Kryetari i komunës së Prizrenit, Shaqir Totaj, ka reaguar pas zhvillimeve të fundit në qytetin e Prizrenit duke dënuar aktin e largimit të flamurit turk nga shtyllat, akt ky i pa pranueshëm ka shkruar ai, si dhe ka përshëndetur reagimin e shpejtë të policisë në zbulimin e keqbërësve.
Postimi i plotë:
Unë si kryetar i Komunës së Prizrenit, në emër të institucioneve komunale, dënojmë aktin e largimit të flamujve turk nga shtyllat, ku i kemi vendosur ne, për nder të 14 vjetorit të Pavarësisë së Republikës së Kosovës.
Shteti mik Turqia, ka qenë dhe mbetet një ndër shtetet më mbështetëse të vendit tonë. Komuniteti turk poashtu jeton në qytetin tonë në harmoni të plotë me gjithë komunitetet e tjeta, diversiteti është vlerë e veçantë në qytetin e Prizrenit.
Akte të tilla dëmtojnë jetesën e përbashkët dhe marrëdhëniet e mira që kemi me komunitetin turk dhe shtetin e Turqisë.
Përshëndesim organet e rendit për reagimin e shpejtë ndaj kësaj dukuria të papranueshme për qytetin tonë.