Kosova ia ka shpëtuar turizimin Shqipërisë, edhe gjatë vitit të kaluar, raporton Express.
Bazuar në të dhënat e INSTAT, 46 përqind e turistëve gjatë vitit 2021, kanë qenë nga Kosova.
Këto shifra e bëjnë të qartë faktin se pa turizmin patriotik, ecuria e sektorit do të ishte më e dobët. Në raport me vitin më të mirë të turizmit, 2019, Kosova është rritur me 17.5 për qind.
Rritja e ndjeshme e numrit të turistëve ka bërë që pesha e hyrjeve nga Kosova të rritet në raport me totalin.
Sipas statistikave të INSTAT, në vitin 2019, turistët nga Kosova ishin sa 35 për qind e totalit , derisa në vitin 2021, 46 për qind, pra thuajse sa gjysma e hyrjeve.
Në total në Shqipëri gjatë vitit 2021, kanë hyrë rreth 5.7 milionë turistë apo 11.2 për qind më pak sesa viti 2019.
