Policia e Kosovës ka njoftuar se ka arrestuar dy të dyshuar për posedim të 119.56 gram, substancave narkotike, të llojit marihuanë.
Kjo ngjarje ka ndodhur në Bukosh të Suharekës.
Në këtë lokacion sipas policisë janë konfiskuar edhe 9 fara të bimës kanabis sativa, një peshore digjitale, një pako rrizlla, një grinder, 37 qese të zbrazëta, dy telefona dhe vetura.
“Janë arrestuar dy të dyshuar meshkuj kosovarë pasi që gjatë kontrollit në veturën e tyre janë gjetur dhe konfiskuar katër qese me 119.56 gram substancë narkotike e llojit marihuanë, 9 fara të bimës kanabis sativa, një peshore digjitale, një pako rrizlla, një grinder, 37 qese të zbrazëta, dy telefona dhe vetura.
Po ashtu gjatë kontrollit të shtëpisë se njërit prej të dyshuarve janë gjetur edhe 0.70 gram substance narkotike marihuanë. Me vendim të prokurorit pas intervistimit të dyshuarit janë dërguar në mbajtje”, bënë të ditur policia.
Pas kësaj me vendim të prokurorit të dyshuarit janë dërguar në mbajtje.