Ka filluar të bie numri i rasteve aktive me koronavirus në Kosovë. Aktualisht në vend janë 9 mijë e 461 raste aktive me COVID-19.

Bazuar në të dhënat e Institutit Kombëtar të Shëndetësisë Publike të Kosovës (IKShPK) Prishtina ka numrin më të lartë të rasteve pozitive. Aktualisht në kryeqytet janë 2 mijë 162 raste aktive, e më pas Peja me 686 raste e Ferizaj me 623 raste si dhe komuna tjera me qindra e dhjetëra raste.

Ndërkohë që në raportin e fundit IShPK njoftoi për dy raste të vdekjes dhe 373 raste të reja pozitive me COVID-19.

Sot është shënuar a19-vjetori i Ditës së Flamurit të komunitetit ashkali.

Qazim Rrahmani nga Partia e Ashkalinjve për Integrim ka thënë se nuk kanë pasur përkrahje për këtë ditë nga ana e qeverisë.

“Është ligji për promovimin e të drejtave të komunitetit, sot ka qenë dita jonë nacionale, shteti e ka për obligim të promovojë, të financojë qoftë edhe aktivitetet tona për festën tonë, kjo nuk ka ndodhur në këtë festë e as në të kaluarën, qeveria nuk ka financuar aktivitetet tona për festën tonë nacionale”, ka thënë Rrahmani në Edicioni Special.

“Qeveria nuk e ka përkrahur ditën e komunitetit ashkali, duhet ta themi publikisht… Me mospërkrahjen e tij, nuk na ka lënë me festu festën qysh duhet”, ka shtuar ai.

Ai tha se kjo festë e gjen të lumtur komunitetin për festën, por jo edhe për kushtet e jetesën në Kosovë.

Sipas Rrahmanit për një vjet qeverisje, nga qeveria Kurti nuk janë marrë parasysh kërkesat e këtij komuniteti, dhe sipas tij, është ndaluar edhe projekti, që ishte miratuar nga qeveritë e kaluara, për ndërtimin e disa shtëpive, me pretekstin, sic thotë ai se kishte keqpërdorime të tenderimit.

“Për një vjet qeverisje, kërkesat e komunitetit ashkali nuk ka ecur përpara, janë ndërprerë projekti i shtëpive. Me ardhjen e qeverisë Kurti është ndërprerë ky projekt, arsyeja sipas tyre është se ka pasur keqpërdorim në tenderim, ne nuk e dimë, por njerëzit janë jashtë, edhe shtëpitë që i kanë pasur i kanë prishur duke menduar se kanë me hy në të rejat, tash nuk e kanë asnjërën”, ka vazhduar ai.

“Ose rifillo projektin ose paguaja qiranë atyre njerëzve”, ka shtuar ai.

Madje Rrahmnai tha se nëse do të vazhdojë kjo qasje e qeverisë ndaj këtij komuniteti, do ta rishikojnë edhe munësinë për të dalë nga koalicioni.

“Do ta rishikojmë koalicionin nëse kjo qasje vazhdon kështu, nuk merren parasysh kërkesat e këtij komunitetit”, ka thënë ai.

Sot, sipas Rrahmanit ashkalinjtë janë komuniteti më i diskriminuar, më i varfër e më i anashkaluar, krahasuar me komunitetet tjera në Kosovë, sidomos me atë serb.

“Kanë menduar që vetëm për kafshatën e bukës të ndihmohet ky komunitet, por jo ky komunitet ka probleme më të mëdha, kërkojmë punësim, infrastrukturë, banim të qëndrueshëm”, ka shtuar ai./klankosova

Sot në vendin tonë do të mbajë mot i vranët dhe me intervale me diell. Instituti Hidrometeorologjik i Kosovës ka paralajmëruar reshje shiu dhe ulje të temperaturave, raporton Sinjali.

Sipas IHMK-së, në fushat barike parashihen rënie të lehta dhe këto ndryshime do të mundësojnë mot të paqëndrueshëm duke sjellë reshje shiu dhe ulje të temperaturave, kryesisht maksimaleve të ditës.

“Reshjet më intensive priten në veriperëndim, perëndim dhe qendër të vendit, ndërsa pjesa lindore dhe juglindore parashihet të ketë reshje të intensitetit të dobët deri mesatar. Nuk përjashtohen mundësit që në viset malore (Alpet shqiptare dhe malet e Sharrit) të ketë reshje bore.

Temperaturat minimale do të lëvizin ndërmjet 0-4 gradë Celsius, ndërsa maksimalet e ditës parashihet të lëvizin ndërmjet 8-13 gradë Celsius. Në viset malore temperaturat do të jen për 2-4 gradë më të ulëta se sa në viset mesatare dhe të ulëta. Do të fryjë erë nga veriperëndimi dhe jugperëndimi me shpejtësi 1-7m/s.”

Në matjet e fundit të opinionit publik rezulton se kryeministri i vendit Albin Kurti është lideri më i preferuar politik i kosovarëve.

Sipas hulumtimit të realizuar nga PIPOS, del se Kurti është më i pëlqyeri me 28.90%.

Në hulumtimin që u prezantua në Rubikon, del se pas Kurtit i dyti renditet kryetari i LDK-së, Lumir Abdixhiku me 18.60%.

Pas Abdixhikut, në rend është kryetari i PDK-së, Memli Krasniqi me 13.30%.

Teksa, presidentja e vendit Vjosa Osmani del të jetë e preferuar për 7.30 % të kosovarëve.

Të dhënat tjera mund t’i gjeni në foton më poshtë. /Reporteri.net/

Kryetari i Partisë Demokratike të Kosovës, Memli Krasniqi ka reaguar pas publikimit të Raportit të Indeksit Botëror të Lirisë Ekonomi, ku Kosova është zhvendosur në vendin e 86-të.

Lideri i PDK-së ka kritikuar ashpër qeverinë Kurti lidhur me këtë, ku ka thënë se kjo qeveri po e lëkund rendin demokratik në vend dhe për shkak të këtij stagnimi, të rinjtë kosovarë kanë filluar ta braktisin me të madhe Kosovën.

“Fatkeqësisht, për shkak të këtij stagnimi, të rinjtë tanë kanë filluar ta braktisin me të madhe Kosovën. Ky është sinjal alarmues për të gjithë ne, e do të duhej të ishte alarm 24 orësh për qeverinë Kurti, e cila për çdo ditë po e çon Kosovën një hap më tutje drejt mjerimit e pasigurisë sociale”, ka thënë ai.

Postimi i plotë i Krasniqit:

“Nuk ka liri politike, pa liri ekonomike. Ky raport fundamental i një rendi demokratik për të cilin jemi përpjekur vazhdimisht, ka filluar të lëkundet me hapa radikal nga qeveria Kurti.

Në vitin 2018, në vlerësimin e think-tankut të njohur e të respektuar ndërkombëtarisht me qendër në SHBA, Heritage Foundation, përkatësisht në Raportin e Indeksit Botëror të Lirisë Ekonomike, Republika e Kosovës rangohej në vendin e 56-të, duke lënë mbrapa shumë demokraci të zhvilluara, si Spanja, Sllovenia, Kroacia, Franca e të tjera.

Në vitin 2019, rangimi i Kosovës listohej në vendin e 51-të. Në vitin 2020, në vendin e 53-të, ndërsa në vitin 2021, në vendin e 58-të. Trendi i lëvizjes ishte dinamik, por ai nuk dilte jashtë parametrave të një shteti që krijonte klimë të mirëfilltë për ndërmarrësinë dhe lirinë ekonomike.

Fatkeqësisht, Raporti i vitit 2022, Kosovën e nxjerr nga parametrat e lirisë ekonomike duke e zhvendosur në vendin e 86-të, pra plot 28 vende më keq, aty ku fillon të shënohet vija në mes demokracive dhe regjimeve politike. Dhe këtë, për vetëm një vit qeverisjeje të pa vizion e pa agjendë zhvillimore të qeverisë Kurti.

Se cili është trendi i qeverisjes dhe cilësia e qeverisjes së Kosovës sot për sot, më së miri e ilustron kjo përmbysje rapide e statusit të lirisë ekonomike. Për më tepër, kur dihet se në këto raporte, nuk pasqyrohet vetëm liria ekonomike si entitet i veçantë por edhe korrelacioni me faktorë substancial si gjendja e arsimit, shëndetësisë, mirëqenies, ambientit, inovacionit dhe zhvillimit shoqëror, stagnimi i Kosovës bëhet edhe më i qartë.

Fatkeqësisht, për shkak të këtij stagnimi, të rinjtë tanë kanë filluar ta braktisin me të madhe Kosovën. Ky është sinjal alarmues për të gjithë ne, e do të duhej të ishte alarm 24 orësh për qeverinë Kurti, e cila për çdo ditë po e çon Kosovën një hap më tutje drejt mjerimit e pasigurisë sociale”, ka shkruar Krasniqi.

“Këtë vit do të ketë rritje të mbështetjes përmes subvencioneve për shumicën e kulturave bujqësore, mirëpo rritjen më të madhe do ta kenë kultivuesit e perimeve me 100 % nga sa ishte vlera e subvencionimit kur morëm nën udhëheqje Ministrinë e Bujqësisë, duke parë potencialin për zhvillimin e mëtutjeshëm të perimtarisë dhe duke krahasuar me importet e prodhimeve bujqësore që hyjnë në Kosovë cdo vit”, kështu e nisi bisedën Ministri i Ministrisë së Bujqësisë, Pylltarisë dhe Zhvillimit Rural, Faton Peci gjatë takimit me perimtarin nga komuna e Podujevës.

Ministri gjatë kësaj vizite njoftoi se jemi në finalizim të Programit për Pagesa Direkte – Subvencione për vitin 2022 dhe Programit për Zhvillim Rural – Grante që planifikohen të aprovohen gjatë muajit Mars të këtij viti, ku përmes politikave mbështetëse dhe masave përkatëse synojmë të mundësojmë si ngritjen e pikave të reja grumbulluese, ashtu edhe ngritjen e kapaciteteve të tyre.

“Këtë vit do të subvencionojmë 75% të vlerës së Primit të Sigurimit. Subvencionimi i Primit të Sigurimit bëhet për kulturën e mollës, qershisë, misrit, fasules, dardhës, specit, kumbullës, mjedrës, vishnjes, dredhëzës, arrës, rrushit, si dhe për primin e sigurimit “tradicional” bujqësor tek kultura e mollës – pemishte intenzive, specit – kultivimi intenziv dhe rrushit të verës”, shtoi Ministri Peci.

Gjithashtu, Ministri Faton Peci i siguroi bujqit se ata nuk do të presin për kompenzim siç kanë pritur rëndom, por do paguajnë vetëm pjesën e tyre pasi që MBPZhR-ja do të kryejë pagesën drejtëpërdrejtë me kompanitë e sigurimit.