Komisioni Qendror Zgjedhor ka certifikuar rezultatet përfundimtare të raundit të dytë të zgjedhjeve për kryetar të komunës së Prizrenit dhe Kllokotit.
Megjithëse, përfaqësuesi i LVV-së në KQZ, Alim Rama, kërkoi që certifikimi për Prizrenin të shtyhet për shkak se kanë dorëzuar ankesë në Gjykatën Supreme.
- Reklama -
“Lëvizja Vetëvendosje ka dorëzuar ankesë në Gjykatën Supreme dhe për shkaqe administrative nuk mund të certifikojmë rezultatet për Prizren”, tha ai.
Këtë e kundërshtoi anëtari i KQZ-së nga radhët e PDK-së, Ilir Gashi, i cili tha se një gjë e tillë është mohuar nga Gjykata Supreme.
Edhe kryesuesi i KQZ-së, Kreshnik Radoniqi, tha se nga Gjykata Supreme nuk e kanë konfirmuar ankesën e Lëvizjes Vetëvendosje. /kp/
- Reklama -