Nëna e dy djemve nga Glinde pranë Hamburgut në Schleswig-Holstein, të cilët u qëlluan nga babai, u mor në pyetje për herë të parë për ngjarjen.
Marrja në pyetje ishte vetëm e shkurtër dhe do të vazhdojë, tha një zëdhënëse e prokurorisë publike të Lübeck. Fillimisht ajo nuk dha asnjë informacion për përmbajtjen, shkruan RTL.
Gruaja 38-vjeçare ishte e vetmja që i mbijetoi sulmit të bashkëshortit të saj 44-vjeçar. Sipas gjetjeve të hetuesve, 44-vjeçari ka vrarë djemtë e tij 11 dhe 13-vjeçarë me nga një të shtënë dhe më pas është plagosur për vdekje me armë. Gruaja u plagos rëndë dhe u dërgua me urgjencë në spital dhe u vendos përkohësisht në koma artificiale, transmeton albinfo.ch.
Në total, burri kishte shtypur këmbëzën të paktën tetë herë, siç tregojnë provat e hetimit mjeko-ligjor. Rendi i të shtënave është ende nën hetim, por mësohet se 44-vjeçari nuk kishte leje armësh.
Motivi i burrit për vrasjen e dy djemve dhe plagosjen e gruas është ende i paqartë.