Policia ka pranuar një telefonatë anonime se në Stacionin e Autobusëve në Prishtinë, është vendosur mjet shpërthyes.

Informata është pranuar në ora 15:00, derisa Policia i tha KOHËS se janë marrë të gjitha masat e sigurisë.

“Menjëherë policia ka ndërmarr të gjitha masat e sigurisë në atë zonë. Në një perimetër të caktuar ka evakuuar qytetarët, ndërkohë që janë angazhuar njësitet përkatëse për trajtimin e informatës. Informata është trajtuar nga ana e policisë”, thuhet në njoftimin policor.

Raportime të tilla për mjete shpërthyese te Stacioni i Autobusëve ka pasur edhe më parë.

Presidenti i FFK-së, Agim Ademi në një intervistë për RTV Dukagjinin ka zbuluar se janë në javën e fundit kur do të përcaktojnë se kush do të marrë drejtimin e Përfaqësueses së Kosovës.

Që prej shkarkimit të Bernard Challandes në muajin tetor, Dardanët kishin filluar bisedimet me disa trajnerë, derisa në krye të Dardanëve përkohësisht ishte vendosur Primoz Gliha.

Në lidhje me ardhjen e trajnerit të ri, Ademi ka deklaruar se ata janë në finalizim të marrëveshjes dhe brenda pak ditësh do të mësohet edhe emri.

“Është java e fundit, besoj se do ta përfundojmë këtë çështjen e trajnerit”, ka deklaruar fillimisht Ademi për RTV Dukagjinin.

“E kemi bë një komision bashkë me Komitetin Ekzekutiv që i kemi ndarë pesë emrat e fundit të cilët i kemi konsideruar më të mirët për ne. Janë gjermanë, zviceranë, francezë, polakë, belg dhe holandezë”.

Në fund, Ademi tha se ndihet i nderuar që kaq shumë emra kanë garuar për të marrë drejtimin e Dardanëve, teksa zbuloi se në mesin e tyre nuk kishe aplikuar asnjë shqiptar.

Ministria e Punëve të Jashtme dhe Diasporës (MPJD) ka hartuar strategjinë për njohje të reja. Krahas kësaj, Kosova shumë shpejtë pritet të vendosë edhe marrëdhënie bilaterale me disa shtete.

Këto i bëri të ditura, zëvendësministri i Punëve të Jashtme dhe Diasporës, Kreshnik Ahmeti.

Në tryezën e diskutimit të organizatës joqeveritare “PIPS”, Ahmeti, sa i përket anëtarësimeve në organizata ndërkombëtare dhe njohje të reja tha se s’ka moratorium.

“Kemi vendosur një listë prioritetesh dhe kur të është koha e duhur do të aplikojmë”, tha ai të martën.

Duke paraqitur punën e diplomacisë në 1 vit qeverisje, Ahmeti tha se qëllim më i madh ka qenë funksionalizimi dhe riorganizimi i MPJD-së.

Më kritike për punën e diplomacisë kosovare u shpreh nënkryetarja e PDK-së, Vlora Çitaku.

Ndërkohë, profesori në Universitetin e Dublinit, Gëzim Visoka, tha se në vitin 2021 s’ka pasur zhvillime në politikën e jashtme dhe më shumë ka pasur politika të mirëmbajtjes së raporteve.

Agjencia e Statistikave të Kosovës kishte vlerësuar se viti 2021 kishte qenë viti me rritjen më të madhe të çmimeve. Por, rritje të çmimeve po vërehen edhe në fillim të vitit 2022.

Radio Evropa e Lirë më 14 shkurt ka vizituar Tregun e Gjelbër dhe disa dyqane ushqimore në Prishtinë, ku janë vërejtur rritje çmimesh të pemëve dhe perimeve e produkteve të tjera bazike në krahasim me periudhën e njëjtë të vitit të kaluar.

Çmimi i specave pa djegës për kilogram në një dyqan ushqimor në Prishtinë është 3.49 euro. Sipas të dhënave të Agjencisë së Statistikave të Kosovës, në muajin shkurt të vitit 2021, çmimi mesatar i këtij produkti kishte qenë 2.14 euro.

Në Tregun e Gjelbër në Prishtinë, një kilogram domate po shitet për 1.50 euro, teksa në një dyqan çmimi ishte 1.99 euro. Sipas të dhënave të Agjencisë së Statistikave të Kosovës, një kilogram domate në shkurt të vitit 2021 mesatarisht shitej për 1 euro.

Në një tezgë janë ekspozuar mandarina dhe çmimi i tyre është 80 centë për kilogram.

Në Tregun e Gjelbër në Prishtinë, ky lloj i mollave po shitet për 50 centë kilogrami. Sipas çmimeve mesatare të shkurtit të vitit 2021, çmimi i këtij produkti ishte më i shtrenjtë, përkatësisht 68 centë.

Në Tregun e Gjelbër, çmimi për një kilogram portokaj është 60 centë.

Përveç çmimeve fikse për molla, ka edhe oferta të tilla, sikurse kjo në Tregun e Gjelbër, ku 3 kilogramë të këtij lloji të mollës mund të blihen për 2 euro.

Një lakër në këtë tezgë të Tregut të Gjelbër kushton 50 centë.

Një kilogram patate në këtë tezgë të Tregut të Gjelbër po shitet për 50 centë. Vitin e kaluar, referuar çmimeve mesatare për muajin shkurt, ky produkt shitej për 51 centë.

Lirim i çmimeve vërehet te limonët. Në një tezgë në Tregun e Gjelbër ky produkt po shitet për 80 centë për një kilogram. Vitin e kaluar, çmimi mesatar i këtij produkti ishte 1.12 euro.

Një kilogram spec djegës në një dyqan ushqimor të Prishtinës po shitet për 2.79 euro.

Në këtë tezgë në Tregun e Gjelbër, kilogrami i qepës së kuqe po shitet për 80 centë.

Në këtë tezgë të Tregut të Gjelbër, çmimi i një kilogrami spinaq është 1 euro.

Një kilogram qepë në Tregun e Gjelbër po shitet për 50 centë.

Çmimi i një kilogrami fasule në Tregun e Gjelbër është 2.50 euro. Sipas të dhënave të Agjencisë së Statistikave të Kosovës, çmimi mesatar i këtij produkti në shkurtin e vitit të kaluar ishte 2.55 euro.

Në një dyqan në kryeqytet, çmimi për 900 gramë oriz është 95 centë. Vitin e kaluar, çmimi mesatar ishte 1.39 euro.

Çmimi i një kilogrami banane në një dyqan në Prishtinë është 1.19 euro. Sipas të dhënave të Agjencisë së Statistikave të Kosovës, çmimi mesatar i këtij produkti në shkurtin e vitit të kaluar ishte 1.13 euro.

Një pako prej 900 gramësh sheqer në një dyqan në Prishtinë po shitet për 89 centë. Vitin e kaluar, referuar çmimeve mesatare për muajin shkurt, një kilogram i këtij produkti shitej për 70 centë.

Çmimi i pesë kilogramëve miell në një dyqan në Prishtinë është 3.85 euro. Sipas të dhënave të Agjencisë së Statistikave të Kosovës, çmimi mesatar i këtij produkti në shkurtin e vitit të kaluar ishte 51 centë për kilogram.

Në Qendrën Klinike Universitare të Kosovës janë dorëzuar 675 shtretër spitalorë nga Agjencia Japoneze për Bashkëpunim Ndërkombëtar në kuadër të Projektit për Zhvillimin e Kapaciteteve Kundër Sëmundjeve Infektive, përfshirë COVID-19.

Gjatë ceremonisë, Ministri i Shëndetësisë, Rifat Latifi ka falënderuar Japoninë për këtë dhuratë.

“Përmirësimi i kujdesit shëndetësor është prioritet i Qeverisë. Qeveria dhe Ministria e Shëndetësisë është falënderuese për këtë përkrahje, edhe vetë qytetarët të cilët gjithmonë kanë gjetur mbështetje për kërkesa konkrete tek Qeveria dhe populli japonez. Kontribut si ky, do të ketë ndikim të drejtpërdrejt në cilësinë e shërbimeve”, tha Latifi.

Ndërkohë, ambasadori Keisuke Yamanaka i Ngarkuar me Punë i Ambasadës së Japonisë në Kosovë, tha se dhurimi i këtyre shtretërve është shenjë shoqërie dhe e dashurisë për popullin e Kosovës.

Shtretërit janë vendosur nëpër spitale rajonale dhe në disa klinika të QKUK-së, si kirurgji, pediatri, neurologji e mjekësi sportive. Pas cerëmonisë, do të vizitohen klinikat që kanë përfituar shtretërit.