Mbreti i Arabisë Saudite, Salman bin Abdulaziz dhe Princi i Kurorës Mohammed bin Salman, kanë uruar Republikën e Kosovës për Ditën e Pavarësisë me një telegram urimi drejtuar presidentes Vjosa Osmani.

Ata i uruan qytetarët e Kosovës për progres dhe prosperitet.

“Është kënaqësi për mua t’ju dërgoj Shkëlqesisë Suaj dhe popullit të respektuar të Kosovës urimet tona të sinqerta me rastin e Ditës suaj të Pavarësisë. Besoj se do t’i përcillni popullit tuaj pjesëmarrjen e popullit të Emirateve të Bashkuara Arabe në këtë rast të veçantë”.

Kryeministri Albin Kurti ka thënë se shtrenjtimi i energjisë ishte shumë më i vogël për xhepin e qytetarëve sesa për paratë e tyre të përbashkëta.

Ai po thotë se kjo po i dhemb meqë ato para do të mund t’i shfrytëzonte për të mirën e qytetarëve në shumë fusha të tjera ku ka nevojë, prandaj edhe për këtë bëri thirrje për kursim të rrymës.

“Energjia elektrike te ne është shtrenjtuar, por më duhet të them se te xhepi i qytetarëve kemi një shtrenjtim minimal. Shtrenjtimi është shumë më i madh në xhepin e shtetit sesa në atë të qytetarit, përkatësisht te subvencionimi. Në fillim ndamë 20 milionë euro, më pas 10 milionë dhe tash jemi zotuar për 90 milionë që shpresoj që nuk do të na duhet t’i përdorim. Kuleta e shtetit, paratë e së cilës janë të qytetarëve, e ka paguar shumë më tepër sesa xhepi i qytetarit dhe kjo më dhemb më shumë, sepse ato do të kishim mundur t’i përdorim në fusha të tjera për qytetarët tonë”.

Kurti tha se mosndërtimi dhe mosriparimi i kapaciteteve në këto dy dekada, që u kombinua me shtrenjtimin e energjisë në bursat ndërkombëtare, ka bërë që të ketë një kosto të jashtëzakonshme edhe në Kosovë.

Kryeministri, duke komentuar deklaratën e tij në Kuvend se rryma është e lirë, në televizionin publik tha se edhe kur energjia elektrike është e lirë është mirë të jetë edhe më lirë, por se në kriza ndërkombëtare duhet shpeshtuar thirrjet për kursim.

“Sa më shumë të kursejnë qytetarët, sepse në këtë mënyrë e kursejnë edhe xhepin e tyre edhe kuletën e shtetit. Në kushtet kur ndodhesh në krizë ndërkombëtare dhe në kushtet kur konsumi është mbi dyfishin e gjenerimit, domosdoshmërisht duhet të bëjmë thirrje për kursim të energjisë. Ne e kemi pasur rrymën më lirë në krahasim me vendet tjera dhe ka mundur të jetë shumë më lirë sikur t’i kishim riparuar me kohë”.

Kryeministri i Kosovës, Albin Kurti, nuk ka treguar nëse ka presion ndërkombëtar për një marrëveshje finale me Serbinë, por vetëm tha se partnerët po kërkojnë nga Kosova që të jetë aktive dhe konstruktive në dialog.

“Neve partnerët dhe miqtë ndërkombëtarë, aleatët tanë, vijnë dhe na mbështesin për Kosovën e pavarur dhe sovrane, me integritet territorial dhe shtetësi funksionale, por në të njëjtën kohë kërkojnë prej nesh që të jemi aktivë dhe konstruktivë në dialog, gjë që ne e bëjmë. Në bisedimet që zhvillohen në Bruksel, ne kemi qenë të përkushtuar, jo thjesht për një dialog për hir të dialogut, por për dialog për marrëveshje, e cila duhet ta ketë në qendër njohjen reciproke. Kushtetuta e Kosovës dhe Kushtetuta e Serbisë nuk janë në pajtueshmëri me njëra-tjetrën, por ne besojmë se është ajo e Serbisë që duhet të ndryshojë dhe me durim dhe angazhim të palodhshëm përpiqemi që të kemi sa më shumë miq në arenën ndërkombëtare për këtë qëllim tonin”.

Ai, në një intervistë në televizionin publik, tha se me njohjen e Pavarësisë së Kosovës nuk fiton vetëm Kosova, por edhe Serbia.

“Edhe Serbia çlirohet nga një ëndërr hegjemonike që në fakt gjithmonë është shndërruar në makth për fqinjët e saj. Besoj që ky është viti, në të cilin do të mund të intensifikohen bisedimet, pasi duket që edhe në Serbi e kanë kuptuar që nuk ka më kthim në të kaluarën, andaj do të duhet ta pranojnë pavarësinë e Kosovës, në mënyrë që të avancojnë integrimet evropiane. Neve na pengojnë pesë shtetet mosnjohëse që të integrohemi në Bashkimin Evropian, por Serbia e ka të pamundur që të integrohet në BE pa e njohur Kosovën”.

Një 70-vjeçar është arrestuar sot në mesditë në Graçanicë.

G.N. dyshohet për dhunë në familje dhe armëmbajtje pa leje.

Policia po ashtu i ka konfiskuar dy armë dhe 52 fishekë.

I dyshuari është dërguar në mbajtje.

Instituti Hidrometeorologjik i Kosovës ka bërë të ditur temperaturat për dy ditët e ardhshme në Kosovë.

Sipas këtij instituti, në dy ditët e ardhshme pritet të mbajë mot i vranët dhe me intervale me diell.

Temperaturat minimale do të lëvizin ndërmjet 0-4 gradë Celsius, ndërsa maksimalet e ditës parashihet të lëvizin ndërmjet 14-17 gradë Celsius.

Do të fryjë erë e lehtë nga drejtime të ndryshme.

Ambasadorja e Kroacisë në Kosovë, Danijela Barisic ka shpërndarë një fotografi ku flamuri kosovar ndriqohet në shatërvanin e Zagrebit.

Krahas fotografisë së postuar në rrjetin social twitter, Barisic ka shkruar ‘Gëzuar ditën e pavarësisë’.

Po ashtu, presidenti i Kroacisë, Zoran Milanovic i ka shkruar letër urimi për ditën e pavarësisë Presidentes së Kosovës, Vjosa Osmani.

Kosova sot feston 14-vjetorin e shpalljes së Pavarësisë. Të dielën e 17 shkurtit 2008 në orën 15:39 në Kuvendin e Kosovës u lexua Deklarata e Pavarësisë.

Nga ai moment, Kosova u shpall e pavarur, duke u bërë shtet sovran, me institucione të pavarura dhe me simbole unike shtetërore brenda Ballkanit Perëndimor.

https://twitter.com/danijelabarisic/status/1494363802720210944?ref_src=twsrc%5Etfw%7Ctwcamp%5Etweetembed%7Ctwterm%5E1494363802720210944%7Ctwgr%5E%7Ctwcon%5Es1_&ref_url=https%3A%2F%2Fwww.gazetaexpress.com%2Fflamuri-kosovar-ndricohet-ne-shatervanin-e-zagrebit%2F

Ish-luftëtari i UÇK-së, Daut Haradinaj, në 14 vjetorin e Pavarësisë ka uruar bashkëluftëtarët, Hashim Thaçin, Kadri Veselin, Jakup Krasniqin dhe Rexhep Selimin, që gjenden në Hagë.

Në një shkrim në Fcebook, Haradinajt shkruan se është i bindur që pafajësia e tyre do të dëshmohet nga gjykata.

“Në mungesë të padrejtë, urime Pavarësinë e Kosovës çlirimtarëve që mbahen në Hagë”.

“I bindur në pastërtinë e luftës tonë çlirimtare dhe në pafajësinë tuaj që besoj që shpejt do e vërtetojë drejtësia”, tha ai.

Ndryshe, të enjten, 17 shkurt, Kosova ka shënuar 14-vjetorin e shtetësisë së saj.

Kosova ka shpallur pavarësinë më 17 Shkurt të vitit 2008.