Ministria e Arsimit ka njoftuar prindërit se afati për aplikim për subvencionimin e teksteve shkollore dhe materialeve mësimore përmes platformës e-Kosova përfundon më 03.10.2025, në orën 23:59.
Sipas njoftimit, pas këtij afati, pra nga ora 00:00 e datës 04.10.2025, aplikimet nuk do të pranohen më dhe platforma do të mbyllet.
“Që nga hapja e platformës më 15 gusht 2025 janë pranuar 203,865 aplikime, janë trajtuar 200,679 aplikime, prej tyre janë aprovuar 195,343, janë refuzuar 5336 aplikime, ndërsa në proces të verifikimit mbesin edhe 3186 aplikime. Platforma do të mbetet e qasshme vetëm për koordinatorët komunalë dhe shkollorë, deri në përfundim të trajtimit të aplikimeve të mbetura” – njofton Ministria e Arsimit, më 02.10.2025.
Ministria e Arsimit ka inkurajuar të gjithë prindërit dhe kujdestarët ligjorë që nuk kanë aplikuar ende, të përfundojnë aplikimin brenda afatit të përcaktuar, në mënyrë që fëmijët e tyre të përfitojnë nga subvencionimi i teksteve shkollore dhe materialeve mësimore.