Policia e Kosovës ka njoftuar se ka ndaluar një të dyshuar, i cili kishte ndarë në rrjete sociale një video duke vozitur makinën me shpejtësi jashtëzakonisht të madhe.
I dyshuari mendohet të ketë vozitur veturën me spejtësi prej 257 kilometra në orë, në zonën Mazgit drejt Veternikut, zonë kjo ku parashihet që shepjtësia maksimale të jetë 120 km/h.
Policia, pas identifikimit të shoferit, ka shqiptuar fletëparaqitjen për kundërvajtje duke e gjobitur me 300 euro, 3 pikë negative dhe ndalim të drejtimit të veturës me veprim motorik për 3 muaj.
“Duke u bazuar në video incizimet e publikuara në rrjete sociale ku shihet shoferi duke drejtuar automjetin në Autoudhën “Ibrahim Rugova”(Mazgit drejtimi Veternik) me shpejtësi 257 km/h në zonën ku kufizimi i shpejtësisë është 120 km/h. Është arritur që të identifikohet shoferi, ku sot me date 28.01.2022 i njëjti ka pranuar kundërvajtjen dhe në prezencën e tij është shqiptuar fletëparaqitje për kundërvajtje sipas Ligjit 05/L-088 për rregullat e trafikut rrugor, neni 56 pika 2, (gjobë 300€, 3 pikë negative dhe 3 muaj i ndalohet drejtimi i mjetit me veprim motorik)” thuhet në njoftimin e policisë.