Konfiskohen 500 euro në Prishtinë, dyshohet të jenë të falsifikuara

Policia e Kosovës përmes raportit 24 orësh ka njoftuar se dje është konfiskuar një monedhë prej 500 euro e cila dyshohet të jetë e falsifikuar.

Rasti ka ndodhur dje në rrugën “Hysri Talla”, në Prishtinë.

“Rr. Hysri Talla, Prishtinë, 17.02.2022 – 12:34. Ankuesi mashkull kosovar ka informuar se një klient ka bërë pagesën me monedhë prej 500 euro, që dyshohet të jetë e falsifikuar. Monedha e dyshuar është konfiskuar. Rasti nën hetime”, thuhet në raportin 24 orësh të Policisë./FrontOnline