Presidenca e Kosovës ka anuluar tenderin për hartimin e planit të fizibilitetit për ndërtimin e objektin të Presidencës.
Vendimi është marrë të martën.
Zyra e Presidentes të Republikës së Kosovës anulon aktivitetin e prokurimit për arsye se janë krijuar rrethana të reja të cilat na pamundësojnë të procedojmë tutje me këtë aktivitet”, thuhet në njoftimin për anulim.
KOHA javën që shkoi ka raportuar se bazuar në dosjen e tenderit, autoritet kontraktues i të cilit është Zyra e Presidentit të Kosovës, rezidenca kërkohet që pos suitave të gjumit për presidentin\en, dhomave private për familjen, dhomave private për darka familjare, dhomave të leximit, kopshtit e oborrit privat dhe pesë dhomave mysafirësh, të ketë edhe pjesën ceremoniale, në të cilën përfshihen një sallë e madhe pritjesh dhe ballosh, një holl ceremonial, dhoma e kredencialeve, dhoma për takime dypalëshe, salla për media, si dhe biblioteka presidenciale.
Këto specifika janë vetëm disa nga hapësirat që janë kërkuar të përfshihen në planin e fizibilitetit./KOHA/
