Aktivistja e shoqërisë civile në Prizren, Elmedina Dorambari, përmes një postimi në facebook, ka bërë thirrje që edhe Kuvendi i ardhshëm i Prizrenit të ketë në krye të tij një kryesuese grua, dhe të ndjek shembullin e Gjakovës dhe Vushtrrisë.
Postimi i plotë
Përkundër asaj që kuvendet e komunave dominohen me përfaqësimin e burrave si rezultat i rrethanave që tani më dihen, dy Kuvendet e komunave në këtë rast ajo e Gjakovës dhe e Vushtrrisë (ndoshta mundë të ketë edhe komuna tjera) po na japin shembull për të mirë, se si po krijohet hapësira për gratë që të jenë më të përfaqësuara në pozita politike – udhëheqëse.
Unë pres që edhe Prizreni të ndjek shembullin e dy komunave të lartëpërmendura. Përfaqësuesit politik në Kuvendin e Komunës së Prizrenit, duhet të reflektojnë. Zgjedhja e një kryesuese të Kuvendit të komunës, do të përmbyllte një cikël shumë vjeçar të angazhimit të përgjithshëm për emancipim shoqëror.