Bërnabiqit i duket provokim paraqitja e Kosovës si shtet në Samitin e Tiranës

Kryeministrja e Serbisë, Ana Bërnabiq i ka quajtur provokim pikëpamjet e Kurtit për bashkëpunim rajonal.

Sipas saj, Kurti e paraqiti Kosovën si partnere të barabartë të Serbisë, porse ajo ka thënë se të dyja vendet nuk mund të jenë të barabarta.

Bërnabiq ka deklaruar se Serbia është e njohur dhe Kosova jo.

“Kishte disa provokime nga ana e tij në mënyrën se si e sheh bashkëpunimin rajonal. Mirëpo ai e ka marrë përgjigjen e merituar. Është mirë që këto gjëra t’i lëmë për dialogun mes Kosovës dhe Serbisë”, ka thënë ajo.