Gazeta Online “Reporteri.net” pak më parë raportoi për një vrasje që ndodhi pas mesnate në rrugën “Artim Jashari” të Mitrovicës, ku një person është therur për vdekje nga dy të dyshuar.
Gazeta Online “Reporteri.net”, ka kontaktuar me Policinë e Kosovës për të marrë detaje shtesë.
Zëdhënësi i Policisë së Kosovës, Avni Zahiti, ka treguar se personi që ka mbetur i vrarë është 26-vjeçar me inicialet A.M.
Reporteri.net mëson së bëhet fjalë për 26-vjeçarin Albert Muja.
Policia ka njoftuar se ngjarja dyshohet se ndodhi pas një zënke që kishin mes vete viktima dhe dy të dyshuarit. Gjatë përleshjes dyshohet se viktima është sulmuar me thikë nga dy të dyshuarit dhe nga plagët e marra ka humbur jetën në QKUK.
Lexo edhe: Rezultatet përfundimtare në Podujevë, LDK-ja 18 vota më shumë se VV-ja
Trupi i pajetë i viktimës me vendim të prokurorit është dërguar në IML për obduksion. /Reporteri.net/.