konsideroj këtë shtet si shtëpinë e tij.

“Kroacia dhe ju keni dhënë një kontribut të çmueshëm për Kosovën. Ne me Republikën e Shqipërisë jemi vëllezër, kemi marrëdhënie vëllazërore, por kemi fat që kemi miq si ju. Kosovën konsideroni si shtëpinë tuaj”.

Edhe Mesiq falënderoi Konjufcën për pritjen që i bëri.

Takimi mes tyre filloi në ora 11:00 derisa mediat u lejuan që të marrin vetëm pamje në fillim./FrontOnline

Qeveria amerikane, më saktësisht Departamenti i Punëve të Brendshme ia besoi krijimin e një programi që i shërben ushtrisë amerikane kosovarit Xhafer Rama.

Në mesin e qindra aplikantëve, në maj të vitit 2017, në moshën 24-vjeçare ai arriti që me punën e tij t’i bashkohet Agjencisë Kombëtare Hapësinore Amerikane, që njihet me akronimin NASA.

I kishte kaluar të gjitha testet, e kur erdhi deri të procedura për të marrë “çelësin” që i hapte dyert e zyrave në NASA, në sistem nuk figuronte Kosova

“Ka qenë interesant, sepse kur unë shkova me marr atë bexhin, ose me u aksesu në zyrat e NASA-s ishte e nevojshme me pas atë bexh, por unë isha personi i parë prej Kosovës, edhe nuk e kanë pasur Kosovën të listuar në njërën prej opsioneve me u pajis me bexh”, rrëfen Rama.

Inxhinieri softuerik, Xhafer Rama nga Turuqica e Podujevës është i pari shtetas nga Kosova që në sistemin e NASA-s bëri të mundur të njihej edhe Republika e Kosovës si shtet.

“Është dasht me prit gjithë ditën, për me u vendos Kosova në listë edhe me marrë unë bexhin. Për fat të mirë edhe emrin e Kosovës e kanë vendos si njërën prej opsioneve të shteteve për më hy në NASA”, tregon Rama.

Ai ka rrëfyer për Telegrafin gjithë përvojën e tij në këtë institucion prestigjioz dhe punën që bëri në shërbim të Departamentit amerikan për Punë të Brendshme.

Inxhinieri softuerik, Xhafer Rama

“Na kemi lansuar një platformë që i shërben Ministrisë së Brendshme të Amerikës. Kjo platformë e ka pasur për synim t’i marrim të gjitha të dhënat e sëmundjes që quhet ‘Chikungunya’. Tash çdoherë kur të zbarkojnë trupat amerikane, njëra prej gjërave që i kontrollojnë është edhe a është ajo njëra prej zonave të prekura nga kjo sëmundje, e që e kanë përdorë këtë platformë”, shpjegon ai, duke shtuar se pas një viti punë u lansua platforma.

Inxhinieri softuerik, Xhafer Rama

Në shkopin e një astronauti në bazën e NASA-s është shkruar emri i Xhafer Ramës për nder të suksesit që pati platforma e krijuar nga ai.

“Kjo platformë e ka marrë vendin e parë prej platformave më të përdorura e më të suksesshme në bazën e NASA-s në vitin 2018. Si shpërblim emri im është shkru në shkopin e një astronauti dhe është në ndërtesën e 33-të të NASA-s”, thekson ai.

Inxhinieri softuerik, Xhafer Rama

Deri në NASA, Rama arriti pas bursës që kishte fituar dhe shumë projekteve që kishte krijuar gjatë studimeve.

Synimi i tij është të fuqizojë edhe gjeneratat e reja në Kosovë në fushën e teknologjisë, ndërkaq ka në plan edhe projekte të mëdha në lidhje me këtë përkrahje që do tu jap të rinjve në Kosovë. /Telegrafi/