Policia e Kosovës, ka arrestuar gruan e cila e rrahu bashkëshortin e saj në Spitalin e Gjakovës, derisa ai ishte duke u trajtuar në repartin e neurologjisë.
Lajmin për FrontOnline e ka konfirmuar zëdhënësi i policisë për këtë rajon, Nysret Gjukaj.
Ai tha se pas arrestimi, e dyshuara është dërguar për trajtim në repartin e psikiatrisë, nën shoqërimin e zyrtarëve policor.
Njoftimi i plotë:
“Me datë 14.01. 2022 rreth orës 03:00 , e dyshuara kishte sulmuar fizikisht viktimën (burrin e saj), i cili është pjesërisht i pa lëvizeshim.
Rasti ka ndodhur në repartin e neurologjisë në spitalin “Isa Grezda” – Gjakovë.
Viktima ka pësuar lëndime trupore.
Viktimës i është ofruar ndihma mjekësore, si dhe mbrojtësi i viktimave është njoftuar për rastin e ndodhur, po ashtu prezent ka qene dhe punëtori qendrës sociale.
E dyshuara ( bashkëshortja) është shoqëruar në Stacionin policor, është intervistuar dhe në konsultim me prokurorin kujdestar, e njëjta mbahet në ndalim policor, por për shkak te gjendjes se saj mendore, me udhëzim te mjekut psikiatër, e njëjta është hospitalizuar në repartin e psikiatrisë , nën shoqërimin e zyrtarëve policor.
Policia për rast është njoftuar përmes një video incizimi që është pranuar nga adresa elektronike në adresën policore.