Qendra Kombëtare për Menaxhim Kufitar e Kosovës ka njoftuar për masat që po zbatohen për shtetasit kosovarë në kufijtë e vendit për të parandaluar përhapjen e COVID-19.
Kjo Qendër njofton se për të hyrë në Kosovë, shtetasit e Kosovës duhet të kenë certifikatën e vaksinimit, testin PCR negativ jo më të vjetër se 48 orë apo karantinim për periudhë 7 ditore.
- Reklama -
“Të gjithë shtetasit e Republikës së Kosovës, që tentojnë të hyjnë në Republikën e Kosovës, përmes Pikave Kufitare, në rast të mungesës së certifikatës së vaksinimit, për t’ua mundësuar hyrjen, Policia do të kërkojë testin PCR negativ jo më të vjetër se 48 orë, apo të kërkojë karantinim për periudhë 7 ditore”, thuhet në njoftimin e Qendrës Kombëtare për Menaxhim Kufitar.
- Reklama -