Filmi kosovar “Zgjoi” me regji të Blerta Bashollit është futur në listën e ngushtë për nominim nga Akademia e Arteve dhe Shkencave të Filmit, ‘Oscars’, në kategorinë Filmi Ndërkombëtar me metrazh të gjatë.
Ditën e nesërme (27 janar) ndërkohë fillon votimi i nominimit për “Oscars”, ndërsa përfundon të martën (1 shkurt).
Më 8 shkurt në anën tjetër bëhet e ditur lista finale e nominimeve.
Lidhur me këtë një reagim e ka bërë edhe kryeministri i Kosovës, Albin Kurti, i cili në një postim në Twitter ka shfaqur përkrahjen e tij për filmin që ka pushtuar botën.
Tutje, Kurti thekson se ky është një film i bazuar në histori të vërtetë që përshkruan qëndresën e grave të Krushës.
“Nesër fillon votimi i nominimit për Oscar, përfshirë edhe për Hive. Ky film, i bazuar në një histori të vërtetë, përshkruan qëndresën e grave të Krushës”, ka thënë Kurti.
“Triumfi i tyre erdhi si rezultat i forcës që i dhanë njëri-tjetrit”, ka vazhduar më tej ai.
https://twitter.com/albinkurti/status/1486378809825894406?ref_src=twsrc%5Etfw%7Ctwcamp%5Etweetembed%7Ctwterm%5E1486378809825894406%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Fkryeministri-kurti-ne-perkrahje-te-filmit-zgjoi-bazuar-ne-nje-histori-te-vertete-pershkruan-qendresen-e-grave-te-krushes%2F