Në një ceremoni zyrtare, sot në Gjimnazin “Loyola” është bërë shpërndarja e diplomave të gjuhës gjermane DSD 1 për nxënësit e kësaj shkolle.
Drejtori ekzekutiv i ALG “Loyola-Gymnasium”, z. Elias Koller i ka përgëzuar nxënësit për rezultatin e arritur, duke nënvizuar edhe punën me përkushtim të mësimdhënësve të kësaj shkolle për të arritur rezultate sa më të larta.
- Reklama -
Ceremonia u zhvillua në prani të një përfaqësuesi nga Ambasada e Gjermanisë në Kosovë, ndërkaq edhe nxënësit u shprehën të lumtur për dijet e arritura dhe mundësitë që ofron kjo shkollë në përgatitjen e tyre për të ardhmen.
- Reklama -