Një ambient i përshtatur për kultivimin e kanabisit, sipas metodës me llamba, është zbuluar këtë të premte në Shkodër.
“Shtëpia e barit” në fshatin Jeran ishte ngritur nga një çift bashkëshortësh. Gruaja, 42-vjeçarja Mariana Vuksanaj u arrestua, ndërsa burri i saj, 55-vjeçari Gjovalin Vuksanaj u shpall në kërkim.
Sipas policisë, janë sekuestruar 139 kg kanabis, fidanë narkotikë të kultivuar në vazo, 63 llamba elektrike dhe baza të tjera materiale që shërbenin për kultivimin e kanabisit nëpërmjet llambave elektrike.
Gjatë zhvillimit të operacionit janë sekuestruar 139 kg lëndë bimore e dyshuar cannabis sativa, 132 fidanë të dyshuar narkotikë të kultivuar në vazo, 63 llamba elektrike, baza të tjera materiale që shërbenin për kultivimin e kanabisit nëpërmjet llambave elektrike dhe 1 automjet.
Gjithashtu, gjatë operacionit, në këtë banesë është konstatuar lidhje e paligjshme e energjisë elektrike.
Materialet procedurale iu referuan Prokurorisë pranë Gjykatës së Shkallës së Parë Shkodër, për veprat penale “Prodhimi dhe shitja e narkotikëve” kryer në bashkëpunim, “Kultivimi i bimëve narkotike” kryer në bashkëpunim dhe “Vjedhja e energjisë elektrike. /tch/